Hoppa yfir valmynd
HeilbrigðisþjónustaVesturlandHeilbrigðisstofnun Vesturlands

Yfirlæknir heilsugæslustöðvarinnar í Borgarnesi

Yfirlæknir heilsugæslustöðvarinnar í Borgarnesi

Auglýst er staða yfirlæknis heilsugæslustöðvarinnar í Borgarnesi.  

Helstu verkefni og ábyrgð

Starfið er fjölbreytt og krefjandi.  Vaktskylda fylgir starfinu. Leitað er að áhugasömum einstaklingi til að endurskipuleggja og þróa heilsugæsluþjónustu til framtíðar í samræmi við áherslur heilbrigðisstefnu til ársins 2030 og starfsáætlun HVE. Tryggður er tími til að sinna gæðastarfi og stjórnunarstörfum. 

Hæfniskröfur

  • Sérfræðimenntun í heimilislækningum er skilyrði ásamt staðgóðri reynslu af stjórnunarlegum verkefnum. 
  • Lögð er áhersla á faglegan metnað, jákvæðni og sveigjanleika.  
  • Lipurð og áreiðanleiki í samskiptum eru skilyrði. 
  • Góðrar íslenskukunnáttu er krafist.  

Áskilinn er réttur til að hafna umsóknum frá einstaklingum, sem ekki teljast uppfylla framangreindar kröfur. 

Frekari upplýsingar um starfið

Laun samkvæmt gildandi kjarasamningi sem fjármála- og efnahagsráðherra og Læknafélag Íslands hafa gert.

Húsnæði er í boði.

Stefnt er á fjölskylduvænt starfsumhverfi t.d. með sveigjanleika á dagvinnutíma út frá vaktafjölda.

Þjónustusvæði heilsugæslustöðvarinnar í Borganesi er víðfeðmt.  Íbúar svæðisins eru um 3900.  Á svæðinu starfa tveir háskólar.  Þrjár stöður lækna eru á heilsugæslustöðinni í Borgarnesi og frá og með febrúar 2023 verða tvær þeirra full mannaðar.  Stöðin er vel mönnuð af  hjúkrunarfræðingum.  Þá starfa þar ljósmóðir, sjúkraliðar, sjúkraflutningamenn, heilbrigðisgagnafræðingar og móttökuritarar. Sjúkraflutningamenn eru á bakvakt allan sólarhringinn. 

Ýmsir möguleikar á útivist eru í Borgarfirði svo sem stangveiði og fjöldi af gönguleiðum.  Við Borgarnes er einn af bestu golfvöllum landsins.

Áhugasamir eru velkomnir í heimsókn til að kynna sér aðstæður. 

Sækja má um starfið á hve.is undir laus störf eða á starfatorg.is. Umsóknareyðublað er að finna á heimsíðu Embættis landlæknis (undir flipanum útgefið efni/ eyðublöð/læknisstaða-umsókn), það þarf að fylla út og hengja við umsóknina. Umsóknum skal fylgja staðfest afrit af starfsleyfum ásamt upplýsingum um menntun og fyrri störf. Gögn sem ekki er hægt að senda rafrænt skulu berast Vilborgu Lárusdóttur, mannauðsstjóra. Öllum umsóknum verður svarað þegar ákvörðun um ráðningu hefur verið tekin. 

Starfshlutfall er 100%

Umsóknarfrestur er til og með 28.11.2022

Nánari upplýsingar veitir

Þórður Ingólfsson, Yfirlæknir - [email protected] - 4321450
Vilborg Lárusdóttir, Mannauðsstjóri - [email protected] - 4321000

Smelltu hér til að sækja um starfið

Hafa samband

Ábending / fyrirspurn
Ruslvörn
Vinsamlegast svaraðu í tölustöfum

Vefurinn notar vefkökur til að bæta upplifun notenda og greina umferð um vefinn. Lesa meira