Hoppa yfir valmynd
HeilbrigðisþjónustaHöfuðborgarsvæðiðLandspítali

Heilbrigðisgagnafræðingur - Sjúkraskrár- og skjaladeild Landspítala

Heilbrigðisgagnafræðingur - Sjúkraskrár- og skjaladeild Landspítala

Landspítali auglýsir starf heilbrigðisgagnafræðings á sjúkraskrár- og skjaladeild (SSD) laust til umsóknar. Deildin er undir sameiginlegri stjórn framkvæmdastjóra hjúkrunar og lækninga ásamt menntadeild, gæðadeild og vísindadeild. Hlutverk sjúkraskrár- og skjaladeildar er að tryggja að umsýsla sjúkraskrárgagna sé samkvæmt viðeigandi lögum og reglugerðum og að öll yfirsýn og umsýsla sé á einum stað til að auka gæði og öryggi.

Starfshlutfall er 100% og veitist starfið frá 1. nóvember eða eftir samkomulagi. Næsti yfirmaður er deildarstjóri sjúkraskrár- og skjaladeildar.

Helstu verkefni og ábyrgð

  • Verkefni tengd kóðun og frágangi rafrænna sjúkraskráa
  • Dagleg vinnsla sjúkraskrárupplýsinga í samræmi við gildandi lög, reglur, kröfur og gæðaviðmið
  • Gagnavinnsla og umsýsla rafrænna sjúkraskráa og vinnulista
  • Þátttaka í samstarfsverkefnum með heilbrigðis- og upplýsingatæknideild
  • Þátttaka í gæða- og umbótaverkefnum
  • Önnur verkefni í samráði við yfirmann

Hæfniskröfur

  • Íslenskt starfsleyfi sem heilbrigðisgagnafræðingur eða nemar sem lokið hafa öllu nema starfsnámi
  • Faglegur metnaður, frumkvæði og sjálfstæð vinnubrögð
  • Góð íslensku- og enskukunnátta
  • Þekking á Sögu og klínískum kerfum Landspítala er kostur

Frekari upplýsingar um starfið

Laun samkvæmt gildandi kjarasamningi sem fjármála- og efnahagsráðherra og Sameyki hafa gert.

Allar umsóknir þurfa að fara rafrænt í gegnum Starfatorg. Umsókn fylgi náms- og starfsferilskrá ásamt afriti af prófskírteinum og starfsleyfi. Tekið er mið af jafnréttisstefnu Landspítala við ráðningar á spítalanum. Öllum umsóknum verður svarað. 

Landspítali er lifandi og fjölbreyttur vinnustaður þar sem yfir 6000 manns starfa í þverfaglegum teymum og samstarfi ólíkra fagstétta. Framtíðarsýn Landspítala er að vera háskólasjúkrahús í fremstu röð þar sem sjúklingurinn er ávallt í öndvegi. Lykiláherslur í stefnu spítalans eru öryggismenning, skilvirk og vönduð þjónusta, uppbygging mannauðs og stöðugar umbætur. Umsóknir geta gilt í 6 mánuði frá því að umsóknarfrestur rennur út, sbr. 2. gr. reglna nr. 464/1996, um auglýsingar á lausum störfum með síðari breytingum. 

Starfsmerking: Heilbrigðisþjónusta, heilbrigðisgagnafræðingur, 

 

Starfshlutfall er 100%

Umsóknarfrestur er til og með 03.10.2022

Nánari upplýsingar veitir

Klara Katrín Friðriksdóttir - [email protected] - 824-5685

Smelltu hér til að sækja um starfið

Hafa samband

Ábending / fyrirspurn
Ruslvörn
Vinsamlegast svaraðu í tölustöfum

Vefurinn notar vefkökur til að bæta upplifun notenda og greina umferð um vefinn. Lesa meira