Hjúkrunarfræðingur á HNE-, lýta- og æðaskurðdeild A4 Fossvogi
Hjúkrunarfræðingur á HNE-, lýta- og æðaskurðdeild A4 Fossvogi
Laust er til umsóknar starf hjúkrunarfræðings á HNE-, lýta- og æðaskurðdeild A4 í Fossvogi.
Við bjóðum nýútskrifaðan hjúkrunarfræðing jafnt sem reynslubolta velkominn í okkar hóp. Hjá okkur ríkir einstaklega góður starfsandi sem einkennist af vinnugleði og metnaði. Áhersla lögð á framþróun og símenntun starfsfólks.. Við tökum vel á móti nýju fólki og veitum góða einstaklingshæfða aðlögun.
Deildin er 18 rúma bráðadeild og þar er rekin þriggja sérgreina skurðdeild. Þar er sjúklingum sinnt eftir háls-, nef og eyrnaaðgerðir, lýtaaðgerðir, æðaskurðaðgerðir og þar er einnig sérhæfð sáradeild. Deildin er eina brunadeildin á landinu og sinnir öllum alvarlegri brunaslysum. Hjúkrunarfræðingar deildarinnar hafa sérhæft sig í sárum og sárameðferð. Sjúklingahópurinn er mjög fjölbreyttur og enginn dagur eins.
Landspítali styður nýútskrifaða hjúkrunarfræðinga í starfi með markvissri handleiðslu og fræðslu, samhliða starfi í formi starfsþróunarárs Landspítala.
Upphaf starfs og starfshlutfall er samkomlag, unnið er í vaktavinnu. Ráðið er í starfið frá 1. júlí n.k. eða eftir nánara samkomulagi.
Vinnuvika starfsfólks í fullri vaktavinnu er nú 36 stundir og getur orðið minni eftir samsetningu vakta. Markmiðið er að stuðla að betri heilsu og öryggi starfsfólks og auka möguleika þess til að samþætta betur vinnu og einkalíf.
Helstu verkefni og ábyrgð
- Ákveða, skipuleggja og veita hjúkrunarmeðferð
- Skipuleggja og veita fræðslu til sjúklinga og aðstandenda
- Þátttaka í þverfaglegri teymisvinnu
- Fylgjast með nýjungum innan hjúkrunar
Hæfniskröfur
- Íslenskt hjúkrunarleyfi
- Faglegur metnaður og sjálfstæði í vinnubrögðum
- Jákvætt viðhorf, frumkvæði og góðir samskiptahæfileikar
- Hæfni og geta til að vinna í teymum
Frekari upplýsingar um starfið
Laun samkvæmt gildandi kjarasamningi sem fjármála- og efnahagsráðherra og Félag íslenskra hjúkrunarfræðinga hafa gert.
Allar umsóknir þurfa að fara rafrænt í gegnum ráðningarkerfi ríkisins.
Umsókn fylgi náms- og starfsferilskrá ásamt afriti af prófskírteinum og starfsleyfi, ef við á. Fylgiskjöl skulu vera á pdf formi.
Tekið er mið af jafnréttisstefnu Landspítala við ráðningar á spítalanum.
Landspítali er lifandi og fjölbreyttur vinnustaður þar sem yfir 6700 manns starfa í þverfaglegum teymum og samstarfi ólíkra fagstétta. Framtíðarsýn Landspítala er að þar sé veitt framúrskarandi heilbrigðisþjónusta byggð á vísindum, fagmennsku og umhyggju, öflugu fagfólki og studd með umgjörð og aðbúnaði sem sómi er að.
Umsóknir geta gilt í 6 mánuði frá birtingu auglýsingar, sbr. 3. tl. 2. mgr. 2. gr. reglna nr. 1000/2019 um auglýsingar lausra starfa með síðari breytingum.
Öllum umsóknum verður svarað.
Starfsmerkingar: Heilbrigðisþjónusta, hjúkrunarfræðingur, hjúkrun
Starfshlutfall er 50-100%
Umsóknarfrestur er til og með 05.06.2023
Nánari upplýsingar veitir
Ingibjörg Guðmundsdóttir, deildarstjóri - [email protected] - 824 1573