Hoppa yfir valmynd
Kennsla og rannsóknirNorðurlandVerkmenntaskólinn á Akureyri

Enskukennari við VMA

Enskukennari við VMA

Verkmenntaskólinn á Akureyri óskar eftir að ráða faglegan og metnarfullan enskukennara í 75-100% stöðu. Ráðið er í stöðuna frá 1. janúar 2023.

Leitað er að umsækjanda sem er fær í samskiptum, hefur áhuga á að vinna með ungu fólki og er tilbúinn til að taka þátt í þróun kennslu og náms.

Helstu verkefni og ábyrgð

Kennir og undirbýr kennslu, hefur faglegt samstarf og metur nám í kennslugrein sinni samkvæmt markmiðum aðal- og skólanámskrár, gerir námsáætlanir, viðheldur faglegri hæfni sinni og hugar að tengslum við aðrar námsgreinar. Tekur þátt í samráði vegna starfs síns, ber ábyrgð á almennri upplýsingagjöf, situr fundi og vinnur önnur störf sem honum eru falin og samrýmast gildandi kjarasamningum, lögum og reglugerðum.

Kennari vinnur eftir vottuðu gæðakerfi VMA.

Hæfniskröfur

  • BA/MA í ensku auk kennsluréttinda.
  • Skipulagshæfileikar, frumkvæði, árvekni og þjónustulund. 
  • Reynsla  og hæfni í notkun upplýsingatækni í námi og kennslu. 
  • Kennslureynsla og reynsla af notkun Office365, kennsluvef Innu eða Moodle er kostur.
  • Þar sem starfið felur í sér mikla samvinnu innan skólans og milli sviða er lögð áhersla á persónulega þætti umsækjanda svo sem sjálfstæð vinnubrögð, jákvætt viðmót, þolinmæði, hæfileika í mannlegum samskiptum og samvinnu.

Frekari upplýsingar um starfið

Laun samkvæmt gildandi kjarasamningi sem fjármála- og efnahagsráðherra og Kennarasamband Íslands hafa gert.

Umsóknum skulu fylgja ýtarlegar upplýsingar um nám og starfsferil ásamt afriti af prófskírteinum og leyfisbréfum. Umsækjendur sendi jafnframt kynningarbréf þar sem gerð er grein fyrir ástæðu umsóknar og sýn viðkomandi á sjálfum sér sem kennara ásamt rökstuðningi fyrir hæfni viðkomandi í starfið.

Einungis er tekið við umsóknum í gegnum umsóknarvef Starfatorgs. 

Ákvörðun um ráðningu byggir á innsendum gögnum og viðtölum. 

Tekið skal fram að skv. 4. mgr. 8. gr. laga framhaldsskóla nr. 92/2008 er óheimilt að ráða einstakling til starfa við framhaldsskóla sem hlotið hefur refsidóm fyrir brot á ákvæðum XXII. kafla almennra hegningarlaga. Umsækjandi þarf að skila inn sakavottorði með umsókn. 

Verkmenntaskólinn á Akureyri hefur fengið ISO-9001 gæðavottun. 

Nánari upplýsingar um skólann eru á heimasíðu hans vma.is. Einkunnarorð skólans eru Fagmennska - fjölbreytni - virðing.

Starfshlutfall er 75-100%

Umsóknarfrestur er til og með 29.11.2022

Nánari upplýsingar veitir

Benedikt Barðason, Aðstoðarskólameistari - [email protected] - 464-0300

Smelltu hér til að sækja um starfið

Hafa samband

Ábending / fyrirspurn
Ruslvörn
Vinsamlegast svaraðu í tölustöfum

Vefurinn notar vefkökur til að bæta upplifun notenda og greina umferð um vefinn. Lesa meira