Yfirlæknir - Geðheilsuteymi fangelsa HH
Yfirlæknir - Geðheilsuteymi fangelsa HH
Laust er til umsóknar 80-100% ótímabundið starf yfirlæknis við Geðheilsuteymi fangelsa HH. Æskilegt er að viðkomandi geti hafið störf 1. maí nk. eða samkvæmt nánara samkomulagi.
Um er að ræða ábyrgðarmikið og krefjandi starf og spennandi vettvang fyrir lækni sem hefur áhuga á nýsköpun og framþróun í geðþjónustu heilsugæslunnar. Áhersla er lögð á þverfaglega teymisvinnu, batahugmyndafræði, skaðaminnkun og vinnu þvert á stofnanir heilbrigðis- og réttavörslukerfis.
Geðheilsuteymi fangelsa er þverfaglegt meðferðarteymi sem tilheyrir 2. línu geðþjónustu HH. Teymið sinnir geðheilbrigðisþjónustu fólks sem er í fangelsi eða á reynslulausn. Þjónustan er á landsvísu. Náið samstarf er við meðferðarsvið fangelsismálastofnunar, heilsugæsluþjónustu innan fangelsa og aðrar stofnanir.
Nánari upplýsingar um starfsemina má finna á vef Heilsugæslunnar (www.heilsugaeslan.is)
Helstu verkefni og ábyrgð
- Yfirlæknir ber ábyrgð á geðlæknisþjónustu við skjólstæðinga og sinnir klínísku starfi.
- Yfirlæknir leiðir þróun og uppbyggingu geðheilbrigðisþjónustu í fangelsum landsins ásamt teymisstjóra.
- Samstarfi við og samráð við aðra sérfræðinga á sviði geðheilbrigðismála og heilsugæslu.
- Tekur virkan þátt í samstarfi við stofnanir og félagasamtök utan HH.
- Veitir ráðgjöf til stofnana, samtaka og einstaklinga varðandi meðferð, leiðir og úrræði innan geðheilbrigðiskerfisins
- Veitir stuðning og ráðgjöf til skjólstæðinga og aðstandenda.
Hæfniskröfur
- Íslenskt sérfræðileyfi í geðlækningum skilyrði
- Íslenskt sérfræðileyfi í fíknigeðlækningum, fíknilækningum eða réttargeðlækningum æskilegt
- Reynsla í heilsugæslulækningum kostur
- Þekking og reynsla af aðferðum skaðaminnkunar og batahugmyndafræði æskileg
- Þekking, reynsla og hæfni á sviði stjórnunar
- Framúrskrandi samskiptahæfni, fagmennska og jákvæðni
- Góð færni og reynsla við að vinna í þverfaglegu teymi
- Góð almenn tölvuþekking
- Íslensku- og enskukunnátta
Frekari upplýsingar um starfið
Laun samkvæmt gildandi kjarasamningi sem fjármála- og efnahagsráðherra og Læknafélag Íslands hafa gert.
Umsókn skal fylgja ítarleg náms- og starfsferilsskrá. Jafnframt skal leggja fram leyfisbréf og staðfestar upplýsingar um menntun. Jafnframt skal fylla út eyðublaðið "Umsókn um læknisstöðu" og setja það í viðhengi. Umsóknareyðublaðið má nálgast á vef Embættis landlæknis (www.landlaeknir.is) undir útgefið efni. Allar umsóknir eru sendar til stöðunefndar hjá Embætti landlæknis. Mat á hæfni umsækjenda byggist á innsendum gögnum og viðtölum við umsækjendur. HH áskilur sér rétt að óska eftir hreinu sakavottorði.
Gögn sem ekki er hægt að senda rafrænt skulu berast Svövu Þorkelsdóttur, framkvæmdastjóra mannauðs og nýliðunar Heilsugæslu höfuðborgarsvæðisins, Álfabakka 16, 109 Reykjavík. Tekið er mið af jafnréttis- og mannréttindastefnu Heilsugæslu höfuðborgarsvæðisins við ráðningu í starfið. Öllum umsóknum verður svarað þegar ákvörðun um ráðningu liggur fyrir. Umsókn getur gilt í 6 mánuði.
Starfshlutfall er 80-100%
Umsóknarfrestur er til og með 03.04.2023
Nánari upplýsingar veitir
Helena Bragadóttir
-
[email protected]
-
513-6790
Guðlaug U Þorsteinsdóttir
-
[email protected]
-
513-5000