Hoppa yfir valmynd
HeilbrigðisþjónustaHöfuðborgarsvæðiðLandspítali

Hjúkrunarfræðingur óskast á göngudeild bæklunarskurðlækninga

Hjúkrunarfræðingur óskast á göngudeild bæklunarskurðlækninga

Hjúkrunarfræðingur óskast til starfa á göngudeild bæklunarskurðlækninga í Fossvogi. Deildin er göngudeild (fyrrum endurkomudeild BMT) og þjónar sjúklingum vegna áverka á stoðkerfi. Þar starfa 13 manns í þverfaglegu teymi, á deildinni ríkir góður starfsandi og markvisst er unnið að umbótum og framþróun.  

Starfið er laust frá 1. mars 2023 eða eftir nánara samkomulagi. Starfshlutfall er 80-100% og unnið er í dagvinnu. Aðlögun er með reyndum hjúkrunarfræðingum og starfið gefur góða möguleika á starfsþróun.

Vinnuvika starfsfólks í fullri dagvinnu er nú 36 stundir. Markmiðið er að stuðla að betri heilsu og öryggi starfsfólks og auka möguleika þess til að samþætta betur vinnu og einkalíf.

Helstu verkefni og ábyrgð

  • Ákveða, skipuleggja og veita hjúkrunarmeðferð 
  • Skipuleggja og veita fræðslu til sjúklinga og aðstandenda
  • Þátttaka í þvegfaglegri teymisvinnu innan deildar
  • Önnur verkefni í samráði við deildarstjóra

Hæfniskröfur

  • Íslenskt hjúkrunarleyfi 
  • Faglegur metnaður og sjálfstæði í starfi
  • Áhugi á að starfa í krefjandi og skemmtilegu umhverfi
  • Hæfni og geta til að starfa í teymi 
  • Jákvætt viðmót og góðir samskiptahæfileikar
  • Starfsreynsla af slysa- og bráðamóttöku er kostur
     

Frekari upplýsingar um starfið

Laun samkvæmt gildandi kjarasamningi sem fjármála- og efnahagsráðherra og Félag íslenskra hjúkrunarfræðinga hafa gert.

Allar umsóknir þurfa að fara í gegnum ráðningarkerfi ríkisins. Umsókn fylgi náms- og starfsferilskrá ásamt afriti af prófskírteinum og starfsleyfi. Öllum umsóknum verður svarað. Tekið er mið af jafnréttisstefnu Landspítala við ráðningar á spítalanum. 

Landspítali er lifandi og fjölbreyttur vinnustaður þar sem yfir 6000 manns starfa í þverfaglegum teymum og samstarfi ólíkra fagstétta. Framtíðarsýn Landspítala er að vera háskólasjúkrahús í fremstu röð þar sem sjúklingurinn er ávallt í öndvegi. Lykiláherslur í stefnu spítalans eru öryggismenning, skilvirk og vönduð þjónusta, uppbygging mannauðs og stöðugar umbætur.

Umsóknir geta gilt í 6 mánuði frá því að umsóknarfrestur rennur út, sbr. 2. gr. reglna nr. 464/1996, um auglýsingar á lausum störfum með síðari breytingum. 

Starfsmerkingar: Heilbrigðisþjónusta, hjúkrunarfræðingur, hjúkrun

Starfshlutfall er 80-100%

Umsóknarfrestur er til og með 06.02.2023

Nánari upplýsingar veitir

Þuríður Anna Guðnadóttir, Deildarstjóri - [email protected] - 824-4609

Smelltu hér til að sækja um starfið

Hafa samband

Ábending / fyrirspurn
Ruslvörn
Vinsamlegast svaraðu í tölustöfum

Vefurinn notar vefkökur til að bæta upplifun notenda og greina umferð um vefinn. Lesa meira