Hoppa yfir valmynd
HeilbrigðisþjónustaVesturlandHeilbrigðisstofnun Vesturlands

Sérfræðingur kvensjúkdóma- og fæðingalæknir

Sérfræðingur kvensjúkdóma- og fæðingalæknir

Viltu taka þátt í að efla og bæta þjónustu við konur á öllu landinu og leggja þitt af mörkum til að stytta biðtíma eftir aðgerðum á kvenlíffærum?

Við erum að leita að öflugum sérfræðingi til að taka þátt í starfinu með okkur. 

Umfangsmikil starfsemi fer fram á Kvennadeild Akraness þar sem sérfræðingar starfa að stórum hluta við að sinna vandamálum á sviði kvensjúkdóma. Afkastamikil og fjölbreytt starfsemi fer fram á göngudeild og skurðstofu þar sem framkvæmdar eru allar helstu aðgerðir á sviði góðkynja sjúkdóma í kvenlíffærum. HVE er m.a. ein af þremur stofnunum á landinu auk LSH og SAK þar sem framkvæmdar eru allar stærri aðgerðir vegna sigs á grindarholslíffærum og tengdum vandamálum. Á dagdeild skurðdeildar eru einnig framkvæmdar aðgerðir sem ekki þarfnast innlagnar. Skjólstæðingar koma ekki einungis af Vesturlandi, um helmingur er utan svæðis og þar af um 40% frá höfuðborgarsvæðinu. Á kvennadeild eru 10 legurými.

Tvær vel útbúnar fæðingastofur eru á deildinni og veitt er sérhæfð þjónusta fæðinga- og kvensjúkdómalækna. Fjöldi fæðinga er um 300-350 á ári og er deildin valkostur fyrir konur sem náð hafa 37 vikna meðgöngu þar sem ekki er talin sérstök hætta á alvarlegum fylgikvillum í fæðingu. Aðgangur er að skurðstofu með svæfingalæknum á sólarhringsvakt. Svæfingalæknar sinna nýburum og gott samstarf er við sérfræðinga á kvenna- og vökudeild LSH. 

Um er að ræða 80% stöðu en möguleiki er á lægra starfshlutfalli. Til greina kæmi einnig að ráða inn einstakling í fasta afleysingu. Æskilegt er að viðkomandi geti hafið störf sem fyrst, eða eftir samkomulagi.

Heilbrigðisstofnun Vesturlands er þriðja stærsta sjúkrahús landsins og þar starfar sterk liðsheild. Skurðstofum hefur verið fjölgað til þess að auka fjölda valaðgerða.

Helstu verkefni og ábyrgð

  • Móttaka á göngudeild kvensjúkdóma
  • Skurðaðgerðir á sviði kvensjúkdóma og fæðingahjálp
  • Bakvaktir á fæðinga- og kvensjúkdómadeild, samkomulag.
  • Þátttaka í gæðastarfi og kennslu nema í heilbrigðisvísindum

Hæfniskröfur

  • Sérfræðiviðurkenning sem kvensjúkdóma- og fæðingalæknir
  • Starfsleyfi Embættis landlæknis er skilyrði.
  • Sérþekking á sviði skurðlækninga við góðkynja sjúkdómum í kvenlíffærum er æskileg.
  • Lögð er áhersla á faglegan metnað, jákvæðni, lipurð og áreiðanleika í samskiptum.

Áskilinn er réttur til að hafna umsóknum frá einstaklingum sem ekki teljast uppfylla framangreind skilyrði.

Frekari upplýsingar um starfið

Laun samkvæmt gildandi kjarasamningi sem fjármála- og efnahagsráðherra og Læknafélag Íslands hafa gert.

Sækja skal um á hve.is eða starfatorg.is. Umsókn skal fylgja ítarleg náms- og starfsferilsskrá. Jafnframt skal leggja fram staðfestar upplýsingar um læknismenntun, læknisstörf og vísinda- og rannsóknarstörf ásamt staðfestu afriti af opinberu starfsleyfi. Mat á hæfni umsækjenda byggist á innsendum gögnum og viðtölum við umsækjendur. Gögn sem ekki er hægt að senda rafrænt skulu berast til Björns Gunnarssonar, yfirlæknis. Öllum umsóknum verður svarað þegar ákvörðun um ráðningu hefur verið tekin.

Ýmsar upplýsingar um starfsemi HVE má finna á hve.is og í myndbandi á eftirfarandi slóð: https://www.youtube.com/watch?v=-943pn04nRI

Starfshlutfall er 80%

Umsóknarfrestur er til og með 15.12.2022

Nánari upplýsingar veitir

Hrund Þórhallsdóttir, Yfirlæknir - [email protected] - 432-1000
Björn Gunnarsson, Yfirlæknir og staðgengill framkvæmdarstjóra lækninga - [email protected] - 432-1000

Smelltu hér til að sækja um starfið

Hafa samband

Ábending / fyrirspurn
Ruslvörn
Vinsamlegast svaraðu í tölustöfum

Vefurinn notar vefkökur til að bæta upplifun notenda og greina umferð um vefinn. Lesa meira