Hoppa yfir valmynd
Kennsla og rannsóknirHöfuðborgarsvæðiðHáskóli Íslands

Lektor í kennslu landfræði við Menntavísindasvið og Verkfræði- og náttúruvísindasvið Háskóla Íslands

Lektor í kennslu landfræði við Menntavísindasvið og Verkfræði- og náttúruvísindasvið Háskóla Íslands

Laust er til umsóknar fullt starf lektors við kennslu og rannsóknir á sviði landfræði sem hluta af samfélags- og náttúrugreinum.  Um sameiginlega stöðu er að ræða við bæði Menntavísindasvið, Deild faggreinakennslu, og Verkfræði- og náttúruvísindasvið, Líf- og umhverfisvísindadeild. 

Helstu verkefni og ábyrgð

  • Kennsla í landfræði í námskeiðum fyrir verðandi samfélags- og náttúrugreinakennara.
  • Kennsla í mannvistarlandfræði.
  • Leiðsögn með lokaverkefnum nemenda.
  • Rannsóknir á sviði landfræði og landfræðikennslu, með áherslu á samspil samfélags og náttúru.
  • Þátttaka í þróun kennsluhátta og rannsókna innan beggja fræðasviða.
  • Þátttaka í frekari þróun á samstarfi fræðasviðanna.

Hæfniskröfur

  • Doktorspróf á sviði landfræði eða skyldra fræðigreina með áherslu á náttúru og samfélag og tengsl þar á milli.
  • Leyfisbréf til kennslu í grunn- eða framhaldsskóla.
  • Reynsla af kennslu á háskólastigi er æskileg.
  • Samstarfshæfni og lipurð í mannlegum samskiptum.

Frekari upplýsingar um starfið

Laun samkvæmt gildandi kjarasamningi sem fjármála- og efnahagsráðherra og Félag háskólakennara hafa gert.

Horft verður til þess að ráðningin falli sem best að aðstæðum og þörfum sviðanna. 

Ráðið verður í starfið til fimm ára, með möguleika á ótímabundinni ráðningu að þeim tíma liðnum sbr. 3. mgr. 31. gr. reglna fyrir Háskóla Íslands nr. 569/2009.  

Um meðferð umsókna, mat á hæfi umsækjenda og ráðningu í starfið er farið eftir ákvæðum laga nr. 85/2008 um opinbera háskóla og reglna um Háskóla Íslands nr. 569/2009. 

Umsækjendur skulu láta eftirfarandi gögn fylgja umsókn sinni: 

  1. Kynningarbréf þar sem m.a. kemur fram hvernig umsækjandi uppfyllir hæfniskröfur 
  2. Prófskírteini eða eftir atvikum vottorð um námsferil 
  3. Akademíska ferilskrá (Curriculum Vitae) 
  4. Afrit af leyfisbréfi til kennslu í grunn- eða framhaldsskóla
  5. Ritaskrá 
  6. Skýrslu um vísindastörf og önnur störf sem þeir hafa unnið 
  7. Greinargerð um rannsóknar- og kennsluáform ef til ráðningar kemur 
  8. Upplýsingar um mögulega umsagnaraðila sem hafa má samband við 

Í umsókn skal koma fram hver ritverka sinna, allt að átta talsins, umsækjandi telur veigamest með tilliti til þess starfs sem um ræðir. Umsækjandi sendir eingöngu þessi ritverk sín með umsókn eða vísar til þess hvar þau eru aðgengileg á rafrænu formi. Þegar fleiri en einn höfundur stendur að innsendu ritverki skulu umsækjendur gera grein fyrir framlagi sínu til verksins. Umsóknargögnum sem ekki er hægt að skila rafrænt skal skila í tvíriti til Vísinda- og nýsköpunarsviðs Háskóla Íslands, Sæmundargötu 2, 101 Reykjavík.  

Gert er ráð fyrir að viðkomandi hefji störf sem fyrst eftir að umsóknar- og ráðningarferli lýkur eða eftir nánara samkomulagi.  

Öllum umsóknum verður svarað og umsækjendum tilkynnt um ráðstöfun starfsins þegar ákvörðun hefur verið tekin. Umsóknir geta gilt í sex mánuði frá lokum umsóknarfrests.  

Við ráðningar í störf í Háskóla Íslands er tekið mið af jafnréttisáætlun skólans. 
Vakin er athygli á málstefnu Háskóla Íslands.  

Innan Háskólans eru fimm fræðasvið og deildir skólans eru 25 talsins. Háskóli Íslands býður fjölbreytt nám á öllum stigum og er eini háskóli landsins sem býður grunnnám og framhaldsnám á öllum helstu fræðasviðum. Jafnframt er Háskóli Íslands öflugur rannsóknaháskóli á alþjóðlega vísu og hafa vísindamenn Háskólans hlotið fjölmargar alþjóðlegar viðurkenningar fyrir vísindastörf sín.   

Á Menntavísindasviði fer fram rannsóknartengt starfsnám fyrir kennara á leik-, grunn- og framhaldsskólastigi, uppeldis- og menntunarfræðinga, íþrótta- og heilsufræðinga, tómstunda- og félagsmálafræðinga, og þroskaþjálfa. Þá skipuleggur sviðið jafnframt framhaldsnám í háskólakennslufræði og nám fyrir stjórnendur menntastofnana. Lögð er áhersla á rannsóknir og þróunarstarf sem unnið er í samstarfi við starfsvettvang.  

Á Verkfræði- og náttúruvísindasviði ríkir fjölbreytileiki og umbótasinnað umhverfi þar sem þekkingaröflun og miðlun er í fyrirrúmi. Þar fer fram kennsla og rannsóknir í fjölmörgum faggreinum, þar á meðal landfræði, þar sem sérstök áhersla er lögð á samspil samfélags og náttúru.

 

Starfshlutfall er 100%

Umsóknarfrestur er til og með 19.12.2022

Nánari upplýsingar veitir

Auður Pálsdóttir, Dósent - [email protected] - 525-5332
Snæbjörn Pálsson - [email protected] - 525-4293

Smelltu hér til að sækja um starfið

Hafa samband

Ábending / fyrirspurn
Ruslvörn
Vinsamlegast svaraðu í tölustöfum

Vefurinn notar vefkökur til að bæta upplifun notenda og greina umferð um vefinn. Lesa meira