Hoppa yfir valmynd
HeilbrigðisþjónustaSuðurnesHeilbrigðisstofnun Suðurnesja

Afleysing - hjúkrunarfræðingur í heimahjúkrun

Afleysing - hjúkrunarfræðingur í heimahjúkrun

Viltu slást í hópinn og taka þátt í spennandi uppbyggingu?

Framundan er mikil uppbygging á HSS og leitum við að metnaðarfullum og jákvæðum einstaklingum til að slást í okkar frábæra hóp.

Um er að ræða 50% starf  til eins árs í afleysingu vegna fæðingarorlofs í vaktavinnu.  Á stofnuninni er góð samvinna milli deilda, boðleiðir eru stuttar og góður starfsandi. Við tökum vel á móti nýju fólki og veitum góða og einstaklingshæfða aðlögun. Viðkomandi þarf að geta hafið störf sem fyrst eða eftir samkomulagi.

 

Helstu verkefni og ábyrgð

Störf hjúkrunarfræðinga í heimahjúkrun eru bæði fjölbreytt og krefjandi. Heimahjúkrun veitir víðtæka hjúkrun í heimahúsum vegna langvinnra sjúkdóma og andlegrar og líkamlegrar skerðingar.

Unnið er á grundvelli þverfaglegs samstarfs sérfræðinga og áhersla lögð á heildarsýn og samþætta þjónustu.

Hjúkrunarfræðingar starfa samkvæmt lögum og reglugerðum um heilbrigðisstarfsmenn, siðareglum og markmiðum hjúkrunar og deildarinnar. Leiðarljós HSS í þjónustu og starfi er umhyggja, fagmennska og virðing.

 

Hæfniskröfur

  • Íslenskt hjúkrunarleyfi
  • Faglegur metnaður og reynsla af teymisvinnu 
  • Framúrskarandi samskiptahæfni
  • Sjálfstæði í vinnubrögðum
  • Fjölbreytt reynsla í hjúkrun
  • Gilt ökuleyfi og hreint sakavottorð
  • Góð íslensku- og enskukunnátta 
     

Frekari upplýsingar um starfið

Laun samkvæmt gildandi kjarasamningi sem fjármála- og efnahagsráðherra og Félag íslenskra hjúkrunarfræðinga hafa gert.

Umsókn fylgi náms- og starfsferilskrá ásamt afriti af prófskírteinum og starfsleyfi. 

Ákvörðun um ráðningu byggist á innsendum gögnum og/eða umsögnum. Tekið er mið af jafnréttisstefnu HSS við ráðningar á stofnunina. Starfsmenn í heimahjúkrun þurfa að hafa bílpróf. Öllum umsóknum verður svarað um leið og ráðið hefur verið í starfið. Umsókn gildir í 6 mánuði.

Á Heilbrigðisstofnun Suðurnesja eru þrjú svið; heilsugæslusvið, sjúkrahússvið og hjúkrunarsvið. Starfsstöðvar eru í þremur sveitarfélögum; Grindavík, Reykjanesbæ og Vogum. Heilbrigðisstofnun Suðurnesja sinnir þjónustu í einu fjölmennasta heilbrigðisumdæmi á landinu, um 30.000 manns.

Starfshlutfall er 50%

Umsóknarfrestur er til og með 08.12.2022

Nánari upplýsingar veitir

Margrét Blöndal - [email protected] - 4220500

Smelltu hér til að sækja um starfið

Hafa samband

Ábending / fyrirspurn
Ruslvörn
Vinsamlegast svaraðu í tölustöfum

Vefurinn notar vefkökur til að bæta upplifun notenda og greina umferð um vefinn. Lesa meira