Hoppa yfir valmynd
Kennsla og rannsóknirHöfuðborgarsvæðiðRaunvísindastofnun Háskólans

Doktorsnemi í sameindalífvísindum, Raunvísindastofnun, Verkfræði- og Náttúruvísindasvið, Háskóli Íslands

Doktorsnemi í sameindalífvísindum, Raunvísindastofnun, Verkfræði- og Náttúruvísindasvið, Háskóli Íslands

Lífefnafræðideild Raunvísindastofnunar Háskólans auglýsir til umsóknar starf doktorsnema í sameindalífvísindum við Verkfræði- og Náttúruvísindasvið. 

Helstu verkefni og ábyrgð

Doktorsneminn mun tilheyra hópi Dr. Péturs Orra Heiðarssonar (heidarsson.hi.is), við rannsóknir á frumkvöðla-umritunarþáttum og tengslum þeirra við frumu-endurforritun. Unnið verður með háþróaða einsameindasmásjá til þess að mæla og þróa líkön af víxlverkunum próteina og erfðaefnis. Verkefnið, sem m.a. er styrkt af Evrópska rannsóknaráðinu (ERC), er fjölþjóðlegt samvinnuverkefni við hópa í Evrópu, USA, og Ástralíu, með möguleikum á styttri rannsóknarferðum þangað. 

Verkefnið fer fram í nýjum Próteinvísindakjarna í Öskju Náttúrufræðahúsi sem hefur yfir að ráða víðtækum tækjabúnaði til einangrunar og greininga á próteinum og öðrum lífsameindum, ásamt háþróaðri einsameindasmásjá. Próteinvísindakjarninn er hluti af Lífvísindasetri (lifvisindi.hi.is) sem tengir yfir 70 rannsóknarhópa og meira en 100 framhaldsnemendur.

Hæfniskröfur

  • MSc gráða í lífefnafræði, efnafræði, sameindalíffræði, eða skyldum greinum.
  • Bakgrunnur í einsameindatækni, efnafræði próteina, eða líffræði kjarnans.
  • Góð kunnátta með tölvu- og gagnavinnslu.
  • Reynsla með gagnavinnsluforrit á borð við Mathematica, MATLAB er æskileg.
  • Færni í mannlegum samskiptum, sjálfstæði í vinnubrögðum ásamt því að geta unnið í teymi.
  • Góð enskukunnátta í töluðu og rituðu máli.

 

Frekari upplýsingar um starfið

Laun samkvæmt gildandi kjarasamningi sem fjármála- og efnahagsráðherra og viðkomandi stéttarfélag hafa gert.

Ráðning er háð því að nemandinn sæki formlega um doktorsnám við deildina og verði samþykktur inn í það, stundi hann ekki doktorsnám nú þegar.

Starfið er til eins árs, með möguleika á framlengingu. Áætlað er að starfið hefjist í janúar 2023 eða fljótlega þar á eftir. Verkefnið er styrkt af Evrópska rannsóknaráðinu til þriggja ára. 

Styrknum fylgir einnig fjármagn til rannsóknarheimsókna og ráðstefnuferða. 

Umsókninni þarf að fylgja:

  • Kynningarbréf þar sem fram kemur hvað vekur áhuga umsækjanda á verkefninu og hvað viðkomandi hefur fram að færa við mótun og vinnslu þess (hámark ein blaðsíða). 
  • Ferilskrá (hámark þrjár blaðsíður).
  • Ritaskrá.
  • Afrit af prófskírteinum (meistaranám og doktorsnám) og einkunnadreifing.
  • Upplýsingar um tvo meðmælendur, tengsl þeirra við umsækjanda og hvernig má hafa samband við þá. Einnig má senda PDF af doktorsritgerð og öðrum ritverkum (hámark 5 skrár).

Öllum umsóknum verður svarað og umsækjendum tilkynnt um ráðstöfun starfsins þegar ákvörðun hefur verið tekin. Umsóknir geta gilt í sex mánuði frá lokum umsóknarfrests.

Við ráðningu í störf í Háskóla Íslands er tekið mið af jafnréttisáætlun skólans, sjá hér: http://www.hi.is/haskolinn/jafnrettisaaetlun#markmid2

Vakin er athygli á málstefnu Háskóla Íslands, sjá hér: https://www.hi.is/haskolinn/malstefna_haskola_islands

Háskóli Íslands er gróskumikið þekkingarsamfélag og er fjölbreyttur og lifandi vinnustaður. Akademískt frelsi, fagmennska og jafnrétti eru gildi skólans og er mikið lagt upp úr sveigjanleika og þátttöku starfsmanna í uppbygginu náms og rannsókna við skólann.

Á Verkfræði- og náttúruvísindasviði starfa um 390 manns við rannsóknir og kennslu á sviði verkfræði og náttúruvísinda. Starfsumhverfið er alþjóðlegt enda eykst sífellt hlutfall erlendra starfsmanna og nemenda við sviðið, en fjórðungur bæði starfsmanna og framhaldsnema eru erlendir. Á sviðinu eru um 2000 nemendur og fjölmargir framhaldsnemar. Verkfræði- og náttúruvísindasvið stærir sig af fjölbreytileika og umbótasinnuðu umhverfi þar sem þekkingaröflun og miðlun er í fyrirrúmi.

Starfshlutfall er 100%

Umsóknarfrestur er til og með 09.12.2022

Nánari upplýsingar veitir

Pétur Orri Heiðarsson, Dósent - pheidarsso[email protected]

Smelltu hér til að sækja um starfið

Hafa samband

Ábending / fyrirspurn
Ruslvörn
Vinsamlegast svaraðu í tölustöfum

Vefurinn notar vefkökur til að bæta upplifun notenda og greina umferð um vefinn. Lesa meira