Hoppa yfir valmynd
Önnur störfHöfuðborgarsvæðiðNorðurlandUmhverfisstofnun

Yfirlandvörður Norðurlandi eystra

Yfirlandvörður Norðurlandi eystra

Umhverfisstofnun leitar að öflugum einstaklingi til að hafa umsjón með friðlýstum svæðum í Mývatnssveit og náttúruvættinu Goðafossi og leiða starf landvarða. Starfsaðstaðan er á Gíg í Mývatnssveit.

Umhverfisstofnun hefur umsjón með yfir hundrað náttúruverndarsvæðum. Eitt af okkar stærstu verkefnum í náttúruvernd er uppbygging innviða með bætt aðgengi, öryggi og verndun að leiðarljósi. 

Verndarsvæðin við Mývatn og Goðafoss heyra undir Umhverfisstofnun og mun yfirlandvörður vinna í teymi á sviði náttúruverndar þar sem áhersla er lögð á þverfaglega teymisvinnu og víðtæka samvinnu innri og ytri aðila. Í boði er fjölbreytt og krefjandi starf þar sem tækifæri verður til þátttöku í uppbyggingu starfseminnar á Norðurlandi eystra. Við leitum að jákvæðum einstakling með hæfni og áhuga á að skipuleggja og leiða störf landvarða.

Helstu verkefni og ábyrgð

  • Dagleg umsjón verndarsvæðanna
  • Dagleg umsjón og skipulagning verkefna landvarða og sjálfboðaliða
  • Eftirlit með ástandi náttúru og menningarminja ásamt viðahaldi og endurheimt náttúrugæða
  • Gæta þess að ákvæðum náttúruverndarlaga og sérlaga, friðlýsingarskilmála og stjórnunar- og verndaráætlana svæða sé fylgt
  • Eftirlit með öryggi gesta
  • Upplýsa og fræða gesti um náttúru og sögu svæðanna, m.a. með fræðslugöngum
  • Sinna eftirliti og viðhaldi innviða
  • Þátttaka í gerð og miðlun fræðsluefnis
  • Aðkoma að verndarráðstöfunum og áhrifamati leyfisveitinga

Hæfniskröfur

  • Menntun og þekking sem nýtist í starfi
  • Landvarðanámskeið eða nám sem Umhverfisstofnun telur samsvarandi
  • Gild ökuréttindi
  • Gild skyndihjálparréttindi
  • Þekking á náttúruvernd og umhverfismálum
  • Reynsla af landvörslustörfum
  • Framúrskarandi færni í mannlegum samskiptum og þjónustulund
  • Frumkvæði, metnaður og sjálfstæð vinnubrögð
  • Gott vald á íslensku og ensku. Frekari tungumálakunnátta er kostur
  • Þekking á viðkomandi starfssvæði er kostur

Frekari upplýsingar um starfið

Laun samkvæmt gildandi kjarasamningi sem fjármála- og efnahagsráðherra og Framsýn- stéttarfélag hafa gert.

Umhverfisstofnun er fjölbreyttur og lifandi vinnustaður. Við búum yfir fjölbreyttri sérfræðiþekkingu og höfum tækifæri til að þróast í starfi, m.a. með virkri endurmenntun. Við störfum í teymum, vítt og breitt um landið á 9 starfsstöðvum og eftir vottuðum gæðakerfum. Við erum með jafnlaunavottun, virka umhverfisstefnu og störfum samkvæmt Grænum skrefum, sjá graenskref.is. Vinnuvikan okkar er 36 stundir til reynslu. Við leggjum áherslu á stafræna þróun og tekið er fagnandi á móti nýju fólki sem hefur þekkingu og áhuga á stafrænum lausnum. Sjá nánari upplýsingar um Umhverfisstofnun á umhverfisstofnun.is

Starfshlutfall er 100%

Umsóknarfrestur er til og með 01.02.2023

Nánari upplýsingar veitir

Dagbjört Jónsdóttir, Svæðissérfræðingur - [email protected] - 5912000
Inga Dóra Hrólfsdóttir, Sviðsstjóri - [email protected] - 5912000

Smelltu hér til að sækja um starfið

Hafa samband

Ábending / fyrirspurn
Ruslvörn
Vinsamlegast svaraðu í tölustöfum

Vefurinn notar vefkökur til að bæta upplifun notenda og greina umferð um vefinn. Lesa meira