Hoppa yfir valmynd
Önnur störfHöfuðborgarsvæðiðLandspítali

Sérhæft starfsfólk í sérfæði í framleiðslueldhús Landspítala

Sérhæft starfsfólk í sérfæði í framleiðslueldhús Landspítala

Veitingaþjónusta Landspítala auglýsir laust til umsóknar fullt starf sérhæfðs starfsfólks í sérfæði í framleiðslueldhús Landspítala. Veitingaþjónustan heyrir undir þjónustusvið og rekur eitt stærsta framleiðslueldhús á Íslandi en þar eru daglega framleiddar um 5.200 máltíðir fyrir sjúklinga, aðstandendur og starfsfólk. 

Deildin starfrækir jafnframt 11 matsali og 3 kaffihús undir vörumerkinu ELMA og veitir fjölbreytta þjónustu í bland við framsækna sjálfsafgreiðslu. Hjá veitingaþjónustu Landspítala starfa rúmlega 100 manns í samhentri deild og fást þar við krefjandi og ögrandi verkefni á stærsta vinnustað landsins.

Leitað er eftir drífandi einstaklingi með ríka þjónustulund. Viðkomandi þarf að búa yfir mikilli samskiptahæfni og getu til að mæta þörfum ólíkra hópa, hafa auga fyrir umbótum og stuðla að jákvæðum starfsanda og starfsumhverfi á fjölþjóðlegum vinnustað. Starfið er fjölbreytt og krefjandi og býður upp á lifandi starfsumhverfi og gefandi samstarf. Starfshlutfall er 100% í vaktavinnu og er æskilegt að umsækjandi geti hafið störf sem fyrst eða eftir nánara samkomulagi. Næsti yfirmaður er verkstjóri framleiðslu Landspítala.

Vinnuvika starfsfólks í fullri vaktavinnu er nú 36 stundir og getur orðið minni eftir samsetningu vakta. Markmiðið er að stuðla að betri heilsu og öryggi starfsfólks og auka möguleika þess til að samþætta betur vinnu og einkalíf.

Helstu verkefni og ábyrgð

  • Matargerð á sérfæði og almennu fæði, eldað samkvæmt uppskriftum
  • Matarskömmtun m.a. á færibandi og útsending á máltíðum
  • Undirbúningur og tiltekt fyrir næstu máltíð samkvæmt matseðli
  • Frágangur og þrif á vinnusvæðum samkvæmt skipulagi

Hæfniskröfur

  • Hæfni í mannlegum samskiptum
  • Metnaður, frumkvæði og geta til að starfa sjálfstætt og í teymum
  • Almenn tölvukunnátta
  • Reynsla af starfi í framleiðslueldhúsi er æskileg
  • Íslenskukunnátta er kostur

Frekari upplýsingar um starfið

Laun samkvæmt gildandi kjarasamningi sem fjármála- og efnahagsráðherra og Sameyki hafa gert.

Allar umsóknir þurfa að fara rafrænt í gegnum Starfatorg. Umsókn fylgi náms- og starfsferilskrá. Ákvörðun um ráðningu byggist á innsendum gögnum og viðtölum. Öllum umsóknum verður svarað. Tekið er mið af jafnréttisstefnu Landspítala við ráðningar á spítalanum.

Landspítali er lifandi og fjölbreyttur vinnustaður þar sem yfir 6000 manns starfa í þverfaglegum teymum og samstarfi ólíkra fagstétta. Framtíðarsýn Landspítala er að vera háskólasjúkrahús í fremstu röð þar sem sjúklingurinn er ávallt í öndvegi. Lykiláherslur í stefnu spítalans eru öryggismenning, skilvirk og vönduð þjónusta, uppbygging mannauðs og stöðugar umbætur. 

Umsóknir geta gilt í 6 mánuði frá því að umsóknarfrestur rennur út, sbr. 2. gr. reglna nr. 464/1996, um auglýsingar á lausum störfum með síðari breytingum.

Starfsmerkingar: Heilbrigðisþjónusta, matartæknir

Starfshlutfall er 100%

Umsóknarfrestur er til og með 03.10.2022

Nánari upplýsingar veitir

Sæmundur Kristjánsson, Rekstrarstjóri - [email protected] - 8995320
Viktor Ellertsson, Mannauðsstjóri - [email protected] - 8230323

Smelltu hér til að sækja um starfið

Hafa samband

Ábending / fyrirspurn
Ruslvörn
Vinsamlegast svaraðu í tölustöfum

Vefurinn notar vefkökur til að bæta upplifun notenda og greina umferð um vefinn. Lesa meira