Hoppa yfir valmynd
HeilbrigðisþjónustaHöfuðborgarsvæðiðHeilsugæsla á höfuðborgarsvæðinu

Iðjuþjálfi - Geðheilsumiðstöð barna HH

Iðjuþjálfi - Geðheilsumiðstöð barna HH

Geðheilsumiðstöð barna auglýsir eftir iðjuþjálfa í 50% ótímabundið starf. Æskilegt er að viðkomandi getið hafið störf 1. ágúst eða eftir nánara samkomulagi. 

Geðheilsumiðstöð barna er miðstöð geðheilbrigðisþjónustu fyrir börn á landsvísu, staðsett innan Heilsugæslu höfuðborgarsvæðisins. Miðstöðin sameinar starfsemi þriggja starfseininga innan heilsugæslunnar; Þroska og hegðunarstöð, Geðheilsuteymi fjölskylduvernd og nýtt meðferðarteymi fyrir börn og unglinga. 

Helstu verkefni og ábyrgð

Iðjuþjálfi starfar í þverfaglegu teymi við greiningu, ráðgjöf og meðferð barna með geð- eða þroskavanda. Fjölskylduvinna er einn lykilþátta starfsins. Iðjuþjálfi tekur virkan þátt í umbótastarfi og þróun þjónustu. Iðjuþjálfi sinnir ennfremur einstaklingsmiðaðri iðjuþjálfun og fræðslu og stuðningi við börn og fjölskyldur þeirra.

Hæfniskröfur

  • Íslenskt starfsleyfi í iðjuþjálfun
  • Þekking og reynsla af vinnu með börnum og fjölskyldum þeirra 
  • Þekking á taugaþroska- og geðheilbrigðisvanda barna og unglinga 
  • Þekking á stafrænum einkennum barna æskileg
  • Þekking á félagsfærniþjálfun æskileg
  • Faglegur metnaður, sjálfstæði í starfi, frumkvæði og öguð vinnubrögð
  • Góð hæfni í mannlegum samskiptum og áhugi og vilji til að starfa í þverfaglegu teymi
  • Góð íslenskukunnátta

Frekari upplýsingar um starfið

Laun samkvæmt gildandi kjarasamningi sem fjármála- og efnahagsráðherra og Iðjuþjálfafélag Íslands hafa gert.

Umsókn skal fylgja ítarleg náms- og starfsferilsskrá. Jafnframt skal leggja fram leyfisbréf og staðfestar upplýsingar um menntun ásamt hreinu sakavottorði. Mat á hæfni umsækjenda byggist á innsendum gögnum og viðtölum við umsækjendur. Gögn sem ekki er hægt að senda rafrænt skulu berast Svövu Þorkelsdóttur, framkvæmdastjóra mannauðs og nýliðunar Heilsugæslu höfuðborgarsvæðisins, Álfabakka 16, 109 Reykjavík. HH áskilur sér rétt til að óska eftir hreinu sakavottorði. 

Tekið er mið af jafnréttis- og mannréttindastefnu Heilsugæslu höfuðborgarsvæðisins við ráðningu í starfið. Öllum umsóknum verður svarað þegar ákvörðun um ráðningu liggur fyrir. Umsókn getur gilt í 6 mánuði.

Starfshlutfall er 50%

Umsóknarfrestur er til og með 12.06.2023

Nánari upplýsingar veitir

Linda Kristmundsdóttir - [email protected] - 513-6620

Smelltu hér til að sækja um starfið

Hafa samband

Ábending / fyrirspurn
Ruslvörn
Vinsamlegast svaraðu í tölustöfum