Hoppa yfir valmynd
HeilbrigðisþjónustaHöfuðborgarsvæðiðLandspítali

Hjúkrunarfræðingur á meðferðareiningu geðrofssjúkdóma

Hjúkrunarfræðingur á meðferðareiningu geðrofssjúkdóma

Metnaðarfullur hjúkrunarfræðingur óskast til starfa í samfélags- og göngudeildarteymi á meðferðareiningu geðrofssjúkdóma á Landspítala. Teymin, sem eru tvö talsins, eru í stöðugri þróun og uppbyggingu. Hjúkrunarfræðingar gegna þar lykilhlutverki í mótun framtíðarsýnar, eflingu hjúkrunar, meðferðar og endurhæfingu fyrir einstaklinga með alvarlega geðrofssjúkdóma og innleiðingu málastjórnunar í teyminu. Er þetta eitthvað fyrir þig?


Meginverkefni teymanna er að veita fólki sem greinst hefur með alvarlega geðsjúkdóma og aðstandendum þeirra þverfaglega og einstaklingsmiðaða þjónustu. Þjónustan byggir á batamiðaðri hugmyndafræði og skaðaminnkandi nálgun. Markmið meðferðarinnar er að stuðla að bata, rjúfa félagslega einangrun og auka virkni og lífsgæði í daglegu lífi. Starfsemin er í stöðugri þróun og lögð er áhersla á virkt umbótastarf. Málastjórum standa til boða mikil tækifæri til vaxtar í starfi með markvissri handleiðslu og faglegum stuðningi. Meðal annars er lögð áhersla á að allir málastjórar sæki námskeið í áhugahvetjandi samtalstækni. Í teymunum starfa læknar, hjúkrunarfræðingar, félagsráðgjafar, sálfræðingar, iðjuþjálfar, sjúkraliðar og ráðgjafar. Náið samstarf og samvinna er við velferðarþjónustu sveitafélaga, heilsugæslu og geðheilsuteymi heilsugæslunnar.


Hlutverk málastjóra er fjölbreytt og felst meðal annars í mati á þörfum einstaklinga, mati á geðrænum einkennum og eftirfylgd, þróun meðferðaráætlana sem mæta þörfum hvers og eins og vöktun og mat á árangri þjónustunnar. Málastjóri ber ábyrgð á almennum þáttum meðferðarinnar, samskiptum við aðstandendur og heldur utan um þá meðferð og endurhæfingu sem einstaklingurinn þarf á að halda. 


Margir möguleikar eru á starfsþróun fyrir hjúkrunarfræðinga. Haustið 2022 fór af stað nýtt og spennandi meistaranám í klínískri geðhjúkrun við Háskóla Íslands og Háskólann á Akureyri í samstarfi við geðþjónustu Landspítala. Í náminu verður lögð áhersla á klíníska þjálfun undir handleiðslu reyndra hjúkrunarfræðinga. 


Starfshlutfall er 70-100% og er um dagvinnu að ræða. Starfsumhverfið er fjölskylduvænt en með styttingu vinnuvikunnar er miðað við 36 klukkustunda vinnuviku í 100% starfi. Sé óskað eftir vöktum er það einnig möguleiki í samstarfi við aðrar deildir geðþjónustunnar.


Staðan er laus eftir samkomulagi. 
 

Helstu verkefni og ábyrgð

  • Virk þátttaka í þverfaglegri þjónustu og meðferð skjólstæðinga teymis og aðstandenda 
  • Málastjórnun og þverfaglegt samstarf
  • Samskipti, hvatning, fræðsla, leiðbeiningar og heildrænn stuðningur
  • Ýmis fjölþætt verkefni og þátttaka í umbótastarfi

Hæfniskröfur

  • Íslenskt hjúkrunarleyfi
  • Faglegur metnaður og ábyrgð í starfi sem og einlægur áhugi á geðhjúkrun
  • Jákvætt hugarfar, metnaður og áhugi á að starfa í þverfaglegu teymi
  • Framúrskarandi samskiptahæfni er skilyrði 
  • Færni til að skipuleggja og forgangsraða verkefnum 
  • Færni til að hafa góða yfirsýn yfir fjölþætt störf teymisins
  • Góð íslensku- og enskukunnátta er skilyrði 
  • Stundvísi og áreiðanleiki

Frekari upplýsingar um starfið

Laun samkvæmt gildandi kjarasamningi sem fjármála- og efnahagsráðherra og Félag íslenskra hjúkrunarfræðinga hafa gert.

Allar umsóknir þurfa að fara í gegnum Starfatorg. Laun samkvæmt gildandi kjarasamningi sem fjármála- og efnahagsráðherra og Félag íslenskra hjúkrunarfræðinga hafa gert.
Umsókn fylgi náms- og starfsferilskrá ásamt afriti af prófskírteinum og starfsleyfi auk kynningarbréfs. Öllum umsóknum verður svarað. Tekið er mið af jafnréttisstefnu Landspítala við ráðningar á spítalanum.

Landspítali er lifandi og fjölbreyttur vinnustaður þar sem yfir 6000 manns starfa í þverfaglegum teymum og samstarfi ólíkra fagstétta. Framtíðarsýn Landspítala er að vera háskólasjúkrahús í fremstu röð þar sem sjúklingurinn er ávallt í öndvegi. Lykiláherslur í stefnu spítalans eru öryggismenning, skilvirk og vönduð þjónusta, uppbygging mannauðs og stöðugar umbætur.

Umsóknir geta gilt í 6 mánuði frá því að umsóknarfrestur rennur út, sbr. 2. gr. reglna nr. 464/1996, um auglýsingar á lausum störfum með síðari breytingum.

Starfsmerkingar: Heilbrigðisþjónusta, hjúkrunarfræðingur, dagvinna, geðþjónusta

Starfshlutfall er 70-100%

Umsóknarfrestur er til og með 04.10.2022

Nánari upplýsingar veitir

Halldóra Friðgerður Víðisdóttir - [email protected] - 848-2636
Eygló Einarsdóttir - [email protected] - 621-8358

Smelltu hér til að sækja um starfið

Hafa samband

Ábending / fyrirspurn
Ruslvörn
Vinsamlegast svaraðu í tölustöfum

Vefurinn notar vefkökur til að bæta upplifun notenda og greina umferð um vefinn. Lesa meira