Ljósmóðir - Bráðaþjónusta kvennadeilda
Ljósmóðir - Bráðaþjónusta kvennadeilda
Vegna breytinga á fyrirkomulagi bráðaþjónustu kvennadeilda eru laus til umsóknar störf ljósmæðra.
Bráðaþjónusta kvennadeilda er staðsett á göngudeild mæðraverndar og fósturgreiningu á kvenna- og barnasviði Landspítala.
Um er að ræða kvöld- og helgarvaktir og starfshlutfall 30%-60%. Ráðið verður í stöðurnar frá 1. ágúst 2023 eða eftir samkomulagi.
Helstu verkefni og ábyrgð
- Móttaka og umönnun kvenna með bráð vandamál vegna kvensjúkdóma eða einkenna frá kvenlíffærum
- Móttaka og umönnun kvenna með bráð vandamál á meðgöngu eða eftir fæðingu
- Móttaka og umönnun kvenna í upphafi og aðdraganda fæðingar
- Símsvörun og símaráðgjöf vegna kvensjúkdóma og bráðra vandamála á meðgöngu og eftir fæðingu. Einnig símaráðgjöf í aðdraganda fæðingar
- Þátttaka í faglegri þróun umönnunar sem veitt er á deildinni
- Virk þátttaka í teymis- og umbótastarfi
- Klínísk kennsla nema á deild
Hæfniskröfur
- Íslenskt ljósmóðurleyfi
- Íslenskt hjúkrunarleyfi æskilegt
- Sjálfstæði í vinnubrögðum og hæfni til að vinna í teymi
- Góð samskiptahæfni og jákvætt viðhorf
- Faglegur metnaður og frumkvæði í starfi
- Áhugi á símaráðgjöf og bráðaþjónustu
- Reynsla af vaktstjórn er kostur
- Reynsla af símaráðgjöf er kostur
Frekari upplýsingar um starfið
Laun samkvæmt gildandi kjarasamningi sem fjármála- og efnahagsráðherra og Ljósmæðrafélag Íslands hafa gert.
Allar umsóknir þurfa að fara rafrænt í gegnum ráðningarkerfi ríkisins.
Umsókn fylgi náms- og starfsferilskrá ásamt afriti af prófskírteinum og starfsleyfi, ef við á. Fylgiskjöl skulu vera á pdf formi.
Tekið er mið af jafnréttisstefnu Landspítala við ráðningar á spítalanum. Öllum umsóknum verður svarað.
Landspítali er lifandi og fjölbreyttur vinnustaður þar sem yfir 6700 manns starfa í þverfaglegum teymum og samstarfi ólíkra fagstétta. Framtíðarsýn Landspítala er að þar sé veitt framúrskarandi heilbrigðisþjónusta byggð á vísindum, fagmennsku og umhyggju, öflugu fagfólki og studd með umgjörð og aðbúnaði sem sómi er að.
Umsóknir geta gilt í 6 mánuði frá birtingu auglýsingar, sbr. 3. tl. 2. mgr. 2. gr. reglna nr. 1000/2019 um auglýsingar lausra starfa með síðari breytingum.
Starfsmerkingr: Heilbrigðisþjónust, ljósmóðir
Starfshlutfall er 30-60%
Umsóknarfrestur er til og með 13.06.2023
Nánari upplýsingar veitir
Ingibjörg Th Hreiðarsdóttir
-
[email protected]
-
543-3317
Stefanía Guðmundsdóttir
-
[email protected]
-
543-3253