Hoppa yfir valmynd
/

Hjúkrunarfræðingar - Landspítali, taugalækningadeild - Reykjavík - 201707/1189

 

 

Hjúkrunarfræðingar óskast á taugalækningadeild
Við sækjumst eftir hjúkrunarfræðingum til starfa á taugalækningadeild í Fossvogi. Í boði er einstakt tækifæri til að sérhæfa sig í hjúkrun sjúklinga með taugasjúkdóma. Við leggjum við ríka áherslu á símenntun starfsfólks og þróunar- og rannsóknarvinnu. Í boði verður sérsniðið aðlögunarprógram fyrir hjúkrunarfræðinga sem áhuga hafa á að taka þátt í uppbyggingu og mótun á nýrri stroke einingu innan deildarinnar. 

Taugalækningadeild þjónar sjúklingum með taugasjúkdóma. Lögð er áhersla á góð samskipti við sjúklinga og fjölskyldur þeirra. Á deildinni starfa um 60 manns í þverfaglegu teymi. 

Við tökum vel á móti nýju fólki og veitum góða aðlögun. Velkomið að kíkja í heimsókn, áhugasamir hafi samband við Guðrúnu deildarstjóra.

Helstu verkefni og ábyrgð
Sérhæfð hjúkrun
Ákveða, skipuleggja og veita hjúkrunarmeðferð
Skrá hjúkrun í samræmi við reglur LSH
Fylgjast með nýjungum í faginu
Þátttaka í þverfaglegri teymisvinnu

Hæfnikröfur
Jákvætt viðhorf, frumkvæði og samskiptahæfileikar
Sjálfstæði í vinnubrögðum og faglegur metnaður
Hæfni og geta til að vinna í teymi
Íslenskt hjúkrunarleyfi

Frekari upplýsingar um starfið
Laun samkvæmt gildandi kjarasamningi sem fjármála- og efnahagsráðherra og Félag íslenskra hjúkrunarfræðinga hafa gert.
Sótt er um starfið rafrænt á; www.landspitali.is, undir "laus störf". Öllum umsóknum verður svarað. Tekið er mið af jafnréttisstefnu LSH við ráðningar á spítalanum.

Störfin eru laus frá 1. september 2017 eða eftir samkomulagi og er starfshlutfall og vinnufyrirkomulag samkomulagsatriði, fastar nætuvaktir eru í boði. Um er að ræða 3 stöðugildi.
Umsókn fylgi náms- og starfsferilskrá ásamt afriti af prófskírteinum og starfsleyfi.

Landspítali er lifandi og fjölbreyttur vinnustaður þar sem yfir 5000 manns starfa í þverfaglegum teymum og samstarfi ólíkra fagstétta. Framtíðarsýn Landspítala er að vera háskólasjúkrahús í fremstu röð þar sem sjúklingurinn er ávallt í öndvegi. Lykiláherslur í stefnu spítalans eru öryggismenning, skilvirk og vönduð þjónusta, uppbygging mannauðs og stöðugar umbætur.

Starfshlutfall er 50 - 100%
Umsóknarfrestur er til og með 08.08.2017

Nánari upplýsingar veitir
Guðrún Jónsdóttir - [email protected] - 825 3702
Sólveig Jóhanna Haraldsdóttir - [email protected] - 543 6101


LSH Taugalækningadeild
Fossvogi
108 Reykjavík


Smelltu hér til að sækja um starfið

Efnisorð

Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn


Þessi síða notar vafrakökur Lesa meira