Hoppa yfir valmynd
HeilbrigðisþjónustaVesturlandHeilbrigðisstofnun Vesturlands

Sérfræðingur kvensjúkdóma- og fæðingalæknir

Sérfræðingur kvensjúkdóma- og fæðingalæknir

Hér með er auglýst staða sérfræðings í kvensjúkdóma- og fæðingalækningum við fæðinga- og kvensjúkdómadeild sjúkrahúss HVE, Akranesi. Um er að ræða 80% stöðu en möguleiki er á lægra starfshlutfalli, þá t.d. 40% stöðu sem skiptist milli tveggja sérfræðinga eða fasta afleysingu eftir samkomulagi. Æskilegt er að viðkomandi geti hafið störf sem fyrst, eða eftir samkomulagi.

Sjúkrahúsið er deildaskipt með handlækningadeild, fæðinga- og kvensjúkdómadeild og lyflækningadeild. Þá er á Akranesi fjölbreytt verkefni, margvíslegar stoðdeildir og færi á þverfaglegri teymisvinnu er mikil. Fjölbreytt og öflug starfsemi er á skurðstofum með vaktþjónustu allan sólarhringinn. Þar eru framkvæmdar rúmlega 800 kvensjúkdómaaðgerðir á ári. Á dagdeild skurðdeildar eru einnig framkvæmdar aðgerðir sem ekki þarfnast innlagnar. 

Helstu verkefni og ábyrgð

Móttaka sjúklinga á göngudeild, skurðaðgerðir á sviði kvensjúkdóma og fæðingahjálpar, auk bakvakta á fæðinga- og kvensjúkdómadeild HVE. Þátttaka í gæðastarfi. Þátttaka í kennslu heilbrigðisstétta og þjálfun sérnámsgrunnlækna. Tækifæri eru á þverfaglegri teymisvinnu í fjölbreyttu starfsumhverfi.

Á HVE Akranesi er þriðja stærsta fæðingardeild landsins þar sem veitt er sérhæfð þjónusta fæðinga- og kvensjúkdómalækna og aðgangur er að skurðstofu með svæfingalæknum á sólarhringsvakt. Þar geta konur fætt við fullar 37 vikur meðgöngu ef ekki eru fyrirsjáanleg vandamál í fæðingu eða alvarleg heilsufarsleg frávik hjá móður. Svæfingalæknar HVE eru þjálfaðir í meðferð nýbura og starfa í góðri samvinnu við nýburalækna á Vökudeild Landspítala. 

Hæfniskröfur

Sérfræðiviðurkenning sem kvensjúkdóma- og fæðingalæknir svo og starfsleyfi Embættis landlæknis er skilyrði. Sérþekking á sviði skurðlækninga við góðkynja sjúkdómum í kvenlíffærum er æskileg. Lögð er áhersla á faglegan metnað, jákvæðni, lipurð og áreiðanleika í samskiptum. Áskilinn er réttur til að hafna umsóknum frá einstaklingum sem ekki teljast uppfylla framangreind skilyrði.

Frekari upplýsingar um starfið

Laun samkvæmt gildandi kjarasamningi sem fjármála- og efnahagsráðherra og Læknafélag Íslands hafa gert.

Sækja skal um á hve.is eða starfatorg.is. Umsókn skal fylgja ítarleg náms- og starfsferilsskrá. Jafnframt skal leggja fram staðfestar upplýsingar um læknismenntun, læknisstörf og vísinda- og rannsóknarstörf ásamt staðfestu afriti af opinberu starfsleyfi. Mat á hæfni umsækjenda byggist á innsendum gögnum og viðtölum við umsækjendur. Gögn sem ekki er hægt að senda rafrænt skulu berast til Þóris Bergmundssonar, framkvæmdastjóra lækninga. Öllum umsóknum verður svarað þegar ákvörðun um ráðningu hefur verið tekin.

Ýmsar upplýsingar um starfsemi HVE má finna á hve.is og í myndbandi á eftirfarandi slóð: https://www.youtube.com/watch?v=-943pn04nRI

Starfshlutfall er 40-80%

Umsóknarfrestur er til og með 03.10.2022

Nánari upplýsingar veitir

Hrund Þórhallsdóttir, Yfirlæknir - [email protected] - 432-1000
Ásgeir Ásgeirsson, Framkvæmdarstjóri fjármála - [email protected] - 432-1000

Smelltu hér til að sækja um starfið

Hafa samband

Ábending / fyrirspurn
Ruslvörn
Vinsamlegast svaraðu í tölustöfum

Vefurinn notar vefkökur til að bæta upplifun notenda og greina umferð um vefinn. Lesa meira