Hoppa yfir valmynd
LöggæslustörfSuðurnesLögreglustjórinn á Suðurnesjum

Varðstjórar í flugstöðvardeild - Lögreglustjórinn á Suðurnesjum

Varðstjórar í flugstöðvardeild - Lögreglustjórinn á Suðurnesjum

Við embætti lögreglustjórans á Suðurnesjum eru lausar til umsóknar stöður varðstjóra í flugstöðvardeild á löggæslusviði. Gert er ráð fyrir að lögreglustjóri setji í stöðurnar frá og með 1. janúar 2023 með skipun í huga að sex mánaða reynslutíma loknum.  

Hjá embættinu starfa um 200 manns. Verkefnin eru fjölbreytt og krefjandi. Í umdæmi lögreglunnar á Suðurnesjum er Keflavíkurflugvöllur sem gegnir lykilhlutverki í uppbyggingu almannaflugs á Íslandi og tengir landið við Evrópu og Norður-Ameríku. Í fjölmennu liði lögreglunnar á Suðurnesjum býr mikill þróttur og góð þekking. Lögreglustjóri leggur áherslu á jafnrétti og hvetur fólk af öllum kynjum til að sækja um.

Helstu verkefni og ábyrgð

Kveðið er á um réttindi og skyldur lögreglumanna í lögum um réttindi og skyldur starfsmanna ríkisins nr. 70/1996. Almennar upplýsingar um verksvið og ábyrgð varðstjóra má finna í 10. gr. reglugerðar nr. 1051/2006, um starfsstig innan lögreglunnar. 

Óskað er eftir varðstjórum til að sinna sérhæfðum landamæraverkefnum í flugstöðvardeild, vaktstjórn, samvinnu við útlend yfirvöld, aðrar stofnanir og aðila sem tengjast m.a. flugtengdri starfsemi og önnur störf sem honum kunna að vera falin af yfirmönnum.

Flugstöðvardeild stefnir að því að taka aukinn þátt í  mannauðsbanka Frontex þar sem starfsmenn eiga þess kost að sækja sér frekari menntunar og taka þátt í landamæraverkefnum erlendis.

Hæfniskröfur

  • Próf frá Lögregluskóla ríkisins eða diplómanám í lögreglufræðum sem jafngildir a.m.k 120 stöðluðum námseiningum þ.m.t starfsnám á vegum lögreglunnar
  • Hafa starfað sem lögreglumaður í a.m.k. tvö ár frá því að tilskyldu námi lauk
  • Hafa lokið vettvangsstjóranámi og þekkja útgefnar verklagsreglur og leiðbeiningar
  • Góð þekking á lögreglukerfinu LÖKE

Góð þekking á málefnum útlendinga, löggæslu á landamærum, aukin menntun og önnur reynsla sem nýtist í starfi er kostur. Góð ensku- og tölvukunnátta mikilvæg. Færni í mannlegum samskiptum, sveigjanleiki, nákvæm og traust vinnubrögð og hæfni til að starfa í hóp eru mikilvægir eiginleikar. 

Frekari upplýsingar um starfið

Laun samkvæmt gildandi kjarasamningi sem fjármála- og efnahagsráðherra og Landssamband lögreglumanna hafa gert.

Starfið er vaktavinna.

Athygli umsækjenda er vakin á heimild til að skoða sakaferil umsækjenda um starf í lögreglu en samkvæmt 28. gr. a lögreglulaga nr. 90/1996 er mælt fyrir um að engan megi skipa, setja eða ráða til starfa hjá lögreglu sem hefur gerst sekur um refsivert athæfi sem telja má svívirðilegt að almenningsáliti eða sýnt af sér háttsemi sem getur rýrt það traust sem starfsmenn lögreglu verða almennt að njóta. Til þess að staðreyna þetta er lögreglu heimilt að afla upplýsinga úr sakaskrá og málaskrám lögreglu.

Umsækjendur eru vinsamlegast beðnir um að sækja um starfið með því að smella á hlekkinn hér að neðan og láta ferilskrá og kynningarbréf fylgja með sem viðhengi. Einungis er tekið við umsóknum með þessum hætti. Umsóknir sem berast eftir að umsóknarfresti lýkur verða ekki teknar til greina. Öllum umsóknum verður svarað þegar ákvörðun um ráðningu liggur fyrir.

Varðandi persónuverndarákvæði gagnvart umsækjendum, sjá vef lögreglunnar: https://www.logreglan.is/wp-content/uploads/2020/04/Persónuverndaryfirlýsing-til-umsækjenda.pdf

Auglýsing þessi gildir í 6 mánuði, sbr. ákvæði 3. tl. 2. mgr. 2. gr. reglna nr. 464/1996 um auglýsingar á lausum störfum með síðari breytingum.

Starfshlutfall er 100%

Umsóknarfrestur er til og með 28.11.2022

Nánari upplýsingar veitir

Kristín Þórdís Þorgilsdóttir - [email protected] - 4442200
Arngrímur Guðmundsson - [email protected] - 4442200

Smelltu hér til að sækja um starfið

Hafa samband

Ábending / fyrirspurn
Ruslvörn
Vinsamlegast svaraðu í tölustöfum

Vefurinn notar vefkökur til að bæta upplifun notenda og greina umferð um vefinn. Lesa meira