Hoppa yfir valmynd
HeilbrigðisþjónustaHöfuðborgarsvæðiðLandspítali

Umsjónarmaður svefnrannsóknarstofu

Umsjónarmaður svefnrannsóknarstofu

Við óskum eftir umsjónarmanni svefnrannsókna á Landspítala. Á svefnrannsóknarstofu eru framkvæmdar sérhæfðar klínískar rannsóknir til greininga á svefnvandamálum ásamt meðferðarþjónustu á landsvísu. Jafnframt fara fram umfangsmiklar rannsóknir í samstarfi við erlenda aðila, þ.á.m. SAGIC og BOLD.

Umsjónarmaður svefnrannsókna starfar undir stjórn sérfræðilækna einingarinnar og er lykilaðili í þróun verklagsreglna, gæðastjórnunar, eftirliti og viðhaldsþjálfun starfsmanna til að uppfylla viðurkennda staðla. Starfið býður upp á tækifæri til þátttöku í vísindarannsóknum og skrifum vísindagreina. 

Gerð er krafa um umfangsmikla starfsreynslu tengda svefnröskunum. Upphaf starfs er samkvæmt samkomulagi.

Helstu verkefni og ábyrgð

Umsjónarmaður svefnrannsókna starfar undir stjórn sérfræðilækna einingarinnar og eru helstu verkefni umsjón með tæknimálum svefnþjónustu, þ.m.t. gæðaeftirlit, umsjón með tækjum og tæknibúnaði ásamt þjálfun annarra starfsmanna á einingunni. Einnig úrlestur gagna, PSG, MSLT og kæfisvefnsskimunarrannsóknum. 

Umsjónarmaður svefnrannsókna er lykilaðili í þróun verklagsreglna, gæðastjórnunar, eftirliti og viðhaldsþjálfun starfsmanna til að uppfylla viðurkennda staðla. 

Hæfniskröfur

  • Gerð er krafa um umfangsmikla starfsreynslu tengda svefnröskunum, þ.m.t. uppsetning og túlkun á stig 1 polysomnography (PSG) samkvæmt stöðum AASM fyrir bæði greiningar- og meðferðarrannsóknir
  • Háskólapróf í heilbrigðisvísindum eða öðrum raunvísindum sem nýtist í starfi
  • Hafa lokið námi/ þjálfun í svefnmælingum (Polysomnographic Technologist (RPSGT))eða sambærilegu
  • Reynsla af gæðastjórnun tengt svefnröskunum
  • Reynsla af umsjón svefnrannsóknaþjónustu er æskileg
  • Reynsla af undirbúningi faggildingar hjá ESRS, AASM, ASA/ NATA eða samsvarandi er æskileg
  • Reynsla af vísindarannsóknum svefnraskana er æskileg

Frekari upplýsingar um starfið

Laun samkvæmt gildandi kjarasamningi sem fjármála- og efnahagsráðherra og viðkomandi stéttarfélag hafa gert.

Tekið er mið af jafnréttisstefnu Landspítala við ráðningar á spítalanum. Umsókn fylgi náms- og starfsferilskrá ásamt afriti af prófskírteinum og starfsleyfi. Ákvörðun um ráðningu byggist á innsendum gögnum og viðtölum. Öllum umsóknum verður svarað. 

Áhugasamir umsækjendur geta haft samband við fráfarandi umsjónarmann svefnrannsóknarstofu sé þess óskað

Umsóknir geta gilt í 6 mánuði frá því að umsóknarfrestur rennur út, sbr. 2. gr. reglna nr. 464/1996, um auglýsingar á lausum störfum með síðari breytingum. 

Landspítali er lifandi og fjölbreyttur vinnustaður þar sem yfir 6000 manns starfa í þverfaglegum teymum og samstarfi ólíkra fagstétta. Framtíðarsýn Landspítala er að vera háskólasjúkrahús í fremstu röð þar sem sjúklingurinn er ávallt í öndvegi. Lykiláherslur í stefnu spítalans eru öryggismenning, skilvirk og vönduð þjónusta, uppbygging mannauðs og stöðugar umbætur.

Starfsmerkingar: Heilbrigðisþjónusta, rannsóknir, heilbrigðisvísindi

Starfshlutfall er -100%

Umsóknarfrestur er til og með 13.10.2022

Nánari upplýsingar veitir

Sif Hansdóttir - [email protected] - 825 9489
Jordan Cunningham - [email protected] - 824 6135

Smelltu hér til að sækja um starfið

Hafa samband

Ábending / fyrirspurn
Ruslvörn
Vinsamlegast svaraðu í tölustöfum

Vefurinn notar vefkökur til að bæta upplifun notenda og greina umferð um vefinn. Lesa meira