Hoppa yfir valmynd
/

Lögreglumenn - Lögreglustjórinn á Suðurnesjum - Reykjanesbær - 201708/1262

 

Lögreglumenn - Lögreglustjórinn á Suðurnesjum
 
Við embætti lögreglustjórans á Suðurnesjum eru lausar til umsóknar 3 stöður lögreglumanna í almennri deild með aðsetur í Reykjanesbæ. Skipað verður í stöðurnar til 5 ára, frá og með 1. október 2017.

Í ljósi ríkjandi kynjahlutafalls innan lögreglu og jafnréttisáætlunar lögreglunnar eru konur sérstaklega hvattar til að sækja um. 

Helstu verkefni og ábyrgð
Verksvið og ábyrgð lögreglumanns, samkvæmt reglugerð nr. 1051/2006 um starfsstig innan lögreglunnar, eru löggæslustörf, þar á meðal forvarnarstörf og rannsóknir mála. Halda uppi lögum og reglu í samræmi við lög, reglur og fyrirmæli, tryggja réttaröryggi borgara með störfum sínum og framkomu, greiða götur þeirra eftir því sem við á og aðstoða þegar hætta steðjar að eða slys ber að höndum og sinna verkum sem lögreglustjóri felur honum.

Hæfnikröfur
Umsækjendur skulu hafa lokið prófi frá Lögregluskóla ríkisins. Reynsla af lögreglustörfum og aukin menntun er kostur. Þeir umsækjendur sem uppfylla hæfnisskilyrði verða boðaðir í viðtal og umsagna afla um þá.

Meðal þess sem litið verður til:
-Góð samskiptahæfni og þjónustulipurð
-Aðlögunarhæfni, jákvætt viðhorf og sveigjanleiki
-Frumkvæði og drifkraftur
-Aukin menntun og reynsla sem nýtist í starfi. 

Frekari upplýsingar um starfið
Laun samkvæmt gildandi kjarasamningi sem fjármála- og efnahagsráðherra og Landssamband lögreglumanna hafa gert.
Starfið er vaktavinna og unnið eftir 5-5-4 vaktakerfi á 12 tíma vöktum. 
Eftirfarandi upplýsingum er beint til umsækjenda. Samkvæmt 28. gr. a. lögreglulaga nr. 90/1996 er mælt fyrir um að engan megi skipa, setja eða ráða til starfa hjá lögreglu sem hefur gerst sekur um refsivert athæfi sem telja má svívirðilegt að almenningsáliti eða sýnt af sér háttsemi sem getur rýrt það traust sem starfsmenn lögreglu verða almennt að njóta. Til þess að staðreyna þetta er lögreglu heimilt að afla upplýsinga úr sakaskrá og málaskrám lögreglu.

Umsóknir sem berast eftir að umsóknarfresti lýkur verða ekki teknar til greina.
Öllum umsóknum verður svarað þegar ákvörðun um skipun liggur fyrir.

Sækja skal um stöðurnar með rafrænum hætti á vef Starfatorgs, www.starfatorg.is Umsækjendur eru vinsamlegast beðnir um að vanda umsóknir sínar og það er kostur að ferilskrá fylgi umsókn.
 
Starfshlutfall er 100%
Umsóknarfrestur er til og með 28.08.2017

Nánari upplýsingar veitir
Skúli Jónsson - [email protected] - 4442200
Gunnar Ólafur Schram - [email protected] - 4442200

LTSN Lögr. Almenn deild
Hringbraut 130
230 Keflavík


Smelltu hér til að sækja um starfið

 

Efnisorð

Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn


Þessi síða notar vafrakökur Lesa meira