Hoppa yfir valmynd
Kennsla og rannsóknirHöfuðborgarsvæðiðHáskóli Íslands

Doktorsnemi í rannsókn á vistfræði, erfðafræði og ræktun burnirótar

Doktorsnemi í rannsókn á vistfræði, erfðafræði og ræktun burnirótar

Háskóli Íslands leitar að dugmiklum og áhugasömum doktorsnema í nýtt og spennandi verkefni. Verkefnið er styrkt til þriggja ára af Tækniþróunarsjóði RANNIS (Hagnýt rannsóknaverkefni).

Bakgrunnur: Afurðir burnirótar (Rhodiola rosea) eru eftirsóttar á heimsmarkaði en efni í plöntunni eru talin draga úr þunglyndi og kvíða og vinna gegn streitu og þróttleysi. Nýlega er farið að nota burnirót í auknum mæli í hár- og snyrtivörur. Óhófleg söfnun villtra stofna hefur leitt til þess að burnirót er komin á válista í nokkrum löndum. Í þessu verkefni leggur vísindafólk og ræktendur saman þekkingu sína og krafta til finna bestu leið til að rækta burnirót með sjálfbærum hætti á Íslandi þannig að afurðirnar megi markaðssetja sem hágæðavöru. .

Helstu verkefni og ábyrgð

Verkefnið: Stofnvistfræði, erfðafjölbreytni og erfðafræðileg sérstaða burnirótar í þremur ólíkum búsvæðum (láglendisklettum, hálendisvin og hrjóstrugum fjallaurðum) verður borin saman og nákvæm greining gerð á fjölda og styrk virkra efna í jarðstöngli. Plöntur úr búsvæðunum þremur verða ræktaðar í tilraunareitum og eftir tveggja sumra vöxt verða vaxtarhraði, lífmassi í jarðstöngli og styrkur virkra efna borin saman. Besti stofninn verður valinn til áframhaldandi ræktunar. Í viðbót við vísindagreinar, verður ein afurð verkefnisins leiðarvísir um ræktun burnirótar á Íslandi en við vonum að íslenskir bændur muni sjá sjálfbæra ræktun og sölu burnirótarafurða sem álitlega aukabúgrein.

Að verkefninu koma aðilar úr ólíkum áttum. Þátttakendur frá Háskóla Íslands eru fjórir, annars vegar frá Líf- og umhverfisvísindadeild (grasafræði, stofnerfðafræði) og hins vegar frá Lyfjafræðideild (lyfjafræði náttúruefna). Ræktendur á lögbýli í Skagafirði munu sjá um tilraunareiti. Loks er fyrirtæki á snyrtivörumarkaði þátttakendi í verkefninu.

Rannsóknir doktorsnemans eru annars vegar á vistfræði, erfðafjölbreytni og erfðafræðilegri sérstöðu villtu stofnanna þriggja. Hins vegar mun doktorsneminn meta frammistöðu plantna af stofnunum þremur eftir tvö sumur í tilraunaræktun. 

Hæfniskröfur

  • Meistaragráða í líffræði, vistfræði eða sameindalíffræði
  • Reynsla af tölfræðilegri úrvinnslu og lífupplýsingarfræði eða stofnerfðafræði er æskileg
  • Gott vald á enskri tungu, bæði skrifaðri og talaðri
  • Góð skipulagsfærni
  • Sjálfstæð vinnubrögð og færni til að vinna í teymi

Ráðning er háð því að nemandinn sæki formlega um doktorsnám við deildina og verði samþykktur inn í það, stundi hann ekki doktorsnám nú þegar.

Frekari upplýsingar um starfið

Laun samkvæmt gildandi kjarasamningi sem fjármála- og efnahagsráðherra og Félag háskólakennara hafa gert.

Æskilegt er að doktorsneminn geti byrjað í apríl 2023.

Umsókn skal innihalda
 i) kynningarbréf þar sem umsækjandi lýsir áhugasviði sínu, fyrri reynslu og þekkingu, og sýn á verkefnið
 ii) ferilskrá, iii) afrit af prófskírteinum (BSc og MSc)
 iv) upplýsingar um tvo meðmælendur, tengsl þeirra við umsækjanda og hvernig má hafa samband við þá.

Nánari upplýsingar veita Þóra Ellen Þórhallsdóttir, prófessor í grasafræði ([email protected]) eða Snæbjörn Pálsson, professor í stofnerfðafræði ([email protected])

Öllum umsóknum verður svarað og umsækjendum tilkynnt um ráðstöfun starfsins þegar ákvörðun hefur verið tekin. Umsóknir geta gilt í sex mánuði frá lokum umsóknarfrests.

Við ráðningu í störf í Háskóla Íslands er tekið mið af jafnréttisáætlun skólans, sjá hér: http://www.hi.is/haskolinn/jafnrettisaaetlun#markmid2

Vakin er athygli á málstefnu Háskóla Íslands, sjá hér: https://www.hi.is/haskolinn/malstefna_haskola_islands

Háskóli Íslands er gróskumikið þekkingarsamfélag og fjölbreyttur og lifandi vinnustaður. Akademískt frelsi, fagmennska og jafnrétti eru gildi háskólans og er mikið lagt upp úr sveigjanleika og þátttöku starfsfólks í uppbyggingu náms og rannsókna. Á Verkfræði- og náttúruvísindasviði starfa um 390 manns við rannsóknir og kennslu á sviði verkfræði og náttúruvísinda. Starfsumhverfið er alþjóðlegt, þar sem fjórðungur bæði starfsfólks og framhaldsnema við sviðið eru erlendir, og það hlutfall er sífellt að aukast. Á sviðinu eru um 2000 nemendur, þar af um fjórðungurinn framhaldsnemar. Verkfræði- og náttúruvísindasvið stærir sig af fjölbreytileika og umbótasinnuðu umhverfi þar sem þekkingaröflun og miðlun er í fyrirrúmi.

Starfshlutfall er 100%

Umsóknarfrestur er til og með 30.12.2022

Nánari upplýsingar veitir

Þóra Ellen Þórhallsdóttir, Prófessor í grasafræði - [email protected]
Snæbjörn Pálsson, Prófessor í stofnerfðafræði - [email protected]

Smelltu hér til að sækja um starfið

Hafa samband

Ábending / fyrirspurn
Ruslvörn
Vinsamlegast svaraðu í tölustöfum

Vefurinn notar vefkökur til að bæta upplifun notenda og greina umferð um vefinn. Lesa meira