Hoppa yfir valmynd
SérfræðistörfHöfuðborgarsvæðiðHagstofa Íslands

Sérfræðingur á efnahagssviði

Sérfræðingur á efnahagssviði

Hagstofa Íslands leitar að metnaðarfullum sérfræðingi í deild þjóðhagsreikninga og opinberra fjármála. Í starfinu felst þátttaka í aðferðafræðilegum og tæknilegum umbótum og vinna í gagnagrunnsmiðuðu umhverfi þar sem skilvirkni og sjálfvirkni er höfð að leiðarljósi.

Helstu verkefni og ábyrgð

Í starfinu felst þátttaka í úrvinnslu, greiningu og útgáfu talnaefnis um stöðu og og þróun efnahagsmála hér á landi. Viðfangsefnin eru fjölbreytt og fela í sér mikil samskipti og samstarf við hagsmunaaðila og innlendar og erlendar stofnanir.

Hæfniskröfur

  • Háskólamenntun sem nýtist í starfi, t.d. hagfræði, tölfræði eða verkfræði
  • Reynsla af tölfræðilegri úrvinnslu og framsetningu tölulegra upplýsinga
  • Þekking og reynsla af notkun R, Python eða sambærilegra forritunarmála
  • Þekking á tæknilegri högun og skipulagi gagnagrunnskerfa er kostur
  • Þekking á þjóðhagsreikningum eða gerð annarra opinberra hagtalna er kostur
  • Góð íslensku- og enskukunnátta
  • Geta til að vinna sjálfstætt og skipulega
  • Góð samstarfs- og samskiptahæfni

Frekari upplýsingar um starfið

Laun samkvæmt gildandi kjarasamningi sem fjármála- og efnahagsráðherra og viðkomandi stéttarfélag hafa gert.

Um er að ræða fullt starf og æskilegt er að viðkomandi geti hafið störf sem fyrst. 

Með umsókn þarf að fylgja ferilskrá ásamt kynningarbréfi þar sem gerð er grein fyrir hæfni umsækjanda í starfið.

Öllum umsóknum verður svarað og umsækjendum tilkynnt um ráðstöfun starfsins þegar ákvörðun hefur verið tekin. Umsóknir gilda í sex mánuði frá því umsóknafrestur rennur út. Til greina kemur að ráða fleiri en einn aðila á grundvelli þessarar auglýsingar. Öll kyn eru hvött til að sækja um. Tekið er mið af jafnréttisstefnu Hagstofu Íslands við ráðningar í störf.

 

Hagstofa Íslands er miðstöð opinberrar hagskýrslugerðar á Íslandi. Hlutverk Hagstofunnar er að vinna hlutlægar hagskýrslur, hafa forystu um samhæfingu hagtalna, stunda rannsóknir og stuðla þannig að upplýstri umræðu og faglegum ákvörðunum. Leiðarljós starfseminnar eru þjónusta, áreiðanleiki og framsækni. Hagstofan er staðsett í lifandi umhverfi í Borgartúninu, starfsumhverfið er jákvætt, fjölskylduvænt og sveigjanlegt og við höfum öflugt starfsmannafélag. Nánari upplýsingar má finna á www.hagstofa.is.

Starfshlutfall er 100%

Umsóknarfrestur er til og með 29.11.2022

Nánari upplýsingar veitir

Emma Ásudóttir Árnadóttir, mannauðsstjóri - [email protected] - 5281000
Brynjar Örn Ólafsson, deildarstjóri - [email protected] - 5281000

Smelltu hér til að sækja um starfið

Hafa samband

Ábending / fyrirspurn
Ruslvörn
Vinsamlegast svaraðu í tölustöfum

Vefurinn notar vefkökur til að bæta upplifun notenda og greina umferð um vefinn. Lesa meira