Hoppa yfir valmynd
IðnstörfHöfuðborgarsvæðiðLandspítali

Verkstjóri á fasteignaþjónustu Landspítala

Verkstjóri á fasteignaþjónustu Landspítala

Fasteignaþjónusta Landspítala leitar að öflugum verkstjóra til að taka þátt í uppbyggingu og þróun í fasteignamálum sem fyrirhuguð eru á næstu árum á Landspítala.

Framkvæmdir og þróun er ný eining innan fasteignaþjónustu sem mun standa fyrir stærri viðhaldsverkefnum og skipulagningu breytinga á húsnæði spítalans. Á einingunni starfa reynslumiklir verkefnastjórar og verkstjórar. Einingin vinnur að heildstæðri verkefnastjórnun framkvæmdaverka á spítalanum frá frumhönnun til afhendingar ásamt eignaumsýslu. Unnið er í góðu samráði við notendur í klínískri starfsemi og aðra hagsmunaaðila. Hlutverk fasteignaþjónustu er að skipuleggja, endurbæta, viðhalda og reka allar fasteignir spítalans, þ.e. allt húsnæði, byggingar, lóðir og tæknikerfi. Deildin sér einnig um eignaumsýslu og stjórnun framkvæmda á fasteignum spítalans. Starfsemi Landspítala fer fram í um 160.000 m² húsnæði víðs vegar á höfuðborgarsvæðinu. 

Leitað er eftir einstaklingi með meistara-, byggingarstjóraréttindi eða sambærilegu sem nýtist í starfi, farsæla reynslu af verkstjórnun á sviði fasteigna og brennandi áhuga á að vinna með stjórnendum, starfsmönnum og aðilum innan og utan spítalans að framþróun, þjónustu og umbótum í fasteignamálum spítalans. Starfshlutfall er 100% og er starfið laust frá 1. mars 2023 eða eftir nánari samkomulagi.

Helstu verkefni og ábyrgð

  • Verkstýring framkvæmdaverka á Landspítala
  • Aðstoð við áætlanagerð verkefna á hönnunar- og framkvæmdastigi
  • Þátttaka í stöðugum umbótum og þróun

Hæfniskröfur

  • Framúrskarandi leiðtoga- og samskiptahæfileikar, jákvætt lífsviðhorf og lausnamiðuð nálgun
  • Farsæl reynsla af verkstjórn framkvæmdaverka eða öðrum framkvæmdum
  • Frumkvæði, drifkraftur og stefnumótandi hugsun
  • Tölvukunnátta (Outlook, Teams, Excel, Word og MS project)
  • Menntun sem nýtist í starfi (meistara-, byggingastjóraréttindi eða sambærilegt)

Frekari upplýsingar um starfið

Laun samkvæmt gildandi kjarasamningi sem fjármála- og efnahagsráðherra og viðkomandi stéttarfélag hafa gert.

Umsókn fylgi náms- og starfsferilskrá, auk kynningarbréfs. Öllum umsóknum verður svarað.

Landspítali er lifandi og fjölbreyttur vinnustaður þar sem yfir 6000 manns starfa í þverfaglegum teymum og samstarfi ólíkra fagstétta. Framtíðarsýn Landspítala er að vera háskólasjúkrahús í fremstu röð þar sem sjúklingurinn er ávallt í öndvegi. Lykiláherslur í stefnu spítalans eru öryggismenning, skilvirk og vönduð þjónusta, uppbygging mannauðs og stöðugar umbætur.

Tekið er mið af jafnréttisstefnu Landspítala við ráðningar á spítalanum. Umsóknir geta gilt í 6 mánuði frá því að umsóknarfrestur rennur út, sbr. 2. gr. reglna nr. 464/1996, um auglýsingar á lausum störfum með síðari breytingum.

Starfsmerkingar: Verkstjóri, meistari, byggingastjóri, tæknifræðingur, iðnfræðingur

Starfshlutfall er 100%

Umsóknarfrestur er til og með 31.01.2023

Nánari upplýsingar veitir

Sigurður Einarsson - [email protected]
Helgi Björn Ormarsson - [email protected]

Smelltu hér til að sækja um starfið

Hafa samband

Ábending / fyrirspurn
Ruslvörn
Vinsamlegast svaraðu í tölustöfum

Vefurinn notar vefkökur til að bæta upplifun notenda og greina umferð um vefinn. Lesa meira