Hoppa yfir valmynd
LöggæslustörfSuðurlandLögreglustjórinn á Suðurlandi

Varðstjóri hjá embætti Lögreglustjórans á Suðurlandi með starfstöð í Vík - almenn deild

Varðstjóri hjá embætti Lögreglustjórans á Suðurlandi með starfstöð í Vík - almenn deild

Við embætti Lögreglustjórans á Suðurlandi er laus til umsóknar staða varðstjóra með starfsstöð í Vík í Mýrdal. 

Miðað er við að lögreglustjóri setji í stöðuna til reynslu frá og með 1. febrúar 2023 eða eftir samkomulagi, með skipun í huga að sex mánaða reynslutíma loknum. 

Helstu verkefni og ábyrgð

Verksvið og ábyrgð varðstjóra er í meginatriðum eftirfarandi: Almenn stjórnun og stýring vaktar. Stýring vinnu starfsmanna í samræmi við stefnu embættisins, áherslur og markmið og tryggja gott samstarf deilda og stöðva. Hann sér um að daglegum hefðbundnum verkefnum sé sinnt og stýrir vinnu í tengslum við stærri viðburði og atvik er upp koma.  

Hlutverk lögreglu er nánar skilgreint í 1. gr. lögreglulaga nr. 90/1996 og 10. gr. reglugerðar nr. 1051/2006 um starfsstig innan lögreglunnar. 

Hæfniskröfur

Umsækjendur skulu hafa lokið prófi frá Lögregluskóla ríkisins eða diplómanámi í lögreglufræðum sem jafngildir a.m.k. 120 stöðluðum námseiningum þ.m.t. starfsnámi á vegum lögreglunnar. 

Umsækjandi skal hafa starfað sem lögreglumaður í að minnsta kosti tvö ár frá því að lögreglunámi lauk, skv. 14. gr. reglugerðar nr. 1051/2006. 

Góð þekking á landskerfum lögreglu og staðgóð almenn tölvukunnátta er nauðsynleg. Góð færni í íslensku er skilyrði, önnur tungumálakunnátta er kostur. 

Góð færni í mannlegum samskiptum, góðir skipulagshæfileikar, frumkvæði, nákvæmni og sjálfstæði í vinnubrögðum, jákvæðni og hæfni til að starfa í hóp eru nauðsynlegir eiginleikar. Góð staðarþekking, stjórnunarreynsla og þekking á rannsóknum mála er kostur. 

Frekari upplýsingar um starfið

Laun samkvæmt gildandi kjarasamningi sem fjármála- og efnahagsráðherra og Landssamband lögreglumanna hafa gert.

Starfið er vaktavinna með bakvöktum.

Athygli umsækjenda er vakin á heimild til að skoða sakaferil umsækjenda um starf í lögreglu en samkvæmt 28. gr. a lögreglulaga nr. 90/1996 er mælt fyrir um að engan megi skipa, setja eða ráða til starfa hjá lögreglu sem hefur gerst sekur um refsivert athæfi sem telja má svívirðilegt að almenningsáliti eða sýnt af sér háttsemi sem getur rýrt það traust sem starfsmenn lögreglu verða almennt að njóta. Til þess að staðreyna þetta er lögreglu heimilt að afla upplýsinga úr sakaskrá og málaskrám lögreglu.

Umsækjendur eru vinsamlegast beðnir um að sækja um starfið með því að smella á hlekkinn hér að neðan og láta ferilskrá og kynningarbréf fylgja með sem viðhengi. 

Einungis er tekið við umsóknum með þessum hætti. Umsóknir sem berast eftir að umsóknarfresti lýkur verða ekki teknar til greina. Öllum umsóknum verður svarað þegar ákvörðun um ráðningu liggur fyrir.

Auglýsing þessi gildir í 6 mánuði, sbr. ákvæði 3. tl. 2. mgr. 2. gr. reglna nr. 464/1996 um auglýsingar á lausum störfum með síðari breytingum.

Starfshlutfall er 100%

Umsóknarfrestur er til og með 13.12.2022

Nánari upplýsingar veitir

Karl Eyjólfur Karlsson - [email protected] - 4442000
Oddur Árnason - [email protected] - 4442000

Smelltu hér til að sækja um starfið

Hafa samband

Ábending / fyrirspurn
Ruslvörn
Vinsamlegast svaraðu í tölustöfum

Vefurinn notar vefkökur til að bæta upplifun notenda og greina umferð um vefinn. Lesa meira