Hoppa yfir valmynd
HeilbrigðisþjónustaHöfuðborgarsvæðiðLandspítali

Vörustjóri nýþróunar í heilbrigðis- og upplýsingatækni á LSH

Vörustjóri nýþróunar í heilbrigðis- og upplýsingatækni á LSH

Við leitum að hugmyndaríkum og öflugum leiðtoga með brennandi áhuga á nýsköpun til að ganga til liðs við stækkandi nýþróunareiningu heilbrigðis- og upplýsingatæknideildar Landspítalans (HUT). Viðkomandi þarf að hafa metnað til að umbylta vinnuumhverfi starfsfólks og efla upplýsingagjöf til sjúklinga. 

Sem vörustjóri nýþróunar munt þú taka virkan þátt í þróun á veflausnum og öppum sem styðja við starfsfólk Landspítalans sem og sjúklinga og aðstandendur. Það er því nauðsynlegt að þú hafir áhuga á notendaupplifun og notendaprófunum, ásamt drifkraft og ástríðu fyrir framþróun heilbrigðislausna. 

Á heilbrigðis- og upplýsingatæknideild (HUT) starfa um 70 manns auk fjölda verktaka. Hlutverk HUT er að styðja sem best við starfsemi spítalans með tæknilausnum og leiða stafræn framþróunarverkefni sem öll miða að hærra þjónustustigi og aukinni skilvirkni á þessum ört stækkandi markaði.

Nýþróun er nýr vettvangur innan HUT sem leyfir sköpunarkrafti að brjótast fram, finna frjósaman farveg, vaxa, dafna og þroskast með það að leiðarljósi að umbylta vinnuumhverfi starfsfólks og efla upplýsingagjöf til sjúklinga. Nýþróun leiðir í dag m.a. þróun Heilsugáttar sem er vefgátt fyrir klínískt starfsfólk ásamt þróun farsímaapps fyrir sjúklinga og fyrir starfsfólk.

Helstu verkefni og ábyrgð

  • Leiða þróun á lykilvörum í samvinnu við verktaka
  • Vinna að greiningu verkefna með klínísku starfsfólki og sérfræðingum innan HUT
  • Bera ábyrgð á framtíðasýn og vöruþróun
  • Innleiða nýjar lausnir á deildum spítalans
  • Vera í samskiptum við sprotafyrirtæki og helstu hugbúnaðarfyrirtæki landsins
  • Taka þátt í nýsköpunarátaki í heilbrigðislausnum

Hæfniskröfur

  • Háskólanám í tölvunarfræði, verkfræði eða sambærilegu sem nýtist í starfi
  • Reynsla og góð þekking á hugbúnaðarþróun og agile aðferðafræði
  • Reynsla og þekking á vörustjórnun í hugbúnaðarþróun
  • Hæfni í mannlegum samskiptum
  • Geta til að setja sig inn í nýjar lausnir og taka ábyrgð
  • Góð færni í ensku og íslensku í ræðu og riti

Frekari upplýsingar um starfið

Laun samkvæmt gildandi kjarasamningi sem fjármála- og efnahagsráðherra og viðkomandi stéttarfélag hafa gert.

Umsókn fylgi náms- og starfsferilskrá auk kynningarbréfs. Öllum umsóknum verður svarað þegar ákvörðun um ráðningu hefur verið tekin. Tekið er mið af jafnréttisstefnu Landspítala við ráðningar á spítalanum.

Umsóknir geta gilt í 6 mánuði frá því að umsóknarfrestur rennur út, sbr. 2. gr. reglna nr. 464/1996, um auglýsingar á lausum störfum með síðari breytingum.

Landspítali er lifandi og fjölbreyttur vinnustaður þar sem um 6000 manns starfa í þverfaglegum teymum og samstarfi ólíkra fagstétta. Framtíðarsýn Landspítala er að vera háskólasjúkrahús í fremstu röð þar sem sjúklingurinn er ávallt í öndvegi. Lykiláherslur í stefnu spítalans eru öryggismenning, skilvirk og vönduð þjónusta, uppbygging mannauðs og stöðugar umbætur.

Starfsmerkingar: verkefnastjóri, verkfræðingur, vöruþróun, hugbúnaðarverkfræðingur, tölvunarfræðingur

Starfshlutfall er 100%

Umsóknarfrestur er til og með 29.09.2022

Nánari upplýsingar veitir

Adeline Tracz - [email protected]

Smelltu hér til að sækja um starfið

Hafa samband

Ábending / fyrirspurn
Ruslvörn
Vinsamlegast svaraðu í tölustöfum

Vefurinn notar vefkökur til að bæta upplifun notenda og greina umferð um vefinn. Lesa meira