Hoppa yfir valmynd
HeilbrigðisþjónustaHöfuðborgarsvæðiðLandspítali

Sérfræðilæknir á svefndeild Landspítala

Sérfræðilæknir á svefndeild Landspítala

Laust er til umsóknar starf sérfræðilæknis við svefndeild Landspítala. Um fullt starf er að ræða en lægra starfshlutfall getur þó komið til greina. Upphaf starfs er samkvæmt nánara samkomulagi.

Meginviðfangsefni deildarinnar er greining og meðferð sjúklinga með svefntengda sjúkdóma. Sérfræðilæknar í svefnlækningum, lungnalækningum, taugalækningum, geðlækningum, háls-nef og eyrnalækningum eða öðrum sérgreinum sem hafa þekkingu á túlkun og úrlestri svefnrannsókna og greiningu og meðferð svefntengdra sjúkdóma koma til greina.

Megin kunnáttusvið og hæfni sem þarf til starfsins eru túlkun polysomnografiurannsókna og vökurannsókna (e. vigilance studies) sem og greining og meðferð margra mismunandi svefnraskana svo sem svefntengdra öndunarraskana, dægursveiflusjúkdóma, hypersomniu- og parasomniusjúkdóma auk insomniu, svefntengdra hreyfitruflana og fleira.  

Helstu verkefni og ábyrgð

  • Úrlestur svefnrannsókna, þar með talið polysomnografiu, og upplýsingagjöf til sjúklinga
  • Ráðgjöf og meðferð við sjúkdómum sem tengjast svefni hjá inniliggjandi- og göngudeildarsjúklingum
  • Klínískt eftirlit með meðferð
  • Innstilling svefnöndunartækja og eftirlit með meðferð, hjá einstaklingum með grímumeðferð sem og meðferð um barkarauf
  • Þátttaka í þróun svefnrannsóknarferla á landsvísu
  • Þjónusta göngudeildarsjúklinga með flókna sjúkdómsmynd
  • Þátttaka í kennslu heilbrigðisstarfsmanna
  • Þátttaka í rannsóknarstarfi
  • Þátttaka í vöktum ræðst af sérgrein

Hæfniskröfur

  • Íslenskt sérfræðileyfi í viðeigandi sérgrein
  • Þekking, reynsla og áhugi á svefnháðum sjúkdómum
  • Reynsla af vinnu í svefnrannsóknareiningu
  • Þekking og reynsla af klínísku starfi
  • Góðir samskiptahæfileikar

Frekari upplýsingar um starfið

Laun samkvæmt gildandi kjarasamningi sem fjármála- og efnahagsráðherra og Læknafélag Íslands hafa gert.

Allar umsóknir þurfa að fara rafrænt í gegnum Starfatorg. Tekið er mið af jafnréttisstefnu Landspítala við ráðningar á spítalanum.  

Í umsóknarformið skal skrá inn upplýsingar um: 
» Fyrri störf, menntun og hæfni 
» Félagsstörf og umsagnaraðila  

Nauðsynleg fylgiskjöl: 
» Vottað afrit af prófskírteinum og starfsleyfum. 
» Ferilskrá þar sem tilgreind er reynsla af kennslu, vísindavinnu og stjórnunarstörfum.  
» Yfirlit yfir birtar ritrýndar vísindagreinar sem umsækjandi er höfundur að. Umsækjandi skal annaðhvort setja upp Google Scholar aðgang og senda vefslóð að síðunni eða senda staðfestingu á birtum greinum á PubMed.  
» Kynningarbréf með rökstuðningi fyrir hæfni og sýn á starfið. 
» Afrit af umsókn um læknisstöðu hjá Embætti Landlæknis skal fylgja með umsókn. Umsækjandi sækir skjalið hér og vistar, fyllir það út og sendir með umsókn. 

Viðtöl verða höfð við umsækjendur og byggist ákvörðun um ráðningu í starfið á þeim og innsendum gögnum. Öllum umsóknum verður svarað. 

Landspítali er lifandi og fjölbreyttur vinnustaður þar sem yfir 6000 manns starfa í þverfaglegum teymum og samstarfi ólíkra fagstétta. Framtíðarsýn Landspítala er að vera háskólasjúkrahús í fremstu röð þar sem sjúklingurinn er ávallt í öndvegi. Lykiláherslur í stefnu spítalans eru öryggismenning, skilvirk og vönduð þjónusta, uppbygging mannauðs og stöðugar umbætur.  

Starfsmerkingar: Heilbrigðisþjónusta, sérfræðilæknir, svefnrannsóknir

Starfshlutfall er 100%

Umsóknarfrestur er til og með 20.10.2022

Nánari upplýsingar veitir

Jordan Cunningham - [email protected]
Sif Hansdóttir - [email protected]

Smelltu hér til að sækja um starfið

Hafa samband

Ábending / fyrirspurn
Ruslvörn
Vinsamlegast svaraðu í tölustöfum

Vefurinn notar vefkökur til að bæta upplifun notenda og greina umferð um vefinn. Lesa meira