Hoppa yfir valmynd
HeilbrigðisþjónustaNorðurlandSjúkrahúsið á Akureyri

Forstöðulæknir myndgreiningalækninga

Forstöðulæknir myndgreiningalækninga

Laus er til umsóknar staða forstöðulæknis í myndgreiningalækningum við Sjúkrahúsið á Akureyri. Sjúkrahúsið er sérgreina- og kennslusjúkrahús og Akureyri er miðstöð fastvængja sjúkraflugs á Íslandi. Myndgreiningadeildin veitir fjölþætta þjónustu og tekur þjónustusvæðið til norður- og austurlands. Deildin er mjög vel tækjum búin. Auk almennra röntgentækja eru á deildinni tölvusneiðmyndatæki (CT) og segulómtæki (MR) auk þess sem gerðar eru brjóstamyndatökur (hópskoðanir), beinþéttnimælingar og ómskoðanir á deildinni. 

Næsti yfirmaður er Hulda S. Ringsted, framkvæmdastjóri bráða- og þróunarsviðs. 

Staðan veitist frá 1. apríl 2023 eða eftir nánara samkomulagi.

Helstu verkefni og ábyrgð

  • Forstöðulæknir veitir myndgreiningalækningum faglega forstöðu
  • Forstöðulæknir ber rekstrarlega ábyrgð og starfsamannaábyrgð
  • Forstöðulæknir ber ábyrgð á kennsluhlutverki og tekur þátt í klínísku starfi
  • Vaktaskylda fylgir starfinu

Hæfniskröfur

Umsækjendur skulu hafa íslenskt lækningaleyfi og fullgild réttindi í myndgreiningalækningum. Auk faglegrar reynslu, fræðilegrar þekkingar og reynslu af stjórnun og kennslu er lögð áhersla á leiðtogahæfileika og hæfileika á sviði samskipta, samvinnu og sjálfstæðra vinnubragða.

Við ráðningu verður einnig horft til hæfni í tjáningu í ræðu og riti á íslensku og ensku. 

Frekari upplýsingar um starfið

Laun samkvæmt gildandi kjarasamningi sem fjármála- og efnahagsráðherra og Læknafélag Íslands hafa gert.

Umsóknum skal skilað rafrænt á vef sjúkrahússins www.sak.is Umsóknum skulu fylgja ítarlega upplýsingar um nám og starfsferil ásamt með upplýsingum um fræðilegar rannsóknir, rit- og kennslustörf og staðfest afrit af fylgigögnum.

Stöðunefnd lækna, sbr. 36. gr. laga um heilbrigðisþjónustu nr. 40/2007, metur faglega hæfni umsækjenda er byggist á innsendum gögnum, sjá nánar upplýsingar á vef Embættis landlæknis Stöðunefndir (landlaeknir.is). Einnig þarf að fylla út umsókn um læknisstöðu/stöðu framkvæmdastjóra lækninga sem nálgast má hér Umsókn um læknisstöðu/stöðu framkvæmdastjóra lækninga 

Ákvörðun um ráðningu mun byggjast á ráðningarviðtölum, innsendum gögnum, umsagnaraðilum og umsögn stöðunefndar. Öllum umsóknum verður svarað þegar ákvörðun um ráðningu hefur verið tekin.

Gildi Sjúkrahússins á Akureyri eru: Öryggi samvinna framsækni. Við ráðningar í störf við SAk er tekið er mið af jafnréttisstefnu sjúkrahússins sem er reyklaus vinnustaður. 

Sjúkrahúsið veitir alþjóðlega DNV-GL vottaða heilbrigðisþjónustu með ISO vottuðu gæðastjórnunarkerfi. Áhersla er á virka þátttöku allra starfsmanna til að uppfylla þær gæðakröfur sem gerðar eru í alþjóðlegum stöðlum sem sjúkrahúsið er vottað eftir.

Starfshlutfall er 100%

Umsóknarfrestur er til og með 01.02.2023

Nánari upplýsingar veitir

Áskell Löve - [email protected] - 463-0100
Hulda Sigríður Ringsted - [email protected] - 463-0100

Smelltu hér til að sækja um starfið

Hafa samband

Ábending / fyrirspurn
Ruslvörn
Vinsamlegast svaraðu í tölustöfum

Vefurinn notar vefkökur til að bæta upplifun notenda og greina umferð um vefinn. Lesa meira