Hoppa yfir valmynd
Kennsla og rannsóknirHöfuðborgarsvæðiðHáskóli Íslands

Lektor í kennslufræði háskóla og fjarnáms við Háskóla Íslands

Lektor í kennslufræði háskóla og fjarnáms við Háskóla Íslands

Laust er til umsóknar fullt starf lektors í kennslufræði háskóla og fjarnáms. Lektorsstarfið tilheyrir Deild kennslu- og menntunarfræði á Menntavísindasviði og fer einnig fram innan Kennslumiðstöðvar sem er ein af stoðeiningum kennslusviðs HÍ. Leitað er að einstaklingi með brennandi áhuga á kennsluþróun á háskólastigi til að taka þátt í uppbyggingu fjarnáms og stafrænna kennsluhátta á háskólastiginu.  

 

Helstu verkefni og ábyrgð

Starfið skiptist í kennslu, rannsóknir og stjórnun. Meginviðfangsefni lektorsins verða þátttaka í kennsluþróun innan Háskóla Íslands, áframhaldandi uppbygging námsleiðar í kennslufræði háskóla, þróun fjarnáms og stafrænnar kennslu í samvinnu við deildir og námsbrautir. Leitað er að einstaklingi til að skipuleggja og leiða rannsóknir á kennsluháttum á háskólastigi, með sérstakri áherslu á stafræna miðlun, fjölbreytta kennsluhætti og fjarnám. Lektorinn mun, á vegum Kennslumiðstöðvar, sinna ráðgjöf varðandi þróun fjarnáms, meðal annars í tengslum við aukna þverfræðilega samvinnu Menntavísindasviðs við önnur fræðasvið Háskóla Íslands.  

Hæfniskröfur

  • Doktorspróf á sviði kennslu- og menntunarfræði 
  • Virkni og frumkvæði í rannsóknum á fræðasviðinu 
  • Reynsla af kennsluþróun, fjölbreyttum kennsluháttum og notkun stafrænna miðla 
  • Reynsla af kennslu á háskólastigi
  • Samstarfshæfni og lipurð í mannlegum samskiptum

Frekari upplýsingar um starfið

Laun samkvæmt gildandi kjarasamningi sem fjármála- og efnahagsráðherra og Félag háskólakennara hafa gert.

Horft verður til þess að ráðningin falli sem best að aðstæðum og þörfum deildar og sviðs. 

Ráðið verður í starfið til fimm ára, með möguleika á ótímabundinni ráðningu að þeim tíma liðnum sbr. 3. mgr. 31. gr. reglna fyrir Háskóla Íslands nr. 569/2009.  

Um meðferð umsókna, mat á hæfi umsækjenda og ráðningu í starfið er farið eftir ákvæðum laga nr. 85/2008 um opinbera háskóla og reglna um Háskóla Íslands nr. 569/2009. 

Umsækjendur skulu láta eftirfarandi gögn fylgja umsókn sinni: 

  1. Kynningarbréf þar sem m.a. kemur fram hvernig umsækjandi uppfyllir hæfniskröfur 
  2. Prófskírteini eða eftir atvikum vottorð um námsferil 
  3. Akademíska ferilskrá (Curriculum Vitae) 
  4. Ritaskrá 
  5. Skýrslu um vísindastörf og önnur störf sem þeir hafa unnið 
  6. Greinargerð um rannsóknar- og kennsluáform ef til ráðningar kemur 
  7. Upplýsingar um mögulega umsagnaraðila sem hafa má samband við 

Í umsókn skal koma fram hver ritverka sinna, allt að átta talsins, umsækjandi telur veigamest með tilliti til þess starfs sem um ræðir. Umsækjandi sendir eingöngu þessi ritverk sín með umsókn eða vísar til þess hvar þau eru aðgengileg á rafrænu formi. Þegar fleiri en einn höfundur stendur að innsendu ritverki skulu umsækjendur gera grein fyrir framlagi sínu til verksins. Umsóknargögnum sem ekki er hægt að skila rafrænt skal skila í tvíriti til vísinda- og nýsköpunarsviðs Háskóla Íslands, Sæmundargötu 2, 101 Reykjavík.  

Gert er ráð fyrir að viðkomandi hefji störf sem fyrst eftir að umsóknar- og ráðningarferli lýkur eða eftir nánara samkomulagi.  

Öllum umsóknum verður svarað og umsækjendum tilkynnt um ráðstöfun starfsins þegar ákvörðun hefur verið tekin. Umsóknir geta gilt í sex mánuði frá lokum umsóknarfrests.  

Við ráðningar í störf í Háskóla Íslands er tekið mið af jafnréttisáætlun skólans. 
Vakin er athygli á málstefnu Háskóla Íslands.  

Innan Háskólans eru fimm fræðasvið og deildir skólans eru 25 talsins. Háskóli Íslands býður fjölbreytt nám á öllum stigum og er eini háskóli landsins sem býður grunnnám og framhaldsnám á öllum helstu fræðasviðum. Jafnframt er Háskóli Íslands öflugur rannsóknaháskóli á alþjóðlega vísu og hafa vísindamenn Háskólans hlotið fjölmargar alþjóðlegar viðurkenningar fyrir vísindastörf sín.   

Á Menntavísindasviði fer fram rannsóknartengt starfsnám fyrir kennara á leik-, grunn- og framhaldsskólastigi, uppeldis- og menntunarfræðinga, íþrótta- og heilsufræðinga, tómstunda- og félagsmálafræðinga, og þroskaþjálfa. Þá skipuleggur sviðið jafnframt framhaldsnám í háskólakennslufræði og nám fyrir stjórnendur menntastofnana. Lögð er áhersla á rannsóknir og þróunarstarf sem unnið er í samstarfi við starfsvettvang.  

Kennslumiðstöð Háskóla Ísland tilheyrir kennslusviði Háskóla Ísland. Hlutverk hennar er að veita starfsfólki og stjórnendum Háskóla Íslands faglega ráðgjöf við þróun kennsluhátta og vera leiðandi í kennsluþróun háskóla, 

 

Starfshlutfall er 100%

Umsóknarfrestur er til og með 06.12.2022

Nánari upplýsingar veitir

Lára Rún Sigurvinsdóttir - [email protected] - 525-5905
Róbert H. Haraldsson - [email protected] - 525-4277

Smelltu hér til að sækja um starfið

Hafa samband

Ábending / fyrirspurn
Ruslvörn
Vinsamlegast svaraðu í tölustöfum

Vefurinn notar vefkökur til að bæta upplifun notenda og greina umferð um vefinn. Lesa meira