Hoppa yfir valmynd
HeilbrigðisþjónustaHöfuðborgarsvæðiðLandspítali

Sumarstörf 2023 - Læknanemar sem lokið hafa 4., 5. eða 6. námsári

Sumarstörf 2023 - Læknanemar sem lokið hafa 4., 5. eða 6. námsári

Landspítali er lifandi og fjölbreyttur vinnustaður þar sem yfir 6000 manns starfa í þverfaglegum teymum og samstarfi ólíkra fagstétta. Framtíðarsýn Landspítala er að vera háskólasjúkrahús í fremstu röð þar sem sjúklingurinn er ávallt í öndvegi. Lykiláherslur í stefnu spítalans eru öryggismenning, skilvirk og vönduð þjónusta, uppbygging mannauðs og stöðugar umbætur. 

Laus eru til umsóknar störf læknanema á Landspítala fyrir sumarið 2023. Tvö tímabil eru í boði: Annars vegar 29. maí til 10. ágúst og hins vegar 3. júlí til 17. september (lokadagur eftir samkomulagi). Um er að ræða störf innan ýmissa sérgreina læknisfræðinnar. Hér geta læknanemar sem lokið hafa 4., 5. og 6. námsári lagt inn umsókn. Staðfesting á að umsækjandi hafi lokið námskeiði í viðkomandi sérgrein verður að fylgja umsókn.

Helstu verkefni og ábyrgð

  • Tekur þátt í teymisvinnu og göngudeildarvinnu, eftir því sem við á
  • Aðstoðar við sjúkdómsgreiningu, meðferð og eftirfylgd sjúklinga, undir stjórn sérnámslækna og sérfræðilækna og á ábyrgð yfirlæknis viðkomandi deildar eða einingar
  • Aðstoðar við að veita sjúklingum bestu mögulegu læknisþjónustu sem tök eru á að veita hverju sinni
  • Skráir í sjúkraskrá undir leiðsögn lækna og fer eftir reglum um skráningu lækna í sjúkraskrá

Hæfniskröfur

  • Hafa lokið a.m.k. 4 ára læknisfræðimenntun
  • Geta unnið á skilgreindu tímabili sem auglýst er eftir læknanema
  • Hæfni í mannlegum samskiptum og þverfaglegu samstarfi
  • Sjálfstæði og frumkvæði í vinnubrögðum og skipulagshæfni
  • Lágmarkskunnátta í íslensku

Frekari upplýsingar um starfið

Laun samkvæmt gildandi kjarasamningi sem fjármála- og efnahagsráðherra og viðkomandi stéttarfélag hafa gert.

Í boði eru möguleg störf innan eftirfarandi sérgreina: 

  1. Lyflækningar og aðrar undirgreinar lyflækninga (legu- og göngudeildir)
  2. Bráðalækningar
  3. Bæklunarskurðlækningar
  4. Geðlækningar
  5. Háls-, nef- og eyrnalækningar
  6. Meinafræði
  7. Myndgreining
  8. Skurðlækningar
  9. Öldrunarlækningar

Vinsamlega skráið óskir um sérgrein í samræmi við lista að ofan í reitinn "Annað" og forgangsraðið þar sem númer eitt er fyrsta val.

Athugið að fyrir 4. árs læknanema er litið á fyrsta og annað val sem jafngilt við úthlutun starfa. Vægi fyrsta vals skiptir máli þar sem slíkt getur raðað umsækjanda ofar í forgangsröðun innan þeirrar sérgreinar.   

Við úrvinnslu námsgagna er einkum horft til þess námstíma sem umsækjandi hefur lokið, starfsreynslu undanfarin þrjú/ fjögur sumur og umsagna.

Með umsókn skal fylgja

  • Staðfesting á um hversu mörgum ECTS einingum er lokið þegar störf hefjast.
  • Starfsferilskrá þar sem nám og fyrri starfsreynsla er tilgreind.
  • Umsögn frá 1-2 atvinnurekendum sem þekkja vel til nema í starfi, sjá viðhengi.

Forsenda ráðningar sem háskólanemi hjá Landspítala er að viðkomandi skili staðfestum gögnum um námsframvindu um leið og þau liggja fyrir að loknu vormisseri.

Starfshlutfall er 100%

Umsóknarfrestur er til og með 28.02.2023

Nánari upplýsingar veitir

Inga Sif Ólafsdóttir, Yfirlæknir - [email protected]

Smelltu hér til að sækja um starfið

Hafa samband

Ábending / fyrirspurn
Ruslvörn
Vinsamlegast svaraðu í tölustöfum

Vefurinn notar vefkökur til að bæta upplifun notenda og greina umferð um vefinn. Lesa meira