Hoppa yfir valmynd
HeilbrigðisþjónustaHöfuðborgarsvæðiðLandspítali

Sálfræðingur - Sálfræðiþjónusta á Landspítala

Sálfræðingur - Sálfræðiþjónusta á Landspítala

Sálfræðiþjónusta Landspítala vill ráða til starfa fimm metnaðarfulla og sjálfstæða sálfræðinga með góða samskiptafærni sem hafa áhuga á fjölbreyttu starfi í þverfaglegu umhverfi. Störfin eru ótímabundin.

Um er að ræða faglega krefjandi störf á spennandi vettvangi fyrir sálfræðinga sem hafa áhuga á nýsköpun og framþróun í starfi. Sálfræðingar starfa í þverfaglegu teymi með læknum, hjúkrunarfræðingum og öðru fagfólki í skemmtilegu starfsumhverfi. Lögð er áhersla á að sálfræðingar á Landspítala fái öfluga handleiðslu og símenntun í faginu.

Þrjú starfanna eru við ólíkar einingar innan geðþjónustu, t.d. áfallateymi, transteymi, átröskunarteymi, bráðamóttöku og fela fyrst og fremst í sér greiningar- og meðferðarvinnu með fólki sem er að takast á við alvarlegan geðvanda. Tvö starfanna eru við sálfræðiþjónustu vefrænna deilda og er meginhlutverk sálfræðileg greining og meðferð með einstaklingum sem eru með heilsufarsleg vandamál. Upphaf starfa er samkvæmt samkomulagi.

Hjá Sálfræðiþjónustunni starfa 75 sálfræðingar í ólíkum þverfaglegum teymum á ýmsum deildum Landspítala. Sálfræðiþjónustan er í stöðugri framþróun og unnið að fjölbreyttum umbótaverkefnum. Margvísleg tækifæri eru til að dýpka þekkingu í greiningu og meðferð.

Helstu verkefni og ábyrgð

  • Greining, mat og meðferð á geðrænum vanda, gagnreynd sálfræðimeðferð og ráðgjöf
  • Einstaklings- og hópmeðferð
  • Námskeiðahald, ráðgjöf og fræðsla
  • Handleiðsla og þjálfun nema í klínískri sálfræði í samræmi við reynslu
  • Þátttaka í þróun og uppbyggingu sálfræðiþjónustu á Landspítala
  • Þátttaka í þverfaglegri teymisvinnu 

Hæfniskröfur

  • Íslenskt starfsleyfi sálfræðings
  • Þekking og reynsla af sálfræðilegri greiningu og sálmeinafræði
  • Þekking og reynsla af gagnreyndum aðferðum, s.s. hugrænni atferlismeðferð
  • Áhugi og framúrskarandi samskiptafærni
  • Hæfni til að vinna sjálfstætt og sýna frumkvæði
  • Reynsla af þátttöku í þverfaglegri teymisvinnu heilbrigðisstétta æskileg
  • Íslenskukunnátta 

Frekari upplýsingar um starfið

Laun samkvæmt gildandi kjarasamningi sem fjármála- og efnahagsráðherra og Sálfræðingafélag Íslands hafa gert.

Allar umsóknir þurfa að fara rafrænt í gegnum Starfatorg. Umsókn fylgi náms- og starfsferilskrá ásamt afriti af prófskírteinum og starfsleyfi auk kynningarbréfs. Öllum umsóknum verður svarað. Tekið er mið af jafnréttisstefnu Landspítala við ráðningar á spítalanum. 

Landspítali er lifandi og fjölbreyttur vinnustaður þar sem yfir 6000 manns starfa í þverfaglegum teymum og samstarfi ólíkra fagstétta. Framtíðarsýn Landspítala er að vera háskólasjúkrahús í fremstu röð þar sem sjúklingurinn er ávallt í öndvegi. Lykiláherslur í stefnu spítalans eru öryggismenning, skilvirk og vönduð þjónusta, uppbygging mannauðs og stöðugar umbætur.

Umsóknir geta gilt í 6 mánuði frá því að umsóknarfrestur rennur út, sbr. 2. gr. reglna nr. 464/1996, um auglýsingar á lausum störfum með síðari breytingum. 

Starfsmerkingar: Heilbrigðisþjónusta, Sálfræðingur, Dagvinna

Starfshlutfall er 80-100%

Umsóknarfrestur er til og með 10.10.2022

Nánari upplýsingar veitir

Berglind Guðmundsdóttir - [email protected]andspitali.is - 543 9292

Smelltu hér til að sækja um starfið

Hafa samband

Ábending / fyrirspurn
Ruslvörn
Vinsamlegast svaraðu í tölustöfum

Vefurinn notar vefkökur til að bæta upplifun notenda og greina umferð um vefinn. Lesa meira