Hoppa yfir valmynd
SérfræðistörfSuðurlandBarnaverndarstofa

50% staða sálfræðings á Lækjarbakka

50% staða sálfræðings á Lækjarbakka

Lækjarbakki veitir börnum á aldrinum 12 -18 ára sérhæfða meðferð vegna alvarlegs hegðunar-, tilfinninga- og vímuefnavanda. Starfsemi Lækjarbakka tekur nú breytingum og er 50% staða sálfræðings laus til umsóknar.  

Sálfræðingur Lækjarbakka mun hafa umsjón með meðferð barna í samvinnu við aðra starfsmenn Barna- og fjölskyldustofu, sinna ráðgjöf og handleiðslu og eiga í samvinnu við barnaverndarnefndir, skóla, heilbrigðisstofnanir og aðra samstarfsaðila. 

Helstu verkefni og ábyrgð

  • Umsjón með meðferð, gerð og framkvæmd meðferðaráætlana vegna barna á meðferðarheimilinu.
  • Þátttaka í innleiðingu og/eða viðhaldi tiltekinna gagnreyndra aðferða í meðferðarstarfi svo sem ART (Aggression Replacement Training) og áhugahvetjandi samtals (Motivational Interviewing).
  • Ráðgjöf og handleiðsla/samvinna við starfsfólk Lækjarbakka og annara starfsmanna Barna- og fjölskyldustofu.
  • Þátttaka í almennri stefnumótun á sviði sálfræðiþjónustu og meðferðar Barna- og fjölskyldustofu.

Hæfniskröfur

  • Löggilding sem sálfræðingur á Íslandi.
  • Þekkingu á sviði frávika í hegðun og þroska barna og unglinga, matsaðferðum, greiningarhugtökum og -tækjum.
  • Færni til að handleiða og eiga samvinnu við samstarfsfólk innan stofnunar sem utan æskileg.
  • Þekking á innleiðingu og viðhaldi gagnreyndra aðferða í meðferðarstarfi og mati á meðferðarþörf er æskileg.
  • Góð íslenskukunnáttu í rituðu og töluðu máli æskileg.
  • Góð enskukunnáttu í rituðu og töluðu máli æskileg.

Persónulegir eiginleikar:

  • Mikilvægt er að búa yfir hæfni til að vinna skipulega, markmiðatengt og lausnamiðað.
  • Lögð er áhersla á sjálfstæði í vinnubrögðum.
  • Mikilvægt að búa yfir góðri samstarfshæfni, sveigjanleika og jákvæðu viðhorfi til skjólstæðinga og samstarfsaðila.

Frekari upplýsingar um starfið

Laun samkvæmt gildandi kjarasamningi sem fjármála- og efnahagsráðherra og Sálfræðingafélag Íslands hafa gert.

Sálfræðingur á Lækjarbakka mun vera staðsettur á Lækjarbakka, Geldingalæk 851 Hella. Æskilegt er að viðkomandi geti hafið störf sem fyrst. Við úrvinnslu umsókna um störfin gildir mat Barna- og fjölskyldustofu á hæfni og eiginleikum umsækjenda. Vakin er athygli á að stofan aflar sjálf upplýsinga úr sakaskrá áður en viðkomandi hefur störf. Barna- og fjölskyldustofa hvetur alla til að sækja um, óháð kyni. 

Með umsóknum skal fylgja ítarleg starfsferilskrá og kynningarbréf þar sem gerð er grein fyrir ástæðu umsóknar og hvernig viðkomandi uppfyllir þær hæfniskröfur sem gerðar eru. Öllum umsóknum verður svarað þegar ákvörðun um ráðningu hefur verið tekin. Allar umsóknir gilda í sex mánuði frá birtingu ef starf losnar að nýju innan þess tíma. 

Starfshlutfall er 50%

Umsóknarfrestur er til og með 03.10.2022

Nánari upplýsingar veitir

Funi Sigurðsson - [email protected] - 5302600

Smelltu hér til að sækja um starfið

Hafa samband

Ábending / fyrirspurn
Ruslvörn
Vinsamlegast svaraðu í tölustöfum

Vefurinn notar vefkökur til að bæta upplifun notenda og greina umferð um vefinn. Lesa meira