Hoppa yfir valmynd
SérfræðistörfHöfuðborgarsvæðiðUMBRA Þjónustumiðstöð Stjórnarráðsins

Verkefnastjóri

Verkefnastjóri

Umbra leitar að liðsfélaga til að vera hluti af spennandi vegferð við að auka samrekstur, bæta tæknilega innviði og skapa umhverfi sem styður við aukna sjálfvirkni og samvinnu milli stofnana og ráðuneyta. Framundan er áframhaldandi innleiðing og stuðningur við Microsoft 365 skrifstofuumhverfi með uppbyggingu öflugs þjónustukjarna sem stuðlar að skilvirkum og öruggum rekstri á upplýsingatækniinnviðum ríkisins í góðu samstarfi við tæknibirgja. 

Mikil tækifæri eru til staðar til að styðja betur við það markmið stjórnvalda að Ísland verði meðal fremstu þjóða á sviði stafrænnar tækni og þjónustu hins opinbera.

Við leitum að verkefnisstjóra með þekkingu á upplýsingatækni, áhuga og færni til að stýra skipulagningu og framgangi verkefna ásamt skjölun afurða.

Helstu verkefni og ábyrgð

  • Leiða verkefnateymi og bera ábyrgð á framgangi verkefna
  • Vinna við skilgreiningu, afmörkun og skipulagningu verkefna í kvikri nálgun
  • Stýra skjölun á þjónustuferlum, leiðbeiningum og vörulýsingum
  • Annast upplýsingagjöf til innri og ytri hagsmunaaðila

Hæfniskröfur

  • Menntun sem nýtist í starfi
  • Framhaldsmenntun á sviði verkefnisstjórnunar er kostur
  • Þekking á og reynsla af upplýsingatækni
  • Öguð vinnubrögð ásamt ríkri samskiptahæfni
  • Góð kunnátta í íslensku og ensku í ræðu og riti
  • Metnaður til að ná árangri og hæfni til að tileinka sér nýjungar og breytingar

Frekari upplýsingar um starfið

Laun samkvæmt gildandi kjarasamningi sem fjármála- og efnahagsráðherra og viðkomandi stéttarfélag hafa gert.

Umbra - þjónustumiðstöð Stjórnarráðsins veitir ráðuneytum og stofnunum margvíslega þjónustu á sviði upplýsingatækni og annars sameiginlegs reksturs. Hjá Umbru vinnur fjölbreyttur hópur saman að því að veita framúrskarandi þjónustu í góðu umhverfi. Umbra er ISO 27001 vottuð og starfsmenn eru 45 talsins. Skrifstofur Umbru eru í Skuggasundi 3.

Umsókn þarf að fylgja starfsferilskrá og kynningarbréf (hvort tveggja á íslensku), þar sem gerð er grein fyrir ástæðu umsóknar og hæfni umsækjanda sem nýtist í starfi. 

Áhugasamir einstaklingar, óháð kyni, eru hvattir til að sækja um starf. Athygli er vakin á því að umsóknir geta gilt í sex mánuði frá því að umsóknarfrestur rennur út. Öllum umsóknum verður svarað þegar ákvörðun um ráðningu liggur fyrir.

Starfshlutfall er 100%

Umsóknarfrestur er til og með 03.10.2022

Nánari upplýsingar veitir

Sigurður Helgi Sturlaugsson - [email protected] - 545 8800
Hafdís Ósk Pétursdóttir, hjá Intellecta - - 511 1225

Smelltu hér til að sækja um starfið

Hafa samband

Ábending / fyrirspurn
Ruslvörn
Vinsamlegast svaraðu í tölustöfum

Vefurinn notar vefkökur til að bæta upplifun notenda og greina umferð um vefinn. Lesa meira