Hoppa yfir valmynd
SérfræðistörfHöfuðborgarsvæðiðHagstofa Íslands

Heilla heimsmarkmið Sameinuðu þjóðanna þig?

Heilla heimsmarkmið Sameinuðu þjóðanna þig?

Sérfræðingur í alþjóðlegri tölfræði

Hagstofan tekur þátt í verkefnastjórn Heimsmarkmiða Sameinuðu þjóðanna þar sem haldið er utan um eftirfylgd Heimsmarkmiðanna hérlendis. Markmiðið er að vinna að innleiðingu og greiningu á stöðu Heimsmarkmiðanna á Íslandi og taka þátt í víðtæku alþjóðlegu samstarfi um Heimsmarkmiðin. Reglulega er framkvæmd landsrýni um stöðu innleiðingarinnar á vettvangi Sameinuðu þjóðanna. 

Helstu verkefni og ábyrgð

Megin verkefni sérfræðings í alþjóðlegri tölfræði hjá Hagstofunni er að þróa og hafa umsjón með tölfræðivísum Heimsmarkmiða Sameinuðu þjóðanna ásamt því að styðja við hagnýtingu þeirra. Einnig felst starfið í að sjá um samskipti við alþjóðastofnanir um tölfræði Heimsmarkmiðanna og styðja við íslenska stjórnsýslu í samskiptum þeirra tengdum þessari tölfræði. 

Hæfniskröfur

  • Háskólamenntun með sterkan tölfræðilegan grunn
  • Haldgóð þekking á tölfræði
  • Farsæl reynsla af því að stjórna samstarfsverkefnum
  • Góð samskipta- og samstarfsfærni
  • Mikil færni í framsetningu gagna í ræðu og riti
  • Góð skipulagsfærni, nákvæmni og samviskusemi
  • Frumkvæði og sjálfstæði í starfi
  • Afbragðs geta til að tjá sig í ræðu og riti á bæði ensku og íslensku
  • Góð almenn tölvukunnátta
  • Reynsla af alþjóðasamstarfi er kostur
  • Reynsla af ráðgjafastörfum er kostur

Frekari upplýsingar um starfið

Laun samkvæmt gildandi kjarasamningi sem fjármála- og efnahagsráðherra og viðkomandi stéttarfélag hafa gert.

Með umsókn þarf að fylgja ferilskrá ásamt kynningarbréfi þar sem ítarlega er gerð grein fyrir hæfni umsækjanda í starfið.

Öllum umsóknum verður svarað og umsækjendum tilkynnt um ráðstöfun starfsins þegar ákvörðun hefur verið tekin. Umsóknir gilda í sex mánuði frá því að umsóknafrestur rennur út. Öll kyn eru hvött til að sækja um. Tekið er mið af jafnréttisstefnu Hagstofu Íslands við ráðningar í störf.

Hagstofa Íslands er miðstöð opinberrar hagskýrslugerðar á Íslandi. Hlutverk Hagstofunnar er að vinna hlutlægar hagskýrslur, hafa forystu um samhæfingu hagtalna, stunda rannsóknir og stuðla þannig að upplýstri umræðu og faglegum ákvörðunum. Leiðarljós starfseminnar eru þjónusta, áreiðanleiki og framsækni. Hagstofan er staðsett í lifandi umhverfi í Borgartúninu, starfsumhverfið er jákvætt, fjölskylduvænt og sveigjanlegt og við höfum öflugt starfsmannafélag. Nánari upplýsingar má finna á www.hagstofa.is

Starfshlutfall er 100%

Umsóknarfrestur er til og með 15.08.2022

Nánari upplýsingar veitir

Ólafur Arnar Þórðarson, sviðstjóri - [email protected] - 5281000
Emma Ásudóttir Árnadóttir, mannauðsstjóri - [email protected] - 5281000

Smelltu hér til að sækja um starfið

Hafa samband

Ábending / fyrirspurn
Ruslvörn
Vinsamlegast svaraðu í tölustöfum

Vefurinn notar vefkökur til að bæta upplifun notenda og greina umferð um vefinn. Lesa meira