Hoppa yfir valmynd
SkrifstofustörfAusturlandHeilbrigðisstofnun Austurlands

Móttökuritari - Neskaupstaður - Heilsugæsla/Umdæmissjúkrahús

Móttökuritari - Neskaupstaður - Heilsugæsla/Umdæmissjúkrahús

Heilbrigðisstofnun Austurlands óskar eftir að ráða jákvæðan og þjónustulipran einstakling með mikla samskiptahæfni í starf móttökuritara hjá HSA í Neskaupstað. Upphaf starfs er 1. október 2022 eða samkvæmt samkomulagi. Um er að ræða dagvinnustarf, virka daga, sem felur í sér mikil samskipti og fjölbreytt og krefjandi verkefni. 

Heilbrigðisstofnun Austurlands er metnaðarfullur vinnustaður þar sem um 420 einstaklingar starfa á 13 starfsstöðvum. Á stofnuninni er unnið markvisst að góðu starfsumhverfi og byggir HSA þjónustu sína á virðingu, þekkingu og þverfaglegri samvinnu.

Helstu verkefni og ábyrgð

  • Upplýsingagjöf og tímabókanir
  • Símavarsla
  • Daglegt uppgjör til bókhaldsdeildar
  • Gagnaumsjón og almenn skrifstofustörf
  • Þjónusta við skjólstæðinga, aðstandendur og samstarfsfólk
  • Ýmis sérverkefni í samvinnu við rekstrarstjóra og deildarstjóra

Hæfniskröfur

  • Jákvæðni og lipurð í samskiptum
  • Metnaður í starfi og skipulögð vinnubrögð
  • Reynsla af sambærilegu starfi er æskileg
  • Góð íslenskukunnátta
  • Kunnátta í ensku og einu Norðurlandamáli
  • Góð almenn tölvukunnátta
  • Heilbrigðisritaramenntun eða stúdentspróf er æskileg

Frekari upplýsingar um starfið

Laun samkvæmt gildandi kjarasamningi sem fjármála- og efnahagsráðherra og Starfsmannafélag Fjarðabyggðar hafa gert.

Allar umsóknir skulu sendar rafrænt í gegnum www.starfatorg.is. Umsókn fylgi náms- og starfsferilskrá ásamt afriti af prófskírteinum og starfsleyfi. Tekið er mið af jafnréttisstefnu HSA við ráðningar. Öllum umsóknum verður svarað. Umsóknir geta gilt í 6 mánuði frá því að umsóknarfrestur rennur út, sbr. 2. gr. reglna nr. 464/1996, um auglýsingar á lausum störfum með síðari breytingum.  Tóbaksnotkun er ekki heimil á vinnutíma innan HSA. 
HSA starfar á þremur fagsviðum; heilsugæslu-, hjúkrunar- og sjúkrasviði en alls eru starfsstöðvarnar þrettán talsins. Áhersla er lögð á samvinnu þvert á byggðarlög. Stofnunin þjónar rúmlega 11.000 íbúum frá Djúpavogi til Bakkafjarðar, auk ferðamanna sem sækja Austurland heim. HSA vill byggja þjónustu sína á mannvirðingu, þekkingu og þverfaglegri samvinnu.

Starfshlutfall er 60-80%

Umsóknarfrestur er til og með 03.10.2022

Nánari upplýsingar veitir

Borghildur F. Kristjánsdóttir - [email protected]
Guðrún Pétursdóttir - [email protected]

Smelltu hér til að sækja um starfið

Hafa samband

Ábending / fyrirspurn
Ruslvörn
Vinsamlegast svaraðu í tölustöfum

Vefurinn notar vefkökur til að bæta upplifun notenda og greina umferð um vefinn. Lesa meira