Hoppa yfir valmynd
StjórnunarstörfHöfuðborgarsvæðiðÞjóðleikhúsið

Teymisstjóri leikmynda- og leikmunaframleiðslu

Teymisstjóri leikmynda- og leikmunaframleiðslu

Þjóðleikhúsið er lifandi og kraftmikið leikhús sem á brýnt erindi við fólkið í landinu og setur upp leiksýningar sem hrífa áhorfendur og skemmta, vekja til umhugsunar, endurspegla fjölbreytileika mannlífsins og veita innblástur.  Þjóðleikhúsið á í virku samtali við fólkið í landinu og vinnur að því að efla og glæða áhuga landsmanna á list leikhússins. Þjóðleikhúsið er opið og fjölsótt og teygir sig út til ólíkra hópa í samfélaginu. 

Þjóðleikhúsið leitar að reynslumiklum, lausnamiðuðum og metnaðarfullum einstaklingi til að sinna starfi teymisstjóra leikmynda- og leikmunaframleiðslu leikhússins. Starfið felur í sér framleiðslustjórn fyrir framleiðslu leikmynda og leikmuni á öllum sviðum leikhússins. Teymisstjórar leikmynda- og leikmunaframleiðslu Þjóðleikhússins eru tveir og starfa náið saman. Þeir taka við teikningum og hugmyndum frá leikmyndahöfundum og leiða hóp starfsfólks á smíðaverkstæði og í leikmunadeild  við úrvinnslu og útfærslu á þeim teikningum/hugmyndum. Þeir starfa með stjórnendum leikhússins að því að tryggja hámarks gæði og hagkvæmni í framleiðslu leikverka leikhússins ásamt því að framfylgja umhverfisstefnu leikhússins. 

Þjóðleikhúsið er jafnlaunavottaður vinnustaður þar sem fjölbreyttur og samheldinn hópur starfar. Stofnunin er þátttakandi í verkefninu um styttingu vinnuvikunnar og boðið er upp á hlunnindi svo sem samgöngustyrk vegna vistvænna samgangna. 

Helstu verkefni og ábyrgð

  • Taka við hugmyndum og teikningum frá leikmyndahöfundum og vera í samtali við þau um efnisval, tæknilegar útfærslur og vinnsluaðferðir
  • Stýra starfi framleiðsluteymis og stjórna ferli og samhæfingu við aðrar deildir vegna framleiðslu leikmynda og leikmuna á öllum leiksviðum leikhússins
  • Vinna að útfærslu við framleiðslu og smíði leikmynda og leikmuna 
  • Útbúa smíða- og tækniteikningar eða staðfesta slíkar frá hönnuðum m.t.t tækja- og tæknibúnaðar hússins, annarra leikmynda á tilteknu sviði, skiptinga og geymslupláss og öryggiskrafna o.s.frv.
  • Gæta þess að rekstur framleiðsluteymis sé ávallt í samræmi við samþykktar forsendur og áætlanir
  • Sjá til þess að framleiðsluferli og tímaáætlanir í framleiðslu leikmynda og leikmuna haldist. 
  • Stuðla að því að efni og aðföng séu vel nýtt
  • Leggja sig fram við að kolefnisfótspor við framleiðslu leikmynda og leikmuna sé haldið í lágmarki og sé í samræmi við umhverfisstefnu leikhússins
  • Sjá um að skipuleggja vinnutíma starfsfólks við framleiðslu leikmynda og nýta hann á sem hagkvæmastan hátt
  • Tryggja að öryggi, frágangur og umgengni framleiðsluteymis og vinnusvæði þess sé til fyrirmyndar

Hæfniskröfur

  • Þekking og reynsla af starfi í leikhúsi og framleiðslu leikmynda og leikmuna
  • Mikil reynsla af hverskyns smíðavinnu og þekking á öryggiskröfum 
  • Góð skipulagshæfni
  • Hæfni til að leysa tæknilega flókin verkefni
  • Góð almenn tölvukunnátta: Outlook, Excel, Word. 
  • Yfirgripsmikil þekking og kunnátta á algengum teikniforritum eins og Sketchup og Auto CAD
  • Menntun sem nýtist í starfi 
  • Hugmyndaauðgi, frumkvæði og áræðni ásamt hæfni í mannlegum samskiptum 
  • Gott vald á íslensku og/eða ensku

Frekari upplýsingar um starfið

Laun samkvæmt gildandi kjarasamningi sem fjármála- og efnahagsráðherra og Sameyki hafa gert.

  • Vinnutími er á dagvinnutíma alla virka daga en gert ráð fyrir sveigjanlegum vinnutíma þegar leikmyndir fara á svið og við fyrstu skiptingar hverrar leikmyndar á sviði
  • Næsti yfirmaður er forstöðumaður skipulags, framleiðslu og ferla
  • Við ráðningu í störf í Þjóðleikhúsinu er tekið mið af jafnréttisáætlun leikhússins
  • Upphaf starfs er umsemjanlegt en í síðasta lagi 17. ágúst 2023
  • Við hvetjum áhugasama aðila, án tillits til kyns og uppruna, til að sækja um

Eftirfarandi gögn skulu fylgja umsókn:

  • Ferilskrá
  • Kynningarbréf þar sem umsækjandi gerir grein fyrir því hvernig hann uppfyllir hæfnikröfur auglýsingar
  • Afrit af prófskírteinum
  • Upplýsingar um umsagnaraðila frá fyrri störfum

Leikhúsið áskilur sér rétt til að ráða engan uppfylli enginn umsækjandi kröfur. 
Öllum umsóknum verður svarað þegar ákvörðun um ráðningu hefur verið tekin.

Starfshlutfall er 100%

Umsóknarfrestur er til og með 05.06.2023

Nánari upplýsingar veitir

Tinna Lind Gunnarsdóttir, Forstöðumaður skipulags, framleiðslu og ferla - [email protected] - 5851212

Smelltu hér til að sækja um starfið

Hafa samband

Ábending / fyrirspurn
Ruslvörn
Vinsamlegast svaraðu í tölustöfum