Hoppa yfir valmynd
HeilbrigðisþjónustaHöfuðborgarsvæðiðLandspítali

Skrifstofustarf á ónæmisfræðideild

Skrifstofustarf á ónæmisfræðideild

Laust er til umsóknar starf skrifstofumanns á ónæmisfræðideild Landspítala við Hringbraut. Um er að ræða framtíðarstarf.

Unnið er í nánu samstarfi við yfirlækni og deildarstjóra. Unnið er eftir fyrir fram ákveðnum verkferlum sem ná yfir fjölþætt verkefni. Starfið krefst m.a. mikillar færni í mannlegum samskiptum þar sem viðkomandi mun aðstoða við ýmis verkefni tengdum mannauðsmálum og samskiptum við skjólstæðinga deildarinnar.

Á deildinni starfa um 30 manns að jafnaði, auk masters- og doktorsnema. Þar fer m.a. fram eftirlit og meðferð ofnæmis- og ónæmissjúkdóma, þjónustu- og vísindarannsóknir auk ráðgjafar og kennslu heilbrigðisstétta í ónæmisfræði.

Deildin er opin alla virka daga frá kl. 8-16 og það þarf að manna móttöku og símavörslu í samstarfi við móttökustarfsmann innan þess tíma. Vinnutími er annars sveigjanlegur.

Helstu verkefni og ábyrgð

  • Sérhæfð og almenn skrifstofustörf
  • Aðstoð við reikningshald, vörustjórnun og mannauðsmál
  • Almenn aðstoð við starfsmenn og samskipti við skjólstæðinga deildarinnar
  • Önnur verkefni í samráði við yfirmann

Hæfniskröfur

  • Góð almenn tölvukunnátta og færni í Excel er nauðsynleg
  • Lausnamiðuð, skipulögð og sjálfstæð vinnubrögð
  • Góð samskiptahæfni og þjónustulund
  • Góð íslensku- og enskukunnátta, í máli og riti
  • Þekking á Oracle og Sögukerfi Landspítala er kostur
  • Nám eða reynsla sem nýtist í starfi æskileg

Frekari upplýsingar um starfið

Laun samkvæmt gildandi kjarasamningi sem fjármála- og efnahagsráðherra og Sameyki hafa gert.

Allar umsóknir þurfa að fara rafrænt í gegnum Starfatorg. Umsókn fylgi náms- og starfsferilskrá ásamt afriti af prófskírteinum og starfsleyfi. Tekið er mið af jafnréttisstefnu Landspítala við ráðningar á spítalanum. Öllum umsóknum verður svarað.

Landspítali er lifandi og fjölbreyttur vinnustaður þar sem yfir 6000 manns starfa í þverfaglegum teymum og samstarfi ólíkra fagstétta. Framtíðarsýn Landspítala er að vera háskólasjúkrahús í fremstu röð þar sem sjúklingurinn er ávallt í öndvegi. Lykiláherslur í stefnu spítalans eru öryggismenning, skilvirk og vönduð þjónusta, uppbygging mannauðs og stöðugar umbætur. 

Umsóknir geta gilt í 6 mánuði frá því að umsóknarfrestur rennur út, sbr. 2. gr. reglna nr. 464/1996, um auglýsingar á lausum störfum með síðari breytingum.

Starfsmerkingar: Skrifstofustörf, móttaka, ritari, símsvörun, skráning og vinnsla, mannauðsmál

Starfshlutfall er 100%

Umsóknarfrestur er til og með 03.10.2022

Nánari upplýsingar veitir

Björn Rúnar Lúðvíksson - [email protected]
Anna Guðrún Viðarsdóttir - [email protected]

Smelltu hér til að sækja um starfið

Hafa samband

Ábending / fyrirspurn
Ruslvörn
Vinsamlegast svaraðu í tölustöfum

Vefurinn notar vefkökur til að bæta upplifun notenda og greina umferð um vefinn. Lesa meira