Hoppa yfir valmynd
HeilbrigðisþjónustaHöfuðborgarsvæðiðHeilsugæsla höfuðborgarsvæðisins

Sjúkraliði-Heilsugæslan Efstaleiti

Sjúkraliði-Heilsugæslan Efstaleiti

Heilsugæslan í Efstaleiti auglýsir eftir sjúkraliða í 80-100% tímabundið starf til eins árs. Um er að ræða tilraunaverkefni við þróun og uppbyggingu starfs sjúkraliða innan heilsugæslustöðvar. Starfið er mjög fjölbreytt og gefandi. Æskilegt er að viðkomandi geti hafið störf þann 1. janúar nk. eða eftir nánara samkomulagi. 

Á Heilsugæslunni Efstaleiti eru starfandi sérfræðingar í heimilislækningum, hjúkrunarfræðingar, sálfræðingar, ritarar og ljósmóðir. Heilsugæslan Efstaleiti er ætlað að veita íbúum almenna, samfellda og aðgengilega heilbrigðisþjónustu. Starfsemi heilsugæslunnar er í örri framþróun þar sem áhersla er lögð á náið samstarf fagstétta og teymisvinnu. 

Nánari upplýsingar um starfsemi stöðvarinnar má finna á vef Heilsugæslunnar (www.heilsugaeslan.is).

Helstu verkefni og ábyrgð

  • Þátttaka í móttöku skjólstæðinga ásamt öðrum starfsmönnum stöðvarinnar.
  • Framkvæmd ýmissa rannsókna og prófa 
  • Umsjón með umhverfi deilda, birgðum og búnaði
  • Leiðbeiningar og fræðsla til skjólstæðinga og aðstandenda þeirra
  • Þátttaka í þróunarverkefnum og gæðastarfi innan stöðvarinnar

Hæfniskröfur

  • Starfsleyfi sem sjúkraliði.
  • Æskilegt er að viðkomandi hafi 5-7 ára reynslu sem sjúkraliði.
  • Sjálfstæði í starfi, skipulagshæfni og öguð vinnubrögð
  • Mikil samskiptahæfni og sveigjanleiki
  • Frumkvæði og geta til að forgangsraða verkefnum
  • Góð almenn tölvukunnátta
  • Góð íslenskukunnátta skilyrði

Frekari upplýsingar um starfið

Laun samkvæmt gildandi kjarasamningi sem fjármála- og efnahagsráðherra og Sjúkraliðafélag Íslands hafa gert.

Umsókn skal fylgja ítarleg náms- og starfsferilsskrá. Jafnframt skal leggja fram leyfisbréf og staðfestar upplýsingar um menntun ásamt hreinu sakavottorði. Mat á hæfni umsækjenda byggist á innsendum gögnum og viðtölum við umsækjendur. Gögn sem ekki er hægt að senda rafrænt skulu berast Svövu Þorkelsdóttur, framkvæmdastjóra mannauðs og nýliðunar Heilsugæslu höfuðborgarsvæðisins Álfabakka 16, 109 Reykjavík. 

Tekið er mið af jafnréttis- og mannréttindastefnu Heilsugæslu höfuðborgarsvæðisins við ráðningu í starfið. Öllum umsóknum verður svarað þegar ákvörðun um ráðningu liggur fyrir. Umsókn getur gilt í 6 mánuði.

Starfshlutfall er 80-100%

Umsóknarfrestur er til og með 06.12.2022

Nánari upplýsingar veitir

Einar Þór Þórarinsson - [email protected] - 513-5350
Áslaug Birna Ólafsdóttir - [email protected] - 513-5350

Smelltu hér til að sækja um starfið

Hafa samband

Ábending / fyrirspurn
Ruslvörn
Vinsamlegast svaraðu í tölustöfum

Vefurinn notar vefkökur til að bæta upplifun notenda og greina umferð um vefinn. Lesa meira