Hoppa yfir valmynd
/

Matartæknir - Landspítali, eldhús - Reykjavík - 201708/1283

 

Matartæknir í eldhús Landspítala
 
Eldhús Landspítala auglýsir eftir matartækni í vaktavinnu við matargerð og skömmtun á sérfæði og almennu fæði. Við leitum eftir jákvæðum einstaklingi sem á bæði auðvelt með að vinna sjálfstætt og með ólíkum einstaklingum í hóp. Starfið er bæði krefjandi og skemmtilegt og starfsumhverfið fjölþjóðlegt. Í eldhúsi og matsölum Landspítala starfa alls um 120 starfmenn. Þar af starfa 35 manns í matargerðinni við framleiðslu á máltíðum fyrir sjúklinga og starfsmenn spítalans.

Eldhús - matsalir Landspítala sjá um matargerð og máltíðaþjónustu fyrir sjúklinga og starfsfólk spítalans. Markmið starfseminnar er að gæta hagkvæmni og tryggja öryggi matvæla og vinnuferla þannig að framleiðsla og þjónusta sé til fyrirmyndar. Eldhús og matsalir Landspítala eru með Svansvottun.

Helstu verkefni og ábyrgð
» Matargerð á sérfæði og almennu fæði, eldað samkvæmt uppskriftum
» Ábyrgð á að matur sé bragðgóður og girnilegur
» Matarskömmtun m.a. á færibandi og útsending á máltíðum
» Undirbúningur og tiltekt fyrir næstu máltíð samkvæmt matseðli 
» Frágangur og þrif á vinnusvæðum samkvæmt skipulagi

Hæfnikröfur
» Starfsleyfi matartæknis
» Almenn tölvukunnátta
» Hæfni í mannlegum samskiptum
» Íslenskukunnátta er skilyrði

Frekari upplýsingar um starfið
Laun samkvæmt gildandi kjarasamningi sem fjármála- og efnahagsráðherra og SFR - stéttarfélag í almannaþjónustu hafa gert.
Laun samkvæmt gildandi kjarasamningi fjármálaráðherra og viðkomandi stéttarfélags.
Sótt er um starfið rafrænt á; www.landspitali.is, undir "laus störf". Öllum umsóknum verður svarað þegar ákvörðun um ráðningu hefur verið tekin. Tekið er mið af jafnréttisstefnu LSH við ráðningar á spítalanum.

Um er að ræða fullt starf þar sem unnið á vöktum frá kl. 7:00-15:00 og kl.10:30-18:30 fjóra virka daga og aðra hvora helgi. Starfið er laust nú þegar eða eftir nánara samkomulagi.

Umsókn fylgi náms- og starfsferilskrá ásamt starfsleyfi matartæknis.

Landspítali er lifandi og fjölbreyttur vinnustaður þar sem yfir 5000 manns starfa í þverfaglegum teymum og samstarfi ólíkra fagstétta. Framtíðarsýn Landspítala er að vera háskólasjúkrahús í fremstu röð þar sem sjúklingurinn er ávallt í öndvegi. Lykiláherslur í stefnu spítalans eru öryggismenning, skilvirk og vönduð þjónusta, uppbygging mannauðs og stöðugar umbætur.

Starfshlutfall er 100%
Umsóknarfrestur er til og með 28.08.2017

Nánari upplýsingar veitir
Guðrún Kristín Svavarsdóttir - [email protected] - 543 1608
Friðgerður Helga Guðnadóttir - [email protected] - 543 1604

LSH Framleiðslueldhús, matargerð
Hringbraut
101 Reykjavík


Smelltu hér til að sækja um starfið

 

Efnisorð

Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn


Þessi síða notar vafrakökur Lesa meira