Hoppa yfir valmynd
Kennsla og rannsóknirHöfuðborgarsvæðiðHáskóli Íslands

Lektor á sviði samfélagslegrar nýsköpunar og frumkvöðlafræði á Menntavísindasviði og Félagsvísindasviði Háskóla Íslands

Lektor á sviði samfélagslegrar nýsköpunar og frumkvöðlafræði á Menntavísindasviði og Félagsvísindasviði Háskóla Íslands

Laust er til umsóknar fullt starf lektors á sviði samfélagslegrar nýsköpunar og frumkvöðlafræða. Um er að ræða sameiginlegt starf Menntavísindasviðs og Félagsvísindasviðs og mun viðkomandi hafa starfsskyldur annarsvegar í Deild faggreinakennslu og hinsvegar í Viðskiptafræðideild.  Á  meðal viðfangsefna tilvonandi lektors verður að stuðla að þróun og eflingu nýsköpunarmenntunar, kennslu í nýsköpun og frumkvöðlafræðum og verðmætasköpun sem tengist og byggir á rannsóknum og akademísku þróunarstarfi. 

 

Helstu verkefni og ábyrgð

Starfsskyldur tilvonandi lektors verða kennsla, rannsóknir, stjórnun og þátttaka í þverfræðilegu samstarfi. Rannsóknir og kennsla verða á sviði samfélagslegrar nýsköpunar- og frumkvöðlafræða, hæfniþróunar, stafrænnar hæfni og framtíðarfræða. Einnig er gert ráð fyrir leiðsögn meistara- og doktorsnema og forystu um þróun nýsköpunarfræða innan og utan veggja háskólans. Gert er ráð fyrir að lektorinn muni að hluta til vera með aðsetur á Nýsköpunarstofu menntunar, sem starfrækt er á Vísindagörðum, þar sem viðkomandi mun taka þátt í að þróa og skipuleggja þverfræðileg námskeið og fræðslu um aðferðafræði samfélagslegrar nýsköpunar, ekki síst á sviði menntunar.  

Hæfniskröfur

  • Doktorspróf á sviði nýsköpunar- og frumkvöðlafræða eða á tengdu fræðasviði
  • Virkni og frumkvæði í rannsóknum  
  • Reynsla af rannsókna- og nýsköpunarumhverfi
  • Samstarfshæfni og lipurð í mannlegum samskiptum 
  • Reynsla af háskólakennslu er kostur
  • Reynsla af starfi innan grunn- eða framhaldsskóla er kostur
  • Reynsla af þátttöku í alþjóðlegu samstarfi er kostur

 

Frekari upplýsingar um starfið

Laun samkvæmt gildandi kjarasamningi sem fjármála- og efnahagsráðherra og Félag háskólakennara hafa gert.

Við ráðningu verður miðað við að sá er starfið hlýtur falli sem best að aðstæðum og þörfum sviðanna.  

Ráðið verður í starfið til fimm ára, með möguleika á ótímabundinni ráðningu að þeim tíma liðnum sbr. 3. mgr. 31. gr. reglna fyrir Háskóla Íslands nr. 569/2009. 

Um meðferð umsókna, mat á hæfi umsækjenda og ráðningu í starfið er farið eftir ákvæðum laga nr. 85/2008 um opinbera háskóla og reglna um Háskóla Íslands nr. 569/2009. 

Umsækjendur skulu láta eftirfarandi gögn fylgja umsókn sinni: 

  • Kynningarbréf þar sem m.a. kemur fram hvernig umsækjandi uppfyllir hæfniskröfur
  • Prófskírteini eða eftir atvikum vottorð um námsferil
  • Akademíska ferilskrá (Curriculum Vitae)
  • Ritaskrá
  • Skýrslu um vísindastörf og önnur störf sem umsækjandi hefur unnið
  • Greinargerð um rannsóknar- og kennsluáform ef til ráðningar kemur
  • Upplýsingar um mögulega umsagnaraðila sem hafa má samband við

Í umsókn skal koma fram hver ritverka sinna, allt að átta talsins, umsækjandi telur veigamest með tilliti til þess starfs sem um ræðir. Umsækjandi sendir eingöngu þessi ritverk sín með umsókn eða vísar til þess hvar þau eru aðgengileg á rafrænu formi. Þegar fleiri en einn höfundur stendur að innsendu ritverki skulu umsækjendur gera grein fyrir framlagi sínu til verksins.¿Umsóknargögnum sem ekki er hægt að skila rafrænt skal skila í tvíriti til vísinda- og nýsköpunarsviðs Háskóla Íslands, Sæmundargötu 2, 101 Reykjavík. 

Gert er ráð fyrir að viðkomandi hefji störf sem fyrst eftir að umsóknar- og ráðningarferli lýkur eða eftir nánara samkomulagi. 

Öllum umsóknum verður svarað og umsækjendum tilkynnt um ráðstöfun starfsins þegar ákvörðun hefur verið tekin. Umsóknir geta gilt í sex mánuði frá lokum umsóknarfrests.

Við ráðningar í störf í Háskóla Íslands er tekið mið af jafnréttisáætlun skólans
Vakin er athygli á málstefnu Háskóla Íslands

Innan Háskólans eru fimm fræðasvið og deildir skólans eru 25 talsins. Háskóli Íslands býður fjölbreytt nám á öllum stigum og er eini háskóli landsins sem býður grunnnám og framhaldsnám á öllum helstu fræðasviðum. Jafnframt er Háskóli Íslands öflugur rannsóknaháskóli á alþjóðlega vísu og hafa vísindamenn Háskólans hlotið fjölmargar alþjóðlegar viðurkenningar fyrir vísindastörf sín. 

Á Menntavísindasviði fer fram rannsóknartengt starfsnám fyrir kennara á leik-, grunn- og framhaldsskólastigi, uppeldis- og menntunarfræðinga, íþrótta- og heilsufræðinga, tómstunda- og félagsmálafræðinga, og þroskaþjálfa. Lögð er áhersla á rannsóknir og þróunarstarf sem unnið er í samstarfi við starfsvettvang. Á Félagsvísindaviði fara fram grunnrannsóknir, hagnýtar rannsóknir og þjónusturannsóknir og mikil áhersla er lögð á fjölbreytta miðlun þekkingar, öfluga samræðu við íslenskt samfélag og alþjóðlega fræðasamfélagið. 

 

 

Starfshlutfall er 100%

Umsóknarfrestur er til og með 09.12.2022

Nánari upplýsingar veitir

Kolbrún Þorbjörg Pálsdóttir, Forseti Menntavísindasviðs - [email protected] - 525-5965
Stefán Hrafn Jónsson, Forseti Félagsvísindasviðs - [email protected] - 525-4093

Smelltu hér til að sækja um starfið

Hafa samband

Ábending / fyrirspurn
Ruslvörn
Vinsamlegast svaraðu í tölustöfum

Vefurinn notar vefkökur til að bæta upplifun notenda og greina umferð um vefinn. Lesa meira