Hoppa yfir valmynd
/

Hjúkrunarfræðingur - Landspítali, dagdeild skurðlækninga - Reykjavík - 201708/1269

 

Hjúkrunarfræðingur - Dagdeild skurðlækninga
 
Laust er til umsóknar starf hjúkrunarfræðings á dagdeild skurðlækninga. Við sækjumst eftir hjúkrunarfræðingi með sterka faglega sýn og áhuga á þátttöku í faglegri framþróun í framsæknu starfsumhverfi. Í boði er fjölbreytt starfssvið og góðir möguleikar á sí- og endurmenntun. 

Deildin er opin 5 daga vikunnar og sinnir þjónustu við sjúklinga sem fara í minniháttar aðgerðir svo sem æða-, lýta-, hne-, bæklunar-, heila- og tauga- og barnaskurðaðgerðir. Einnig er tekið á móti sjúklingum í undirbúning fyrir aðgerðir sem krefjast lengri legutíma. Eins er á deildinni 7 rúm fyrir liðskiptaaðgerðir. Á deildinni starfa 25 starfsmenn og þar ríkir góður starfsandi. 

Helstu verkefni og ábyrgð
» Hjúkrun sjúklinga dagdeildar skurðlækninga
» Skipuleggja og veita fræðslu til sjúklinga og aðstandenda
» Þátttaka í teymisvinnu
» Umbótastarf í samstarfi við hjúkrunarfræðinga og lækna deildarinnar

Hæfnikröfur
» Faglegur metnaður og ábyrgð í starfi
» Jákvætt viðmót og góðir samskiptahæfileikar
» Íslenskt hjúkrunarleyfi

Frekari upplýsingar um starfið
Laun samkvæmt gildandi kjarasamningi sem fjármála- og efnahagsráðherra og Félag íslenskra hjúkrunarfræðinga hafa gert.
Sótt er um starfið rafrænt á; www.landspitali.is, undir "laus störf". Öllum umsóknum verður svarað. Tekið er mið af jafnréttisstefnu LSH við ráðningar á spítalanum.

Um er að ræða dag- og kvöldvaktir ásamt einstaka næturvöktum. Starfið er laust nú þegar eða eftir nánara samkomulagi og er starfshlutfall samkomulag.

Umsókn fylgi náms- og starfsferilskrá ásamt afriti af prófskírteini og starfsleyfi.

Landspítali er lifandi og fjölbreyttur vinnustaður þar sem yfir 5000 manns starfa í þverfaglegum teymum og samstarfi ólíkra fagstétta. Framtíðarsýn Landspítala er að vera háskólasjúkrahús í fremstu röð þar sem sjúklingurinn er ávallt í öndvegi. Lykiláherslur í stefnu spítalans eru öryggismenning, skilvirk og vönduð þjónusta, uppbygging mannauðs og stöðugar umbætur.

Starfshlutfall er 50 - 100%
Umsóknarfrestur er til og með 28.08.2017

Nánari upplýsingar veitir
Bjarnveig Pálsdóttir - [email protected] - 824 8145

LSH Dagdeild skurðlækninga F
Fossvogi
108 Reykjavík


Smelltu hér til að sækja um starfið

 

Efnisorð

Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn


Þessi síða notar vafrakökur Lesa meira