Hoppa yfir valmynd
Kennsla og rannsóknirHöfuðborgarsvæðiðHáskóli Íslands

Lektor í markaðsfræði, viðskiptafræðideild, Háskóli Íslands

Lektor í markaðsfræði, viðskiptafræðideild, Háskóli Íslands

Laust er til umsóknar fullt starf lektors í viðskiptafræðideild Háskóla Íslands.

Helstu verkefni og ábyrgð

Starfsskyldur lektorsins skiptast í kennslu, rannsóknir og stjórnun. Lektornum er ætlað að sinna skipulagi og framkvæmd kennslu í markaðsfræði auk þess að taka virkan þátt í starfsemi deildarinnar í rannsóknum og stjórnun.

Hæfniskröfur

  • Doktorspróf í markaðsfræði eða náskyldum greinum.
  • Reynsla af kennslu á sviði markaðsfræði á háskólastigi.
  • Góð hæfni til að miðla eigin kunnáttu.
  • Sjálfstæð vinnubrögð.
  • Góð samstarfshæfni og lipurð í mannlegum samskiptum.

Frekari upplýsingar um starfið

Laun samkvæmt gildandi kjarasamningi sem fjármála- og efnahagsráðherra og Félag háskólakennara hafa gert.

Um meðferð umsókna, mat á hæfni umsækjenda og ráðningu í starfið er farið eftir ákvæðum laga nr. 85/2008 um opinbera háskóla og reglna nr. 569/2009 fyrir Háskóla Íslands. Samkvæmt 38. gr. reglnanna er rektor heimilt að veita framgang í starf dósents eða prófessors við nýráðningu uppfylli viðkomandi þau skilyrði.

Ráðið verður í starfið frá og með 1. janúar 2023, eða eftir samkomulagi.

Umsókn skal fylgja greinargerð um menntun og fyrri störf. Öllum umsóknum verður svarað þegar ákvörðun um ráðningu liggur fyrir. Umsóknir geta gilt í sex mánuði frá lokum umsóknafrests. 

Við ráðningu í störf í Háskóla Íslands er tekið mið af jafnréttisáætlun skólans, sjá hér: http://www.hi.is/haskolinn/jafnrettisaaetlun#markmid2. 

Vakin er athygli á málstefnu Háskóla Íslands, sjá hér: https://www.hi.is/haskolinn/malstefna_haskola_islands

Háskóli Íslands er stærsta kennslu-, rannsókna- og vísindastofnun Íslands með stórt og fjölbreytt safn rannsóknarverkefna. Skólinn veitir nemendum víðtæka menntun á öllum helstu fræðasviðum og þjónar stofnunum, fyrirtækjum og stjórnvöldum í þágu almannaheilla. Háskóli Íslands er í hópi 300 bestu háskóla heims samkvæmt nýjum matslista Times Higher Education. 

Í viðskiptafræðideild starfa um 37 manns að kennslu og rannsóknum og útskrifast um 300 nemendur á ári með gráðu á BS, meistara- eða doktorsstigi frá deildinni. Vísindafólkið stundar grunnrannsóknir, hagnýtar rannsóknir og þjónusturannsóknir og lögð er mikil áhersla á fjölbreytta miðlun þekkingar, öfluga samræðu við íslenskt samfélag og alþjóðlega fræðasamfélagið.

Starfshlutfall er 100%

Umsóknarfrestur er til og með 10.10.2022

Nánari upplýsingar veitir

Gylfi Magnússon, deildarforseti Viðskiptafræðideildar - [email protected] - 5254572

Smelltu hér til að sækja um starfið

Hafa samband

Ábending / fyrirspurn
Ruslvörn
Vinsamlegast svaraðu í tölustöfum

Vefurinn notar vefkökur til að bæta upplifun notenda og greina umferð um vefinn. Lesa meira