Hoppa yfir valmynd
Kennsla og rannsóknirHöfuðborgarsvæðiðHáskóli Íslands

Lektor í rafmagns- og tölvuverkfræði á sviði fjarkönnunar

Lektor í rafmagns- og tölvuverkfræði á sviði fjarkönnunar

Laust er til umsóknar fullt starf lektors í rafmagns- og tölvuverkfræði á sviði fjarkönnunar við Rafmagns- og tölvuverkfræðideild Háskóla Íslands, með áherslu á þróun greiningaraðferða fyrir fjarkönnunargögn og túlkun slíkra gagna. Fjarkönnunartækni er meðal annars notuð við kortlagningu og eftirlit með gróður- og jöklabreytingum og eldgosum. Fjarkönnunarmyndir hafa meðal annars verið notaðar til að meta hita- og landhæðarbreytingar virkra eldfjalla og við eftirlit með hafís og hitastigi sjávar.

Kennsla í grunnnámi fer almennt fram á íslensku og er ætlast til þess að viðkomandi geti kennt á íslensku innan þriggja ára. Háskóli Íslands aðstoðar erlent starfsfólk við að læra og ná tökum á íslensku máli.

Helstu verkefni og ábyrgð

  • Uppbygging alþjóðlegra viðurkenndra rannsókna og birting ritrýndra vísindagreina
  • Þátttaka í uppbyggingu meistara- og doktorsnáms á fagsviðinu og leiðbeining nemenda í framhaldsnámi
  • Öflun utanaðkomandi rannsóknastyrkja
  • Uppbygging þverfaglegs samstarfs í kennslu og rannsóknum með deildum og rannsóknahópum innan háskólans
  • Kennsla í grunn- og framhaldsnámi, ásamt þróun námskeiða
  • Þróun námskeiða og kennslu í grunn- og framhaldsnámi
  • Akademísk þjónustu- og stjórnunarstörf

Hæfniskröfur

  • Doktorspróf í rafmagns- og tölvuverkfræði
  • Reynsla af rannsóknum á viðkomandi sérsviði og birting ritrýndra vísindagreina í faginu
  • Reynsla af kennslu á háskólastigi
  • Góð samskiptahæfni og lipurð í mannlegum samskiptum
  • Góð enskukunnátta, bæði í rituðu og töluðu máli

Frekari upplýsingar um starfið

Laun samkvæmt gildandi kjarasamningi sem fjármála- og efnahagsráðherra og Félag háskólakennara hafa gert.

Gert er ráð fyrir að ofangreint starf verði veitt frá 1. ágúst 2023 enda verði störfum nefnda, sem um málið fjalla, þá lokið.

Við ráðningu verður miðað við, að sá er starfið hlýtur falli sem best að aðstæðum og þörfum Rafmagns- og tölvuverkfræðideildar og Verkfræði- og náttúruvísindasviðs í heild.

Umsækjendur skulu láta eftirfarandi gögn fylgja umsókn sinni:

  1. Kynningarbréf þar sem m.a. kemur fram hvernig umsækjandi uppfyllir hæfniskröfur
  2. Prófskírteini eða eftir atvikum vottorð um námsferil
  3. Akademíska ferilskrá (Curriculum Vitae)
  4. Ritaskrá
  5. Skýrslu um vísindastörf og önnur störf sem þeir hafa unnið
  6. Greinargerð um rannsóknar- og kennsluáform ef til ráðningar kemur
  7. Upplýsingar um mögulega umsagnaraðila sem hafa má samband við

Í umsókn skal koma fram hver ritverka sinna, allt að átta talsins, umsækjandi telur veigamest með tilliti til þess starfs sem um ræðir. Umsækjandi sendir eingöngu þessi ritverk sín með umsókn eða vísar til þess hvar þau eru aðgengileg á rafrænu formi. Þegar fleiri en einn höfundur stendur að innsendu ritverki skulu umsækjendur gera grein fyrir framlagi sínu til verksins. Umsóknargögnum sem ekki er hægt að skila rafrænt skal skila í tvíriti til vísinda- og nýsköpunarsviðs Háskóla Íslands, Sæmundargötu 2, 101 Reykjavík.

Ráðið verður í starfið til fimm ára fyrst í stað, með möguleika á ótímabundinni ráðningu að þeim tíma liðnum sbr. 3. mgr. 31. gr. reglna fyrir Háskóla Íslands nr. 569/2009.

Um meðferð umsókna, mat á hæfi umsækjenda og ráðningu í starfið er farið eftir ákvæðum laga nr. 85/2008 um opinbera háskóla og reglna um Háskóla Íslands nr. 569/2009.

Öllum umsóknum verður svarað og umsækjendum tilkynnt um ráðstöfun starfsins þegar ákvörðun hefur verið tekin. Umsóknir geta gilt í sex mánuði frá lokum umsóknarfrests.

Við ráðningu í störf í Háskóla Íslands er tekið mið af jafnréttisáætlun skólans.

Vakin er athygli á málstefnu Háskóla Íslands.

Háskóli Íslands er stærsta vísindastofnun Íslands og er í hópi 500 bestu háskóla heims almennt en innan verkfræði og tækni er HÍ metin í hópi 250 bestu háskóla heims samkvæmt matslista Times Higher Education. Háskóli Íslands er í 8.sæti á lista ShanghaiRanking á sviði fjarkönnunar og Rafmagns- og tölvuverkfræðideild er í 51.-75.sæti á sama lista. Akademískt frelsi, fagmennska og jafnrétti eru gildi háskólans og er áhersla á sveigjanleika og þátttöku starfsfólks í uppbyggingu náms og rannsókna. Á Verkfræði- og náttúruvísindasviði starfa um 400 manns við rannsóknir og kennslu. Starfsumhverfið er alþjóðlegt og um fjórðungur starfsfólks og framhaldsnema eru erlendir.

Á sviðinu eru um 2000 nemendur en við Rafmagns- og tölvuverkfræðideild stunda um 145 stúdentar nám. Þar af eru framhaldsnemar í meistara- og doktorsnámi 17 talsins. Við deildina er akademískt starfsfólk 9 talsins.

Starfshlutfall er 100%

Umsóknarfrestur er til og með 14.12.2022

Nánari upplýsingar veitir

Lotta María Ellingsen, Deildarforseti Rafmagns- og tölvuverkfræðideildar - [email protected]
Ingibjörg Óðinsdóttir, Mannauðsstjóri Verkfræði- og náttúruvísindasviðs - [email protected]

Smelltu hér til að sækja um starfið

Hafa samband

Ábending / fyrirspurn
Ruslvörn
Vinsamlegast svaraðu í tölustöfum

Vefurinn notar vefkökur til að bæta upplifun notenda og greina umferð um vefinn. Lesa meira