Starfsnám til sérfræðiviðurkenningar hjúkrunarfræðinga og ljósmæðra
Starfsnám til sérfræðiviðurkenningar hjúkrunarfræðinga og ljósmæðra
Heilsugæsla höfuðborgarsvæðisins auglýsir eftir metnaðarfullum hjúkrunarfræðingum og ljósmæðrum í launað starfsnám til sérfræðiviðurkenningar. Starfsnámið er einstaklingsmiðað og stendur yfir í 24 mánuði. Áætlað er að starfsnámið hefjist í lok september 2023 eða eftir nánara samkomulagi.
Markmið starfsnámsins er að efla og bæta klíníska færni og þekkingu verðandi sérfræðiljósmæðra og sérfræðinga í hjúkrun. Ljósmæður og hjúkrunarfræðingar fá þjálfun í fræðilegum vinnubrögðum og reynslu í hlutverki sérfræðings á sérsviði undir handleiðslu sérfræðings á því sviði. Ef þú hefur áhuga á aukinni þekkingu á klínísku sérsviði og framþróun í starfi þá hvetjum við þig til að sækja um.
Helstu verkefni og ábyrgð
- Sinnir almennum og sérhæfðum klínískum störfum á einni eða fleiri starfsstöðvum HH.
- Þróar meðferð og umönnun í samræmi við klínískar áherslu starfsnámsins.
- Stuðlar að og tekur þátt í þverfaglegri samvinnu og hefur frumkvæði að nýjungum í meðferð eftir því sem við á.
- Veitir ráðgjöf og fræðslu til sjúklinga, aðstandenda eða starfsmanna tengda sínu sérsviði.
- Leggur fram námsáætlun og gerir reglulega grein fyrir framvindu starfsnámsins.
- Tekur þátt í reglubundnum umræðutímum og ígrundunum.
Hæfniskröfur
- Íslenskt hjúkrunarleyfi eða ljósmóðurleyfi
- Meistarapróf sem uppfyllir skilyrði reglugerðar um hjúkrunarfræðinga nr. 512/2013 með síðari breytingum og/eða reglugerðar um ljósmæður nr. 1089/2012.
- Áhugi og metnaður til að þróa sérfræðiþekkingu á tilteknu sviði hjúkrunar- eða ljósmóðurfræði.
- Sjálfstæði í starfi, skipulagshæfni og öguð vinnubrögð
- Mikil hæfni og lipurð í mannlegum samskiptum
- Reynsla og áhugi á teymisvinnu
- Íslenskukunnátta og góð almenn tölvukunnátta
Frekari upplýsingar um starfið
Laun samkvæmt gildandi kjarasamningi sem fjármála- og efnahagsráðherra og Félag íslenskra hjúkrunarfræðinga hafa gert.
Umsókn skal fylgja ítarleg náms- og starfsferilsskrá ásamt kynningarbréfi þar sem tilgreind eru persónuleg markmið með starfsnáminu. Jafnframt skal leggja fram staðfestar upplýsingar um menntun og staðfest afrit af opinberu starfsleyfi. Viðtöl verða höfð við umsækjendur. Mat á hæfni umsækjenda byggist á innsendum gögnum og viðtölum við umsækjendur. Gögn sem ekki er hægt að senda rafrænt skulu berast Svövu Þorkelsdóttur, framkvæmdastjóra mannauðs og nýliðunar Heilsugæslu höfuðborgarsvæðisins, Álfabakka 16, 109 Reykjavík. HH áskilur sér rétt til þess að óska eftir hreinu sakavottorði.
Tekið er mið af jafnréttis- og mannréttindastefnu Heilsugæslu höfuðborgarsvæðisins við ráðningu í starfið. Öllum umsóknum verður svarað þegar ákvörðun um ráðningu liggur fyrir. Umsókn getur gilt í 6 mánuði.
Starfshlutfall er 80-100%
Umsóknarfrestur er til og með 08.06.2023
Nánari upplýsingar veitir
Ragnheiður Ósk Erlendsdóttir
-
[email protected]
-
513-5000
Anna Sigríður Vernharðsdóttir
-
[email protected]
-
513-5235