Sérfræðingur í barna og unglingateymi
Sérfræðingur í barna og unglingateymi
Laus er til umsóknar 50-100% staða sérfræðings í barna- og unglingateymi BUG við Sjúkrahúsið á Akureyri. Staðan er laus nú þegar eða eftir nánara samkomulagi. Næsti yfirmaður er Helgi Garðar Garðarsson, forstöðulæknir geðlækninga.
Um er að ræða yfirlæknisstöðu með möguleika á fjarheilbrigðisþjónustu að hluta.
Sjúkrahúsið á Akureyri veitir almenna og sérhæfða heilbrigðisþjónustu, þar sem áhersla er lögð á bráðaþjónustu og helstu sérgreinameðferðir. Það er annað tveggja sérgreinasjúkrahúsa landsins, er kennslusjúkrahús og þekkingarstofnun sem leggur metnað sinn í kennslu og rannsóknir í heilbrigðisvísindum. SAk leggur áherslu á samvinnu við heilbrigðisstofnanir á landsbyggðinni.
Helstu verkefni og ábyrgð
- Sérfræðingurinn leiðir og mótar vinnu fagteymis í barna- og unglingageðlækningum á SAk
- Starfið felur í sér þjónustu við börn og unglinga, sem vísað er til þjónustu göngudeildar Bug teymis SAk auk þeirra barna og unglinga sem koma til þjónustu í gegnum bráðaþjónustu
- Starfið felur einnig í sér samþættingu á samvinnu við aðrar deildir sjúkrahússins og önnur þjónustukerfi á norður- og austurlandi, sem sinna málefnum markhóps teymisins
- Starfinu fylgir þátttaka í kennslu heilbrigðisstétta, þjálfun aðstoðar- og deildarlækna auk tækifæra til rannsóknarvinnu
- Möguleiki er á því að taka vaktir á geðsviði.
Hæfniskröfur
- Íslenskt lækningaleyfi skilyrði
- Fullgild sérfræðiréttindi í barna- og unglingageðlækningum skilyrði
- Leiðtogahæfni og geta til að hvetja aðra til árangurs
- Frumkvæði, sjálfstæð vinnubrögð og metnaður til að ná árangri í starfi
- Framúrskarandi hæfni í mannlegum samskiptum, samvinnu og miðlun upplýsinga
- Góð íslensku kunnátta
Frekari upplýsingar um starfið
Laun samkvæmt gildandi kjarasamningi sem fjármála- og efnahagsráðherra og Læknafélag Íslands hafa gert.
Allar umsóknir þurfa að fara rafrænt í gegnum ráðningarkerfi ríkisins. Umsóknum skulu fylgja ítarlegar upplýsingar um nám og starfsferilskrá ásamt afriti af prófskírteinum og starfsleyfi, ef við á. Tekið er mið af jafnréttisstefnu Sjúkrahússins á Akureyri við ráðningar í störf á sjúkrahúsinu. Umsóknir geta gilt í 6 mánuði frá birtingu auglýsingar, sbr. 3. tl. 2. mgr. 2. gr. reglna nr. 1000/2019 um auglýsingar lausra starfa með síðari breytingum. Öllum umsóknum verður svarað.
Sjúkrahúsið á Akureyri veitir alþjóðlega DNV-GL vottaða heilbrigðisþjónustu með ISO vottuðu gæðastjórnunarkerfi þar sem áhersla er á virka þátttöku allra starfsmanna til að uppfylla þær gæðakröfur sem gerðar eru í alþjóðlegum staðli sem sjúkrahúsið er vottað eftir.
Samkvæmt mannauðsstefnu Sjúkrahússins á Akureyri er lögð áhersla á að ráða til starfa og halda í hæfileikaríka einstaklinga. Við val á starfsfólki er menntun, reynsla, færni og hæfni höfð að leiðarljósi. Mannauðsstefnan er leiðarljós stjórnenda og starfsfólks sem gerir sjúkrahúsið framsækinn og eftirsóknarverðan vinnustað, en hún byggir á grunngildum sjúkrahússins sem eru: ÖRYGGI, SAMVINNA og FRAMSÆKNI.
Starfshlutfall er 50-100%
Umsóknarfrestur er til og með 05.04.2023
Nánari upplýsingar veitir
Helgi Garðar Garðarsson
-
[email protected]
-
463-0100
Ragnheiður Halldórsdóttir
-
[email protected]
-
463-0100