Fjölbrautaskóli Norðurlands vestra auglýsir eftir kennara í helgarnámi í sérgreinum rafiðna
Fjölbrautaskóli Norðurlands vestra auglýsir eftir kennara í helgarnámi í sérgreinum rafiðna
Fjölbrautaskóli Norðurlands vestra óskar eftir að ráða:
Kennara í helgarnámi í sérgreinum rafiðna skólaárið 2023-2024. Möguleiki er á áframhaldandi ráðningu. Ráðning er frá 1. ágúst 2023.
Umsækjandi þarf að hafa iðnmeistararéttindi í rafiðnum og kennsluréttindi á framhaldsskólastigi.
Helstu verkefni og ábyrgð
Kennsla í helgarnámi í sérgreinum rafiðna skólaárið 2023-2024.
Hæfniskröfur
Leitað er að kennara sem hefur frumkvæði, er sjálfstæður í vinnubrögðum og hefur áhuga á að taka þátt í þróunarstarfi í kennsluháttum og uppbyggingu náms í samræmi við lög um framhaldsskóla (nr. 92/2008).
Í samræmi við jafnréttisáætlun skólans er fólk af öllum kynjum hvatt til að sækja um starfið.
Frekari upplýsingar um starfið
Laun samkvæmt gildandi kjarasamningi sem fjármála- og efnahagsráðherra og Kennarasamband Íslands hafa gert.
Vakin er athygli umsækjenda á að samkvæmt lögum um framhaldsskóla nr. 92/2008 er ekki heimilt að ráða einstakling til starfa sem hlotið hefur dóm fyrir brot á XXII. kafla almennra hegningarlaga og því er beðið um sakavottorð áður en af ráðningu getur orðið.
Umsóknum skal fylgja ítarleg starfsferilskrá, leyfisbréf og prófskírteini.
Öllum umsóknum verður svarað þegar ákvörðun hefur verið tekin um ráðningu.
Starfshlutfall er 100%
Umsóknarfrestur er til og með 09.06.2023
Nánari upplýsingar veitir
Ingileif Oddsdóttir, skólameistari - [email protected] - 8663698