Hoppa yfir valmynd
/

Lögfræðingur - Kærunefnd útlendingamála - Reykjavík - 201708/1285

 

Störf lögfræðinga hjá kærunefnd útlendingamála.

Kærunefnd útlendingamála úrskurðar í málum sem til hennar eru kærð á grundvelli laga um útlendinga nr. 80/2016. Langstærsti málaflokkur nefndarinnar varðar umsóknir um alþjóðlega vernd en nefndin úrskurðar einnig í dvalarleyfismálum og málum tengdum brottvísunum. Kærunefnd útlendingamála er metnaðarfullur vinnustaður með öflugt teymi starfsmanna sem náð hefur verulegum árangri við að stytta málsmeðferðartíma umsókna um alþjóðlega vernd og bæta verkferla. Nefndin er að leita að tveimur eða fleiri drífandi lögfræðingum til að vinna með nefndinni við undirbúning og ritun úrskurða. 

Menntunar- og hæfniskröfur:
Fullnaðarnám í lögfræði með embættis- eða meistaraprófi
Þekking á löggjöf um dvalarleyfi útlendinga og/eða á flóttamannarétti æskileg
Reynsla af úrskurðarvinnu innan stjórnsýslunnar æskileg
Mjög gott vald á íslensku, sérstaklega hvað varðar framsetningu lögfræðilegrar röksemdafærslu
Góð þekking á ensku. Þekking á einu norðurlandamáli æskileg
Frumkvæði, drifkraftur og jákvæðni
Framúrskarandi hæfni í mannlegum samskiptum

Um fullt starf er að ræða. Æskilegt er að viðkomandi geti hafið störf sem fyrst. Laun greiðast samkvæmt kjarasamningi Stéttarfélags lögfræðinga við fjármálaráðherra. 

Karlar jafnt sem konur eru hvött til að sækja um auglýst starf. 

Upplýsingar um nefndina má nálgast á heimasíðu hennar, www.knu.is. Nánari upplýsingar um starfið veita Jóna Aðalheiður Pálmadóttir og Áslaug Magnúsdóttir, yfirlögfræðingar kærunefndar útlendingamála, í síma 510 0510. Öllum umsóknum verður svarað þegar ákvörðun um ráðningu liggur fyrir.

Umsóknarfrestur er til 28. ágúst nk. Umsóknum (ferilskrá og kynningarbréfi) skal skila á rafrænu formi til [email protected]. Ef ekki eru tök á að sækja um rafrænt má senda umsókn til kærunefndarinnar að Skúlagötu 17, 101 Reykjavík. Athygli er vakin á því að umsóknir munu gilda í 6 mánuði frá því að umsóknarfrestur rennur út.

Efnisorð

Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn


Þessi síða notar vafrakökur Lesa meira