Hoppa yfir valmynd
HeilbrigðisþjónustaHöfuðborgarsvæðiðLandspítali

Sérfræðilæknir óskast til starfa innan öldrunarlækninga Landspítala

Sérfræðilæknir óskast til starfa innan öldrunarlækninga Landspítala

Landspítali óskar eftir að ráða sérfræðilækni til starfa við verkefni tengd öldrunarlækningum á Landspítala með meginstarfsstöð á Landakoti. 

Áhersla er lögð á virka teymisvinnu, góða þjónustu og umbætur í þágu sjúklinga. Starfshlutfall er 100% og veitist starfið frá 1. febrúar 2023 eða eftir samkomulagi í eitt ár eða lengur.

Athugið að möguleiki er á að starfið geti nýst sem sérnám í öldrunarlækningum fyrir almenna lyflækna og heimilislækna.

Helstu verkefni og ábyrgð

  • Læknisstörf á legudeild ásamt göngudeild eftir nánari útfærslu
  • Þátttaka í vöktum kemur til greina
  • Þátttaka í menntun læknanema, sérnámsgrunnslækna og sérnámslækna
  • Vísindavinna eftir því sem áhugi er fyrir

Hæfniskröfur

  • Íslenskt sérfræðileyfi í t.d. almennum lyflækningum, heimilislækningum, endurhæfingarlækningum, geðlækningum eða bráðalækningum
  • Jákvætt viðhorf, frumkvæði og samskiptahæfileikar
  • Sjálfstæði og skipulögð vinnubrögð
  • Faglegur metnaður 
  • Hæfni og geta til að starfa í teymi

Frekari upplýsingar um starfið

Laun samkvæmt gildandi kjarasamningi sem fjármála- og efnahagsráðherra og Læknafélag Íslands hafa gert.

Fullt starf er bundið við sjúkrahúsið eingöngu sbr. grein 3.2.4 í gildandi kjarasamningi lækna og ríkisins. Tekið er mið af jafnréttisstefnu Landspítala við ráðningar á spítalanum. 

Í umsóknarformið skal skrá inn upplýsingar um: 

  • Fyrri störf, menntun og hæfni
  • Félagsstörf og umsagnaraðila

Nauðsynleg fylgiskjöl: 

  • Vottað afrit af prófskírteinum og starfsleyfum
  • Ferilskrá
  • Kynningarbréf með tilliti til starfa á öldrunarlækningadeild
  • Afrit af umsókn um læknisstöðu hjá Embætti Landlæknis skal fylgja með umsókn. Umsækjandi sækir skjalið hér og vistar, fyllir það út og sendir með umsókn. 

Viðtöl verða höfð við umsækjendur og byggist ákvörðun um ráðningu í starfið á þeim og innsendum gögnum. Öllum umsóknum verður svarað.

Landspítali er lifandi og fjölbreyttur vinnustaður þar sem yfir 6000 manns starfa í þverfaglegum teymum og samstarfi ólíkra fagstétta. Framtíðarsýn Landspítala er að vera háskólasjúkrahús í fremstu röð þar sem sjúklingurinn er ávallt í öndvegi. Lykiláherslur í stefnu spítalans eru öryggismenning, skilvirk og vönduð þjónusta, uppbygging mannauðs og stöðugar umbætur.

Starfsmerkingar: Heilbrigðisþjónusta, Sérfræðilæknir, læknir

Starfshlutfall er 100%

Umsóknarfrestur er til og með 01.12.2022

Nánari upplýsingar veitir

Anna Björg Jónsdóttir - [email protected]
Már Kristjánsson - [email protected]

Smelltu hér til að sækja um starfið

Hafa samband

Ábending / fyrirspurn
Ruslvörn
Vinsamlegast svaraðu í tölustöfum

Vefurinn notar vefkökur til að bæta upplifun notenda og greina umferð um vefinn. Lesa meira