Hoppa yfir valmynd
Kennsla og rannsóknirHöfuðborgarsvæðiðHáskóli Íslands

Lektor í dönsku og dönskukennslu

Lektor í dönsku og dönskukennslu

Laust er til umsóknar fullt starf lektors í dönsku og dönskukennslu. Um er að ræða sameiginlegt starf við Menntavísindasvið og Hugvísindasvið. Starfið tilheyrir Deild faggreinakennslu á Menntavísindasviði og Mála- og menningardeild á Hugvísindasviði. 

Helstu verkefni og ábyrgð

  • Kennsla og rannsóknir á sviði dönsku, danskrar menningar og dönskukennslu
  • Leiðsögn með lokaverkefnum nemenda
  • Samstarf við dönskukennara í grunn- og framhaldsskólum
  • Þátttaka í þróun þverfræðilegs samstarfs um kennslu og rannsóknir á milli Menntavísindasviðs og Hugvísindasviðs

Hæfniskröfur

  • Doktorspróf í dönskukennslu eða fræðigreinum tengdum danskri menningu
  • Reynsla og þekking á kennslufræði
  • Kennslureynsla í grunn- eða framhaldsskóla er æskileg
  • Kennslureynsla á háskólastigi er æskileg og reynsla af rafrænum kennsluháttum er kostur
  • Góð færni í íslensku, bæði töluðu og rituðu máli

Frekari upplýsingar um starfið

Laun samkvæmt gildandi kjarasamningi sem fjármála- og efnahagsráðherra og Félag háskólakennara hafa gert.

Horft verður til þess að ráðningin falli sem best að aðstæðum og þörfum sviðanna.

Ráðið verður í starfið til fimm ára, með möguleika á ótímabundinni ráðningu að þeim tíma liðnum sbr. 3. mgr. 31. gr. reglna fyrir Háskóla Íslands nr. 569/2009. 

Um meðferð umsókna, mat á hæfi umsækjenda og ráðningu í starfið er farið eftir ákvæðum laga nr. 85/2008 um opinbera háskóla og reglna um Háskóla Íslands nr. 569/2009.

Umsækjendur skulu láta eftirfarandi gögn fylgja umsókn sinni.

  1. Kynningarbréf þar sem m.a. kemur fram hvernig umsækjandi uppfyllir hæfniskröfur
  2. Prófskírteini eða eftir atvikum vottorð um námsferil
  3. Akademíska ferilskrá (Curriculum Vitae)
  4. Ritaskrá
  5. Skýrslu um vísindastörf og önnur störf sem þeir hafa unnið
  6. Greinargerð um rannsóknar- og kennsluáform ef til ráðningar kemur
  7. Upplýsingar um mögulega umsagnaraðila sem hafa má samband við

Í umsókn skal koma fram hver ritverka sinna, allt að átta talsins, umsækjandi telur veigamest með tilliti til þess starfs sem um ræðir. Umsækjandi sendir eingöngu þessi ritverk sín með umsókn eða vísar til þess hvar þau eru aðgengileg á rafrænu formi. Þegar fleiri en einn höfundur stendur að innsendu ritverki skulu umsækjendur gera grein fyrir framlagi sínu til verksins. Umsóknargögnum sem ekki er hægt að skila rafrænt skal skila í tvíriti til vísinda- og nýsköpunarsviðs Háskóla Íslands, Sæmundargötu 2, 101 Reykjavík. 

Öllum umsóknum verður svarað og umsækjendum tilkynnt um ráðstöfun starfsins þegar ákvörðun hefur verið tekin. Umsóknir geta gilt í sex mánuði frá lokum umsóknarfrests. 

Við ráðningar í störf í Háskóla Íslands er tekið mið af jafnréttisáætlun skólans.

Vakin er athygli á málstefnu Háskóla Íslands

 

Starfshlutfall er 100%

Umsóknarfrestur er til og með 31.01.2023

Nánari upplýsingar veitir

Kolbrún Þorbjörg Pálsdóttir - [email protected] - 525 5965
Ólöf Garðarsdóttir - [email protected] - 525 5350

Smelltu hér til að sækja um starfið

Hafa samband

Ábending / fyrirspurn
Ruslvörn
Vinsamlegast svaraðu í tölustöfum

Vefurinn notar vefkökur til að bæta upplifun notenda og greina umferð um vefinn. Lesa meira