Skurðhjúkrunarfræðingur/hjúkrunarfræðingur á skurðstofu
Skurðhjúkrunarfræðingur/hjúkrunarfræðingur á skurðstofu
Laus er til umsóknar 90% staða hjúkrunarfræðings á skurðstofu Sjúkrahússins á Akureyri. Um framtíðarstarf er að ræða og er staðan laus frá 1. september nk. eða eftir samkomulagi. Um er að ræða dagvinnu auk bakvaktaskyldu.
Næsti yfirmaður er Anna Margrét Tryggvadóttir, forstöðuhjúkrunarfræðingur á skurðstofu og sótthreinsun.
Helstu verkefni og ábyrgð
Í starfinu felst ábyrgð á öllum almennum verkefnum skurðhjúkrunarfræðinga samkvæmt lögum og reglugerðum. Einnig að unnið sé samkvæmt markmiðum hjúkrunar, deildarinnar og stofnunarinnar.
Á skurðstofum SAk er fjölbreytt starfsemi með allmargar sérgreinar lækninga. Þar starfar þéttur hópur fagfólks. Öflug einstaklingsmiðuð þjálfun með reyndum skurðhjúkrunarfræðingi fyrir nýliða.
Hæfniskröfur
- Íslenskt starfsleyfi sem hjúkrunarfræðingur
- Starfsreynsla í hjúkrun er æskileg
- Sérnám í skurðhjúkrun eða starfsreynsla á þeim sviðum hjúkrunar sem nýtast í auglýstu starfi er kostur
Frekari upplýsingar um starfið
Laun samkvæmt gildandi kjarasamningi sem fjármála- og efnahagsráðherra og Félag íslenskra hjúkrunarfræðinga hafa gert.
Allar umsóknir þurfa að fara rafrænt í gegnum ráðningarkerfi ríkisins. Umsóknum skulu fylgja ítarlegar upplýsingar um nám og starfsferilskrá ásamt afriti af prófskírteinum og starfsleyfi, ef við á. Tekið er mið af jafnréttisstefnu Sjúkrahússins á Akureyri við ráðningar í störf á sjúkrahúsinu. Umsóknir geta gilt í 6 mánuði frá birtingu auglýsingar, sbr. 3. tl. 2. mgr. 2. gr. reglna nr. 1000/2019 um auglýsingar lausra starfa með síðari breytingum. Öllum umsóknum verður svarað.
Sjúkrahúsið á Akureyri veitir alþjóðlega DNV-GL vottaða heilbrigðisþjónustu með ISO vottuðu gæðastjórnunarkerfi þar sem áhersla er á virka þátttöku allra starfsmanna til að uppfylla þær gæðakröfur sem gerðar eru í alþjóðlegum staðli sem sjúkrahúsið er vottað eftir.
Samkvæmt mannauðsstefnu Sjúkrahússins á Akureyri er lögð áhersla á að ráða til starfa og halda í hæfileikaríka einstaklinga. Við val á starfsfólki er menntun, reynsla, færni og hæfni höfð að leiðarljósi. Mannauðsstefnan er leiðarljós stjórnenda og starfsfólks sem gerir sjúkrahúsið framsækinn og eftirsóknarverðan vinnustað, en hún byggir á grunngildum sjúkrahússins sem eru: ÖRYGGI, SAMVINNA og FRAMSÆKNI.
Starfshlutfall er 90%
Umsóknarfrestur er til og með 07.06.2023
Nánari upplýsingar veitir
Anna Margrét Tryggvadóttir
-
[email protected]
-
463-0100
Erla Björnsdóttir
-
[email protected]
-
463-0100