Verkefnastjóri doktorsnáms, Verkfræði- og náttúruvísindasviðs Háskóla Íslands
Verkefnastjóri doktorsnáms, Verkfræði- og náttúruvísindasviðs Háskóla Íslands
Verkfræði- og náttúruvísindasvið Háskóla Íslands leitar að verkefnastjóra doktorsnáms í 50-70% starfshlutfall. Starfið tilheyrir Nemendaþjónustu sviðsins og felst m.a. í því að hafa umsjón með doktorsnámi á sviðinu og veita upplýsingar og þjónustu til bæði nemenda og starfsfólks með faglegum vinnubrögðum, skilvirkum ferlum og þjónustumiðaðri nálgun.
Helstu verkefni og ábyrgð
- Þjónusta, ráðgjöf og upplýsingamiðlun til doktorsnema og starfsfólks sviðsins
- Umsjón með umsóknum, námsferlum og brautskráningu doktorsnema
- Umsýsla og samskipti við andmælendur vegna doktorsvarna
- Eftirfylgni og utanumhald upplýsinga og gagna
- Þátttaka í tilfallandi verkefnum innan Nemendaþjónustu sviðsins
Hæfniskröfur
- Háskólapróf sem nýtist i starfi
- Reynsla og/eða þekking af verkefnastjórnun er kostur
- Þjónustulund, samstarfshæfni og lipurð í samskiptum
- Góð tölvukunnátta og áhugi á að tileinka sér nýjungar á því sviði
- Góð íslensku- og enskukunnátta, bæði í töluðu og rituðu máli
- Skipulagshæfni og frumkvæði í starfi
Frekari upplýsingar um starfið
Laun samkvæmt gildandi kjarasamningi sem fjármála- og efnahagsráðherra og Félag háskólakennara hafa gert.
Eftirfarandi gögn skulu fylgja umsókn:
- Ferilskrá
- Bréf þar sem áhuga á starfinu er lýst og fjallað um hvað umsækjandi telur sig geta lagt af mörkum til þess
- Staðfest afrit af prófskírteinum
- Upplýsingar um umsagnaraðila
Öllum umsóknum verður svarað og umsækjendum verður tilkynnt um ráðstöfun starfsins þegar ákvörðun hefur verið tekin.
Umsóknir geta gilt í sex mánuði frá lokum umsóknafrests. Æskilegt er að viðkomandi geti hafið störf sem fyrst.
Við ráðningu í störf í Háskóla Íslands er tekið mið af jafnréttisáætlun skólans, sjá hér: http://www.hi.is/haskolinn/jafnrettisaaetlun#markmid2.
Vakin er athygli á málstefnu Háskóla Íslands, sjá hér: https://www.hi.is/haskolinn/malstefna_haskola_islands.
Háskóli Íslands er gróskumikið þekkingarsamfélag og er fjölbreyttur og lifandi vinnustaður. Akademískt frelsi, fagmennska og jafnrétti eru gildi skólans og er mikið lagt upp úr sveigjanleika og þátttöku starfsmanna í uppbygginu náms og rannsókna við skólann. Á Verkfræði- og náttúruvísindasviði starfa um 390 manns við rannsóknir og kennslu á sviði verkfræði og náttúruvísinda. Starfsumhverfið er alþjóðlegt enda eykst sífellt hlutfall erlendra starfsmanna og nemenda við sviðið, en fjórðungur bæði starfsmanna og framhaldsnema eru erlendir. Á sviðinu eru um 2000 nemendur og fjölmargir framhaldsnemar. Verkfræði- og náttúruvísindasvið stærir sig af fjölbreytileika og umbótasinnuðu umhverfi þar sem þekkingaröflun og miðlun er í fyrirrúmi.
Starfshlutfall er 50-70%
Umsóknarfrestur er til og með 05.06.2023
Nánari upplýsingar veitir
Ingibjörg Óðinsdóttir, Mannauðsstjóri - [email protected]